العمر يمضي بين حلوه ومره.

[صلوا على الحبيب]

دنياك لو تسوى من الحزن ذره ،،
ما كان تاليها توابيت وقبور ..
العمر يمضي بين حلوه ومره ،،
والموت حق وقابض الروح مأمور ..
دام الحياه الفانية مستقره ،،
ورزقك يجيك وبين الأجواد مستور ..
لا تنشغل بالوقت برده وحره ،،
واحذر تصير بقسمة الناس مقهور ..
وحكم القدر لاجاك خيره وشره ،،
اشكرعظيم الشان والذنب مغفور ..
والمجلس اللي يزعجك لا تمره ،،
خله تراك بشوفته منت مجبور ..
اطلق خيالك واترك النفس حره ،،
وخل الطبيعه في حياتك لها دور ..
وبالليل لا بانت نجوم المجره ،،
اذكر بديع الخلق باحساس وشعور ..
واسجد لرب الكون مره ومره ،،
واحفظ لسانك واترك الكذب والزور ..
وفروض ربك خلها مستمره ،،
وطاعتك لا يدخل بها نقص وقصور.

[رذاذ]

صح لسانك أخي عاشق الطيب على هذه
الأبيات الجميله ..
دُمت رآئعاً في الإختيار ..
حمـــآك ربي

رذاذ

[عابر سبيل]

لاهنت يابوعبدالله داائماً مميز في طرحك الرااااقي .. محبتي لك يالغالي وتقييمي لروعة مانقلت لنا ... فالك الجنة ،،،،

[بقآيآ .. حرف]

وحكم القدر لاجاك خيره وشره ،،
اشكرعظيم الشان والذنب مغفور ..
والمجلس اللي يزعجك لا تمره ،،
خله تراك بشوفته منت مجبور ..

أسعدك المولي
أخي الغالي عاشق الطيب
على الأختيار الراقي والحضور المميز
كل التحايا

[خالداللهيبي]

قصيدة جزله صح لسان الشاعر وصح أختيارك

[عبدالله ماجد العفاس]

ذلك هو الكلام الصحيح
صح لسان قائلها
تقبل اعجابي .