للنبض ~حرف يذكر~(متجدد آمل مشاركة الجميع)

[صلوا على الحبيب]

المشاعر تمايل لاملاها القصيد
والقصايد تعبر لاحواها العنان

والمجالس تعلم لا بغيت المفـيد
والرجال الوفــيْه ماتطيق الهوان.

[صلوا على الحبيب]

الموت حـــق وجســــم الانسان للدود
والآدمي مخلوق ,, والحــــزن طبعــــه

لكن قســـم بالله ماهــوب ( مفقــــود )
الا السنافي اللي كسب حــب ربــــــعه

[صلوا على الحبيب]

لآ صار مالك في الجمايل طماعـه
وش خانتك في عالم الحي ۈ المّيت

لولا المراجل ۈ الوفا ۈ الشجاعه
ماتفرق الرجـال عـن ربـه الـبـيـت

[صلوا على الحبيب]

لا تآمن الوقت يالغالي على هونك
الوقت طبعه كذا معاد به قوه "

" أحيان تلقى جميع الناس يغلونك
وأحيان تبكي على المعروف والخوه

[صلوا على الحبيب]

يالله تحسن خاتمتنا على خير
والا طريق الموت ماعنـــه صـــده

ويالله تلهمنا الصبر والتـــدابيــــر
لامات مــــن نبكي عليــه ونــوده

[صلوا على الحبيب]

المواقف ( خفيفه ) في عيون الثقيل !!
والاصالة ( بعيده ) في عيون الكديش

بين كف الكريم .. وبين كف البخيل !!
ألف هقوه تموت ، وألف هقوه تعيش !

[صلوا على الحبيب]

من اول عمرنا الثاني . .لثاني عمرنا الأول
كثير اشياء تتشابه . . مواجعنا مـثل اول

بكانا والحزن طول . . قصيدة حلم كذابه
غدر مافارق اكتابه . . سهر مخنوق باصحابه

[صلوا على الحبيب]

إنتهاون بـ/ الغياب وندور له عذر
والأماكن رددت مـ/ للغياب أعذار
ننثر غبار الأماني والخطاوي حبر
لو كتبنا من أمانينا مدن أشعار

[صلوا على الحبيب]

الصمت يغني عن كثير السوالف
لا صار مضمون الحكاوي نميمه

هرج القفـا في غايب الناس تآلف
قلة حيا وذنوب / من دون قيمة !

[صلوا على الحبيب]

ي صاحبي گنز الرجال / الكرآمه
ترقى عليها فوق روس المشاريف'

اللي حفظها زاد قــــدر و شهامــــه
و اللي فقدهـــا زاد ذل و تحاسيف'

[صلوا على الحبيب]

الحب شي ، و الاعجاب شي ثاني
سهله تعجب بشخص ، و صعبه تحب !

الحب مشاعر و ثقه و اخلاص و تفاني
مو كل من قال احبك ، فعلاً يحب !!"

[صلوا على الحبيب]

ياليت لي سلطـه وحكـم وتـدابــيـر
لأحرق رخـوم البلـــد وأقلـع مـداهــم

وأجيـر السلطــه لــرجـــالٍ منـاعــيـر
رجال الشرف والعز تسمع صـداهم

[صلوا على الحبيب]

الناس متقلّبه ف اللين والشدّه
والشاعر يموت وأحساسه هو أحساسه

من حط راسه براس اللي مهم قدّه
تجيه لحظه يحط أيده على راسه

[صلوا على الحبيب]

لا هزتك ريح المصايب والاوجاع
انصب على أرض الرجاء خيمة الصبر
من يشتكي همه على حي خداع
مثل الذي يشكي على ساكن القبر.
ٓ

[صلوا على الحبيب]

من ينتظر رد العطا لا عطى خير
اردى من اللي ما عطى فــي حياتة

ھذا المطر يعطي ولا ينتظر غير
تضفي على جرد الصحاري عباتة

[صلوا على الحبيب]

أنا بدوي وبعيشتي ماتنعمت
ورمز البداوه سيف وللكيف دله

محبوبتي صحراي في حبها همت
أعشق سهلها والرجوم المطله

يكفي إني من البداوه تعلمت
إن الركوع لغير ربي مذله

[صلوا على الحبيب]

تعـتذر..!! لكـن قبــّـل ( تجــرح / انسـان )
أبيـك ، بس .. تحــّط نفسـك مكـــــآنـه ..

وكـآنك تحسـبْ " المرجلـه " .. طولـة لسـان ..!!
فـ،"اشهر ( صفـاْت الكلـب ).. طــولـة لسـانه ..:

[صلوا على الحبيب]

ان ما قدرت تجاري اخلاق الكرام
حاول تشبّھ . . بالكرام و خلقُـھم

ماهو مھم تصير من نـاسً عظام
انّك كريم اخلاق . . هو اللي مُھم

[صلوا على الحبيب]

لو المراجل بـ الذهب نشتريـها
يدفـع ثمنها كارهـين الرخامـه
والنـاس مربـاها على والديـها
أما تـربـى صـقـر ولا حمـامـه

[صلوا على الحبيب]

طبعي اجنب عـن غثا الناس واصد
لاشفـت مــالا يستحــق اهتمـامـي

في ذمتـي ماهـو بَ معجزنـي الـرد
بس اعتبر صمتي من باب احترامي

[صلوا على الحبيب]

يقولون العرب ساعة قصيد ولانبي غيره
وأنا ما أقول غير ان المشاعر مالها ساعه

على الطاعه تجمعنا عساها ياعرب خيره
ولامنا تفرقنا تفرقنا على الطاعه

[صلوا على الحبيب]

البداوه ~ ما هي الثوب القديم
*افهمو يا جاهلين اصل البداوه

البداوه .. نار في ليل عتيم
تجذب الضيفان لامنهم غدو

[صلوا على الحبيب]

على الوفـــى دربنـا والعــــز منهجـــنا
وانفوسنا عن دروب اهل الردى جزعه

يوم الردي فـِـيْ جنون الحب مزعجــنا
حنا مجانين فالوقفات والفزعـــــــه

[صلوا على الحبيب]

لا تواجـه مَـن على وجهه .. قِـنـاع
الضعـيف .. يسـدّ عن فعـله : فِـمه

والله إن البغض في طبع الشجاع
أجمـل مّـن الـود ، في طبـع رخمـه

[صلوا على الحبيب]

الطيبـيـن انظـارهم شبـحـهـا فـوق
والخايبـيـن انظارهم تحت الاقـدام

ولاهوب صح ان كـل مطرود ملحوق
ماحـدٍ لحق مـن طول الايـام الايـام

[صلوا على الحبيب]

من تولّع في الهوا ضاعت علومه
ما يحصّل في سبيله مـــــا توقّــــع

كم عنيدٍ مارخت الدنيا عزومـــــه
حالتــه مــن فقد خلّه ما ترقّــــع

[صلوا على الحبيب]

للقلب من بعض الاقارب والاصحاب
سويت رمز مثل رمز الحمايه
الناس لونها تحصل علي باب
ماعاد دلتني طريق الهدايه !!

[صلوا على الحبيب]

الرخامه وقفت ضد القرامه وهزمتها
في زمانن يمتلي ويغيض بأنصار الرخامه
الرخوم أنصارها من دس في دس خدمتها
والقروم تهوش في وقت ن ماهووقت القرامه

[صلوا على الحبيب]

يالله يامحيي العظام وهي رميم
تحيي قلوبٍ من الوفا ماتت

قلب الردي ينعاف لو جاه ترميم
ينعـاف دام الثقــه منه غابت.

[صلوا على الحبيب]

الطيبـيـن انظـارهم شبـحـهـا فـوق
والخايبـيـن انظارهم تحت الاقـدام

ولاهوب صح ان كـل مطرود ملحوق
ماحـدٍ لحق مـن طول الايـام الايـام

[صلوا على الحبيب]

ترى الحيا لامن تحلا به الرجل
لو ماهو بكايد فعل .! شافعٍ له
ومن لا تجمّل به فلا يتعب الرجل
واليا تعبها طيب .. ما زان دلّه

[صلوا على الحبيب]

الـوقـت طعنـاتـه عـلينـا تجــدد
والرجل قيـل المشكله ملح محياه
تـصـبيـره ولكــن لـوقـتن محـدد
ولا بعين الصدق ماهي مواساه
الــلازم انــه يـحـتسـبهـا مــردد
(لاحـــول ولا قــــوّة إلّا بــاللـّــه)

[صلوا على الحبيب]

فلتر عقول الناس واحكم بـ عقلك
ما كل واحد عارضِك ممتلي حقد !

صدرك يشيل المدح ما بان ثقلك
ويضيق .. لا منّك تعرّضت للنقد !

[صلوا على الحبيب]

المراجل كنها غلاها الشوارد
و الرجال قنوص و الدعوى شطاره
و جه من لا تعتني بالطيب بارد
و وجـه راع الأولـه يقـدح شـراره

[صلوا على الحبيب]

ثنتـين عنها تكــرم النفــــس وتشـوم ..
واصـــد عنهــا واتعــفــف ولا انـــلام ..

الحاجــــه الـــي دونهـــا حـبة خشوم ..
والرفقه الـــي عمـــرها شلقــة ايـام ..

[صلوا على الحبيب]

الحظ ما طاع و الايام ما طاعت
و شكواي للواحد المعبود افوّضها

يا كم فرصه تمر الشاطر و ضاعت
و لا كل فرصه ليا ضاعت يعوّضها

[صلوا على الحبيب]

لاضآقت الأربع زوآيا على البال
ذكرت ربي مفرج الضيّق كله

يجبر كسير الوقت في عثِرة الحال
وبتنفرج مدآم هرجي على الله

[صلوا على الحبيب]

ﺎلخووهه ﺎلخووهه ﺎلله يٓرحمٓ ﺎلخووهه
ﯙ يٓرحمٓ قببور ﺎلرجـاال ﺎلليٓ تقـدرها
شيٓمہ ﯙ فزعہ ﯙ ﯙعد ﯙ عهد ﯙ مروهه
صعبهہ ععلى ﺎلجاهل ﺎلليٓ مٓأ يدبرها

[رذاذ]

،؛،؛،؛،

الناس تفنى والمباني والاملاك
والقول يبقى والخبر للتوالي

الشعر معنى حكمته بعد الادراك
وما كل يلمع على النور غالي

والشعر صور شاعر فيه تلقاك
اما لبس لك جوخ ولا سمالي

،؛،؛،؛،

[صلوا على الحبيب]

وش ينفعه لا قيل / بالاسم رجـال!
والبنت 'تلعب فيه' صبح و عشية ؟
أنا اشهد انه لو لبس بشت وعقال :
ما جمله بشته 'بعين اجودية'

[صلوا على الحبيب]

خذها نصيحه صادقـه م̷ـــِْט لسانـي
ما دام ربــي فـي حياتـــك معافيـــك
العمـــر لحظـــه واكثــر العمـر فانـي
واللـي زرعتــه تحصده بيـن أياديــك

[رذاذ]

،؛،؛،؛،
بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشّه

،؛،؛،؛،

[صلوا على الحبيب]

لاقالو العين ماتعلى على الحاجب
قلت الرجل يعتلي بأخلاقه وطيبه

رفيقك إليا تذكرته .. من الواجب
تذكر مزاياه .. ما تذكر عذاريبه ➛

[رذاذ]

،؛،؛،؛،
من طاول الدمعه تكدر شرابه
والغت مرارة دمعته كل حالي

وافنى عنا دنياه زهرة شبابه
لو كان من بين الخلايق مثالي

واللي يبي ياقف لوقته يجابه
ينهد حيله,, والزمن ما يبالي


،؛،؛،؛،

[رذاذ]

،؛،؛،؛،
لو ضاقت الدنيا على راعي الطيب
يبقى شذى طيبه على الناس طايب
~
للغيم في صدر الثرى صوت ترحيب
والطيب هو فعلك ياراعي النجايب

،؛،؛،؛،

[صلوا على الحبيب]

يازايري لجيتك أبهديك بيتين
يعني كذا يازايري جتك الجزيله
أهلاً هـُلاٌٍ وأهلين أهلاً وسهلين
أهلاً هـَْـُلاٌٍ بك عد وبلً نخيله

[صلوا على الحبيب]

الوقت طوّع ولوّع عالم شابت
وقامو يقولون يادنيا من انتي له

نفوسهم من مكاسيب الزمن طابت
قد جربو لذة الوقت وغرابيله

[صلوا على الحبيب]

،؛،؛،؛،
بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشّه

،؛،؛،؛،

صح لسانك شاعرتنا القديره رذاذ ..ابيات جزله
راقت لي كثيرآ ..بارك الله فيك
لاحرمنا اطلالتك ودررك الثمينه
وفقك الله واصلي مسيرك وعين الله
ترعاك.

[صلوا على الحبيب]

لا تكره الدنيا .. ولا تلعن الناس
للحين فـي الدنيـا أوادم نـظيفه

وكانك تفكر ويـن تقدير الاحساس
غيرك يـفـكر ويـن يـلقى وظـيفه"

[صلوا على الحبيب]

أرقام بعض العرب للعين : مرغوبه
وأصواتها كنه / النسناس والعنبر

لكن بعض العرب لآ دق : والكوبه
أشيّك على أرقامها ببرنامج النمبر

[صلوا على الحبيب]

ياحظ منهو عن اعراض البشر صامت
العمر يفنى وماقمنا بــــه مسجّل

ويانفسي اللي عن أعراض البشر شآمت!
خافي ترى الموت لآ جاء صعب يتأَجّل

[صلوا على الحبيب]

في غلطة الغالي تجوز المعاذير
( نشيلها ونحطها في كفنها )

تروح بأطراف الهواء والمعاصير
( جرة مطر جاها عجاج ودفنها )

[صلوا على الحبيب]

الاصيله بنت شيخ تكرْه الهّين
ولاتعشق الاصميدع راس وسنافي

والطيب بيّن ودرب اهل الوفا بيّن
و الهيّنة بنــت لاشٍ ، تعشق ، الهافي..

[صلوا على الحبيب]

نعيش ف الدنيا العريضه ونحلم
ويمكن نحب آشياء وفيها مضره

يارب وانت الليي عن الغيب تعلم
اكتب لنا الليي فيه خير ومسره

[صلوا على الحبيب]

تشابه القاب..بس الفرق بالتاريخ
ياراعي العلم الابيض إترك الدايخ

هذاك بس البنوك ..إتلقبه بالشيخ
والا انت من وين ماسجيتها شايخ

[صلوا على الحبيب]

‏ ‏ رافق أصيل في زمانك يصافيك
لاشاف زلاتك عن الناس غطاك]

ترى الصديق اللي يحبك ويغليك
[تلقاه عونك على الشدة ويمناك

[صلوا على الحبيب]

نعيش الزمن مابين ربع واهل واجناب
نقـدر جنـاب النــاس حتــى تقدرنا

نغيب وتغيب اجسادنا والوفا ماغاب
نصون الخــوي واليـا زهـم ما تعـذرنا

[صلوا على الحبيب]

لو كل خلق آلله على آلحق يمشون
[كآن آلقلوب من آلخطآ مستريحه ،]

كم وآحدٍ بعروض آلأجوآد مفتون
[و هو سلـومه يفضحنّه فضيحهـ !]

[صلوا على الحبيب]

الشجاعه في القفا ماهي شجاعه
[الطلايع تضرب وجيه الطلايع]

أسهل ​​ الغلطات غلطات الطباعه
[وأصعب الغلطات غلطات الطبايع]

[صلوا على الحبيب]

لاجفاك اللي من الناس له عندك مقام
[نعمة النسيان نعمه وفالدنيـا سعـه]
































لاجفاك ابلا سبب لا تلحقـه المـلام
[ان رجع يامرحبا وان رحل عذره معه]

[صلوا على الحبيب]

البنت مآتشبـه ابـوهآ باالأحسـآس
[ياللي تخطب البنت من طيب ابوهآ]

كم شيخ خلف بنت مآترفع الـراس
[وكم بنت رآعي رآفعه رآس ابوهآ.]

[صلوا على الحبيب]

محبه لغير الله سر اهلها مفضوح
[ولتفه سبب لو طولوا بنيها طاحت]

محبة مصالح والمصالح تجي وتروح
[احبك لياما جات واكرهك لا راحت]

[صلوا على الحبيب]

لا جـا مـن الـطيـب خطـا مـا أتحـيّر
[أصمت وصمتي ماهو الا شرف لي]

أسـامحـــه مــادام وجهـــه تغيّـــر
[حتى لـو انـه بالخطـا ما اعترف لي]

[صلوا على الحبيب]

دام الـنوايـــا ســود وأهـدافهــا جــرد
نـوحى علـى غصـن النـدم ياحمـامـه

يـا اللـي زرعــت الـشوك مـا تقطـف الــورد
لـو تسقـي أشجـاره ... ليوم القيـامـه

[صلوا على الحبيب]

إنـمـا الأرزاق عـند الله و يـعطي خـلـقـه ,,
لا هي بـالقوة و لا هي بحيلة الحيّالة

لا تـدوّر عـذر واهي للـخـطـا و تـخـتـلقـه ,,
ذم ربي في البنادم كثرة استعجاله

[صلوا على الحبيب]

نعيش بالدنياا . . وننعاان / ونعين
حناا بشر .. محناا مجرد هيااكل

نتعب لفعل الطيب والمنطق الزين
ماا الله خلقناا بس نشرب وناكل”

[صلوا على الحبيب]

الكفو نعطيه حقّه واعتباره
[خوتّه نتعب لأجل نكسب رضاها]

والردي قدره مثل قدر الزقارة
[لأنتهت من شرب راعيها وطاها]

[صلوا على الحبيب]

لاتستحي والحقّ مافوقه غبار
في هالحياه بعرضها وبطولها

بنكّك الأصلي، او بنك مستعار
كل ما تداهمك الحقيقه.. قولها

[صلوا على الحبيب]

لا تمد رجلك ولحافك قصير
ولا تناظر فوق تتعب بالنظر
القناعة كنز لو حلمك كبير
والحياة دروس والدنيا عبر

[صلوا على الحبيب]

يارب عفوك يا محل العفو وأنت المستعان
عنّي على نفسي وساعدني في ردع شرورها
يا خالقي ما بينك وبين الخلايق ترجمان
وأنت العليم المطلّع في ما تكنّ صدورها

[صلوا على الحبيب]

عسى الله يعين اللي عليه الهموم وفود
ترزّم على صدره وضحكته تغشاها

كفيلٍ بها الي يقسم الجود بالماجود
وقال اصبروا..والعبد يجهل خفاياها

[رذاذ]

يارب عفوك يا محل العفو وأنت المستعان
عنّي على نفسي وساعدني في ردع شرورها
يا خالقي ما بينك وبين الخلايق ترجمان
وأنت العليم المطلّع في ما تكنّ صدورها

الله .. الله ...
مشاركه رآئعه يا عاشق الطيب ...

حماك ربي ...

،؛،؛،

[رذاذ]

،؛،؛،

أنت الذي يرمى بك الظن ويصيب..
والا الردي ماله على الظن طاقه
~
ساسك عريب وراسك اطيب من الطيب..
وابوك يرخي للثقيله شقاقه

،؛،؛،

[ريومة جدة]

سلم نبضك ياغالي
سلم نبضك ياغالي

[صلوا على الحبيب]

ৡ
لاتهمش آلنآس ، وتبجل بني عمك
حتى لو تحبهم خلك على آلصآمت
بكره ليآ ضآق صدرك وآثقلك همك
تلقى بعضهم يصد وبعضهم شآمت

[صلوا على الحبيب]

بعض البشر يفسرون التسامح
انه خضوع وذل لاصار بإعلان

محدٍ كثر رب المخاليق يسامح
وشلون ما اسامح وانا نطفة انسان

[صلوا على الحبيب]

خطواتنا صايـــرة وجلــة ومحسوبـــة
نقسى علـى الروح والعالـــم نداريهـا

احلامنــا من ضلـوع الصدر محطوبة
بفـاس حطّـــاب يحطبهـــا ويرميهــا"

[صلوا على الحبيب]

لو ( العمر ) ! في دبرة الناس طوّاع
ما شفـت قلـب ٍيشتكي .. اليـوم عله
تدري وش اللي يبسط بكل الاوضاع
الحمد / و التسبيح / و استغفـر اللـه

[صلوا على الحبيب]

يا بايع الذمه على شاري العيـب
اترك لحوم الناس ماهـي تجاره

لاتحسب ان الطيب في شقة الجيـب
من شق ستر الناس شقوا ستـاره""

[صلوا على الحبيب]

صل وتصدق واترك اللي ينمون
مالك ومال مولف القيل والقال

وابوك وامك برهم لين يرضون
احرص ترا في برهم زين الاعمال

[صلوا على الحبيب]

: النفس مثل الجو متغيّرة دوم
صحو ومطر وغبار وبرد وحرارة

في طاعة الرحمن تمطربها غيوم
تطفي لهيب اللي شكى حر ناره""

[صلوا على الحبيب]

عزّتي للي ليا ضاق ماعيّن صديق
ما لقىَ بين الأذاني أذان(ن) تسمعَہ
العمر مثل المحطہ والأيام الطريق
حظ منهو لا توفى رفع ( راس إصبعـَہ)

[صلوا على الحبيب]

حرارة الفزعه من الطيّب الحار ،
يقوم فيها وجه .. وتبيّض وجيه،

والطيب ما يعرف قبيله ولا دار
لا من لقاله راس نشمي .. سكن فيه ،

[صلوا على الحبيب]

أضحك مـع العآلم ، ولو قلبك حزين
أكذب على نفسك مثل مآ يكذبون !
لو كـل حـزن يكدر الخآطر ، يبين
مآ عمرنـآ شفنآ اليتآمى "يضحكون"

[صلوا على الحبيب]

عليك بذكر الله ترى العمر محدود
واردع هوى النفس الدنيّه وقدها

وأحفظ صلاتك تكسب الرزق والفود
تكسب مكاسيب الحياة وسعدها

[صلوا على الحبيب]

ناس تمنى تكسب الطيب مره
و ناس طبايعھا جفا و القطاعه

لا جاك شخصً كافي الناس شره
تشرھ عليه الناس في كل ساعه

[صلوا على الحبيب]

بعض العرب يحرجك من قمة الذوق
ويكبر بعينك من كلامه وذوقه

وبعض العرب كنه من الضيق مخلوق
لجاكـ .. جاك الضيق ترعد بروقه

[صلوا على الحبيب]

احذراك من بعض المخاليق حذراك
'بعض العرب مـاتفرقـہ مـن نساهـآ'

تـايـہ وضـايع بـيـن ذولا وذولاك
'فيـہ الجھـالـہ ، واصــلٍ منتھـاهـآ

[صلوا على الحبيب]

‏​كم حي مايسوى وجوده ولاشي
يضيق صدر الارض من ثقل دمه

وكم ميت(ن)يسوى وجوده مية حي
ميت ويخدم صـيتـه عـيـال عـمـه

[صلوا على الحبيب]

اللـي يبيني ! حطني وسط عينه
واللي يبي فرقاي ! جداً سهالات
كم شخص حال الوقت بيني وبينه
لا متّ من بعده ، ولا هو بعد مات !!

[صلوا على الحبيب]

الطيب صيده . . . والنشاما مخاليب
والحر الأشقـر ، ( فرصته ما تغرّه )

اللي طلع طلعه على الجود والطيب
عسى يمينه . . ما تجيها ( المضرّه )

[صلوا على الحبيب]

حنا علـى الدنيا ودايـع و أمانــات
والموت ياخذ ﮔــــــل يومٍ ودآعة

نحسب حساب أرباحنا في التحيات
وإذا خــسرنآ ما نصــلي جمــاعة

نجمع وصــخ دنيآ و نجمع عقارات
نخسر بنفس الوقت كنز القــناعة

ونـبني مع كـل الأوادم علاقــات
وحنـا مـع رب الأوادم قــطــاعه

[صلوا على الحبيب]

ৡ
آعطِ آلغبي فرصه ليآ من تذآكى
وآفرش على جوّه . . حبآلٍ طويله
و روق على قمـة غبـآه ، وترآكى
وإليآ تمآدى معك : طلع حصيله
��

[صلوا على الحبيب]

لا تنشغل بالبشر إذا البشر مرضى
الوقت ما ينتظر ….. وأيامنا مْخيفه

ابيذكر أيامك الحلوه من : بـ يرضى
واللي بيزعل … بيفهمها على كيفه

[صلوا على الحبيب]

عود لسانك في حياتك على قول
شي يفيدك في نهاية حياتك ..

سبح وكبر واذكر الله على طول ..
هذا الرصيد اللي يفيد بوفاتك

[صلوا على الحبيب]

ৡ
لاخآطبت لـ آحمق فأنتبه لآعليك يثور
ترآ مدفعه دآيم غبي سآعة إطلآقه
ولآتحرج آلحليم حتـى غطآه يـفور
لآ تآمن لقدر آلضغط لو فوقه آطبآقه

[صلوا على الحبيب]

ৡ
آلطيب له سوق غآلي حيل ومشوق
سوق آلردآ سلعته بريآل ولا آرخص
سوقين للنآس . . فيها آلنآس تتسوق
طب وتخير مآحد يجبرك وآنت آبخص

[صلوا على الحبيب]

ৡ
عش حيآتك بآلتفآئل وكسب آلتجربه
بآلـرغم ممآ تـلآقيه . . من كد وكبد
يآتسوي هم آلآيآم : كآس وتشربه
يآتعيش وعزة آلنفس معك الى الأبد

[صلوا على الحبيب]

اطلب رضا اللّه ۅ أترك الناس ترضيـك
ۅ تمشـي لك الدنيـاا .. علـى ما تمنـى

ۅ الهرج دامـك ما ... سمعته بـ أذانيــك
لا جـاك منّــاا ... خـلــه يــروح ... منّــا

[صلوا على الحبيب]

ৡ
آلصبر له حد ، وآلإنسآن له قدره
كلٍ حسب قدرته يصبر على آلثآني
و مَ دآمو آهل آلوفآ في ذآ آلزمن ندره
(لآ من صفآ وآحدٍ في آلآلف) / كفآني

[صلوا على الحبيب]

http://up.albrari.com/uploads/13775909351.jpg

[صلوا على الحبيب]

أضحك .ترى الأيـآم . لآبد تبكيك
وأركض . تراك بـ يوم . لآبد تآقف

هذي تجارب نآس من دون تشكيك
و هذي خلآصة عمر كله موآقـــف !!

[صلوا على الحبيب]

لاصار ماتعطي ولا فيك فزعات
المال بعض احيان ماهو غنيمه

رجلٍ على ربعه يشيل الثقيلات
ورجلٍ ردي النفس ولافيه شيمه

[صلوا على الحبيب]

ياخاطري ماعـاد فـيهـا مشاريه
كم خاطرٍ له شرهة ماذكرها

ياما ورا بعض ابتسامات في وجيه
خواطرٍ جار الزمان وكسرها

[صلوا على الحبيب]

ياللي تحس بعيشة الهم الضنك!!
بلاك يوم إنك تخلِ العباده ..

تطرد ورى الدنيا وهي مقفيه عنك
تبا السعاده مير مامن سعاده..

[صلوا على الحبيب]

النفس لا طابت ترى مابها طب ..
( أصعب عـلاج علاج نفسٍ عزيزه )

العُمر واحد يالخوي والله الرب ..
( وكل شي بنفوس الاوادم غريزه )

[صلوا على الحبيب]

يآ شمس ، قولي للبشر صبحكم خير ،
إلى متى ضيقه ، و يأس ، وتسآؤل

يمكن شعآعآتك .. و صوت العصآفير ،
تعطي قلوب النآس / دفعة تفآؤل

[صلوا على الحبيب]

‏​زلـۃ ​آلصاحب تعدي من آلباب آلوسيع
ماشكا منها ضميري ۈلاضـاق آنسمي
كلمہ ماتجمع آلشـمل مـخرجها شنيع
يستحـي منها لسـانـي ۈيطردها فمي

[صلوا على الحبيب]

صـدورنا وسـاع لو النفس ملتـاعـه
نفنا مانشكـي على العالم بـلاويـنـا

مصايب الوقت كنها عقرب الساعه
في كـل ليـلـه تـزاور واحـدن فـينـا

[صلوا على الحبيب]

في هَرجَـة النَـاس بالعـَذال لاتهَتم
لـو هَـم يحسَون فيَـنا ماحَـكوا فيَنا
مَاعقَب شَرب الصَبر والمرَ والعَلقم
شَـي عَلى طــَاري الفَرقــَا يَوديــنا

[صلوا على الحبيب]

نـاسٍ تحط علـۆم في ڳـل ڳلمـھ
ۆ نـاسٍ لـزلات العرب تفتح افـآق

اللـھ يبيـض ۆجـھ مـن زان علمـھ
ۆاللـھ يشآفي ڳل من طبعھ معاق

[صلوا على الحبيب]

دام آلذهب مھمآ حصل صعب يصدآ
خلگ سۆآتھ في طمۆحگ ، ۆ إعلى

ۆ لآ قيل صعبھ آضحگ ، ۆ قۆل مبدآ
يا مدۆّر آلھيّن . . ترى آلگايد آحلى

[صلوا على الحبيب]

الله خلقنا أشكال وألوان وأجناس
ولا جعـل فينا ملاك مـثـالي

ما أحد نزيه من الخطايا والأدناس
ولا أحد يظن إنه من النقص خالي

[صلوا على الحبيب]

الظفـر فنجـال .. والدلھ معـزه
[من بغى فنجالها ، يقدع رطبهـا]

الردي بـ الضيـق / فنجاله يهـزه
[والشجـااع ان جاته الدله شربها]

[صلوا على الحبيب]

أحرص على الطيّب اللي هقوته ماتخيب

[ يشفيك لاعمست الآريا وضاق النسم ]

[صلوا على الحبيب]

الصمت زينة والحكي سيف محدود
[والحقد غيمة والتباغض بردها]

فكر وميز وأعرف البيض والسود
[واحذر قلوب الحاسدين وحسدها]

[صلوا على الحبيب]

[ ‏لايضيق صدرك من جفا بعض الاحباب
ولاتعيش في حيره ، وحزن ، وكآبه

افتح يدينك بالدعاء .. وينفتح باب
يمكن تصادف وقت ساعة إجابه ]

[صلوا على الحبيب]

[ ‏مآنيب متحسـف على فآيت فآت
مآ فآت مآت و فدوتن لي و آنآ حي

مآ هووب من طبعي آحب التلفّآت
آخاف التفت ويجي في خآطري شيء ]

[صلوا على الحبيب]

[ ‏يجاملك رجل يبي منك مصلوح
ويصارحك رجل يدور صلاحك

هذاك ياخذ حاجته منك ويروح
و هذا معك ماهمه إﻻ نجـاحك ]

[صلوا على الحبيب]

‏لا ترخي خطام السخى و المعاريف
و تغرك العربان وانت متعافي

باكر ليا ضاقت عليك المحاريف
بانت مواقيف الردي و السنافي

[صلوا على الحبيب]

[ ‏خذ نفس لا صرت محتاج لـ نفس
وإن ضاقت صدور الاوادم لا تضيق

الله عطى ـ والله خذا ـ والله قسم
ماهو ضروري يكون لك خل وصديق ]

[صلوا على الحبيب]

أضحــك , لو إن الضحــك أحيان مو لي
لكني أضحــك ياعســى الله يديمــه
عندي قنــآعه في زمنــا ، ألا وهـــــي
( الحزن في هالوقـت .. دقه قديـمه )

[صلوا على الحبيب]

تعال اعلمک شي يوخر الضيقہ
ماهو بمتعبک بس تحرک لساانک !
ارفع يدينک وقول بكل تشريقہ ..
استغفرك يا إلہ الكون سبحاانک ♡♡

[صلوا على الحبيب]

يالله ياللي بك مواثيـق الآمـال
ياخالق الدنيا ومحصي عددهـا
ياللي سجد وجهي لوجهك ولازال
يجني ثمار السجده اللي سجدها
انا بوجهك من عنا الوقت لامال
وشر القلوب المبغضات وحسدها

[صلوا على الحبيب]

ياصغر نسبة فرق شكل الرجاجيل
وياكبرها لا صار موقف ورجال
هنا يصير الفرق اوضح من سهيل
تطلع ارجال وعكسها تنزل ارجال

[صلوا على الحبيب]

​مھما حصلـي مٓـ❧•ـنّ ضـروف وصواديـف
ما يرتخي.. راسـن علــى العز مرفـوع
وان گـان ماجـات الليالي على الكيـف
ماعشـت في ذلـه / ولا مـت من جوع

[صلوا على الحبيب]

آلطيب للآنسـان مثل : .. آلمناعھ
يستخدمھ لمگآفحة بعض الآمرآض

وآگبر مرض وآجب عليه أنتزآعهھ
[آلحقد وآلغيبھ وتشويھ الآعرآض]

[صلوا على الحبيب]

يانفس من عزك تكفين عزيـه
لايرخصه يانفس طول الزماني

من قدر العشره يانفـس بديـه
وسط الظماير منزله والمكاني

[صلوا على الحبيب]

سقنا فعول الطيب لو الزمن شاح
(على الوفا بروس المراقيب نرقى )

لا احدن يقول ان الوفا بالزمن راح
( دوّرو من دوّر مع الناس يلقى")

[صلوا على الحبيب]

ياليت من هو بالـه اليـوم مرتـاح
نومه هنّي .. يرقـد وعينـ ه قريـره

مثل الطفل لا طاح في مرقده ..طـــاح
لا شاغله همّـه ... ولا هّـم غيـره

[تناهيد]

رفقة الطيب ، تزيدك مع الايام طيب
تدفعك قدام ماهيب ترجع بك .. ورى

مايخيب الظن في كل طيب مايخيب
لوجراله من ظروف الليالي ، ماجرى

[ابو لافي العصيمي]

وانا ماني بتـاجر يطـــــارد ورى الامــوال
انا تاجراً فــالطيب .. وابيع واشري بــــه

ابيـــع الــردي اليا بخستـــه .. بربع ريال
واطارد ورى الطيّب .. وحقق مطـــاليبه

[ابو لافي العصيمي]

عسى الله يجملني .. الى شانت الاحوال
الى من لفى الضيف السنافي معازيبــه

صحيح ان ما به جـوع لكن على ما قال
نجاهد على ( والنعم ) قـدام ( والخيبه )

[رذاذ]

،؛،؛،

من غير مااطلبك ياربي ومكرمني
خلقتني بقدرتك مسلم على السنّه
~
ابطلبك وانت تعطيني وتحرمني
العفو والعافيه والستر والجنه ٠٠

،؛،؛،

[صلوا على الحبيب]

يا قبر أعز إنسان غالي رقد فيـك ..
خفف عليه من التـراب الثقيلـي ،،

يا قبر ماني طيبٍ عقـب راعيـك ..
اللي رعاني صـار عنـدك نزيلـي ،،

[صلوا على الحبيب]

طيبك المبذول في بعض الوجيه
ربك اعلم .. وين علمه ينتحي

اتقي شر الذي .. تحسن اليه
اكثر وجيه العرب ما تستحي

[صلوا على الحبيب]

يَـآ قـلْـب:لَـآ تَـشْرهـ عَـلى بَعـض آلكَـلآمْ
مَـآ كِـلْ خَـلـق أللهْ عَلـى (آلـدّربْ آلسّـوُي)

إنْ مَـا حَصـل لِـكْ خُــوّة آلنـَاسْ ألكِــرامْ ..؟
أحْسَنْ لِـك تـعيـشْ ـآلحَيــاة ( بـلا خُـوي)

[صلوا على الحبيب]

زلة صديقـك لاتجي لـك نـحيحه
لوكان عايل قل حشا اليوم ماعال

عـزه عـن الهكمه وزيـن سميـحه
خله على وجـه البعيديـن رجـال

[صلوا على الحبيب]

آشوم وأرفع مقامي عن ردي العزوم
والكلمه الهاامله خخـليتها هامله
ياليت خبلان خلق الله عليها وسوم
نـقدر نميز ردي العقـل من كامله

[صلوا على الحبيب]

أتعب على فكرة جديدة من الرأس
ويجيك لصٍّ محترف واختطفها
وافرح واقول الحمد لله / لابأس
مادام من بستان فكري قطفها

[صلوا على الحبيب]

مكانِتـك ما زادهـا المدح مقيـاس
و لا يقـلـل شـانهـا .. منتـقـدهـا !

أنت اللي تحدد مقامك مع الناس
من وين ما حطيت نفسك تجدها

[صلوا على الحبيب]

كثير الاوادم راحت سنينها ، لذات
يحوشون من الارزاق ويضيع ماحاشوا

يعيشون كانهم في النهايه ماهم بـ اموات
ويموتون كانهم فـ الزمن مابعد عاشوا !

[صلوا على الحبيب]

لا قلت يا قلبي : كفانا من الطيب
يقول : تكفى لا يشاف الردا بك

وان قلت يا وجهي ترا دمعتي عيب
قال : ابك قبل الوقت يبكي غيابك

[صلوا على الحبيب]

مشگلة بعض آلهموم آلخفية مآتبين
لين يآتيهـآ ظـلآم المـسآء ويسوقهـآ

ولآ بغيت آلنوم حـزة منآم الهآجعين
جـرت آلنفس آلحزينة لحن طآروقها

[صلوا على الحبيب]

لا تنتظر من فاقد العقل حكمه ...
ولا تنتظر من فاقد المرجله خير

ولايغرك في الردي لمعة أسمه ...
الريش ماطير النعامه وهي طير

[صلوا على الحبيب]

.*



لاشان وجه الوقت والحقني شقاه
ماشان وجهي في وجيه الطيبين

ياالله لاتجعلني ضعيفً في الحياه
واجعلني من الشاكرين الذاكرين '

[صلوا على الحبيب]

ولو كل قلب من آلحسـد جآك خآلي
مآيشتكي من " شحّ آلأمطآر " فلآّح
،’
ولو كل وآحد جآك طبعــه مثآلــي
مآكآن بـ آلدنيآ سجن نآس وإصلآح
،’
ولولآ آلذنوب آللي بكبر آلجبـآلي
مآكآن " جيش آلكفر " لـ بلآدنآ إجنآح

[صلوا على الحبيب]

محدن خسرني فالحياه .. الا ثنين
اللي جحد / واللي تكلم في قفاي

ومحد كسبني غير وجه" ما يشيـن
لا ولعت رمضا القهر فآيه .. ذراي

[صلوا على الحبيب]

صآر (آلغدر) بالنآس (مآله) مقآييس
آن كان من خلآن وإلٱ່ آقرب آلناس

توفي وتعطي من (مشآعر) وآحاسيس
وآتجيك (طعنه) غآدره (مآلها) سآس

[صلوا على الحبيب]

النفس شيهانـــــه علـــي كـــف صقار
وصيد الخطــــا يشبــــه لصيد الحباري
بعـض البشر قبل الخطا يبدي اعـــذار
وبعض البشــر تخطــي ولا هو بـــداري

[صلوا على الحبيب]

لا جاك منهو عانيٍ لك وناصيــك
ارفع عن النفس العزيزه حرجهــا

لا تذخر المعروف لا صار بيديــــك
فـــرّج وتلقـــى عنــد ربــك فرجهـا

[صلوا على الحبيب]

اللي يرخّص قدرنا كيف نغليه
واللي خذلنا ما نثمّن وقوفه

لاضاعت الهقوه وكل الرجا فيه
لو هو بجنب اكتافنا ما نشوفه

[صلوا على الحبيب]

الكلآم في ظهر الخوي عيب ،
والمدايح في وجهه ماهي وفا ،
تبغى تزوّد الطيب طيب ؟
تكلم فالوجه وامدح بالقفا

[صلوا على الحبيب]

ماكل من يشفق على الصيد قناص
[ولا كل من قال القصايد وزنها]

و لـو كـل مـن طب البحر صـار غواص
[الـجـوهره لابد. يرخص ثـمنهـا]

[صلوا على الحبيب]

اصحابي اللي ليا من غبت لي ليله
الكل منهم .. يعاتبني على غيابي !
و اصحابي اللي نسوني حزة الميله
مخطي و اسف لاني قلت اصحابي

[صلوا على الحبيب]

‏النفوس انواع والدنيا ، مصالح
والستر مكسب ويغنيك ان كسبته!

لا جبرك الوقت : تشرب ماء مالح
اشرب ولا تقول للعالم شربته !"

[بقآيآ .. حرف]

واللـه إني .. جيت أطهر من ينابيع النقــاء ...
ــــ واللــه إني جيـت أصــدق .. من دموعــك .. ياليتيم ..!

آه ياربي .. يارب الأرض هذي .. والسمــاء ..
ــــ تغفر أخطـائي وزلاتي ...... وترحم ... يارحيـــــــم ..

كنت مثل الطفل أحلم في زمن كله صفـااء ..
ــــ وكنت ابني الحلــم هذا ... من ( جزيئات ) النسيــم ..!

لين ماطاح الصباح / ودمعتي / .. وآخر لقااااء ..!
ــــ لين مايّبست اعروق ..! وسال ملح /...... وجف غيم !

الهوى ماعاد ابيه .. ولايشرفني إنتمااااااء ..
ــــ دام ( إذلال ) الرجولة .. من ورى ( ضحك ) .. الحريم !!

أنت تسأل كيف حالي ؟ مزري وكلي استياء ..
ــــ من سخافات الزمان ........ ومن سماجات النديم ..!!

لا ياقلبي عاد صحصح .. طير لعيون السماااء ...!
ـــ عيش باحضان السحابة .. وارسم الاحساس / غيم !!

[بقآيآ .. حرف]

أعوذ بك , يّ الله من " قلّ " الثبات
والضعف ليمنّ الزمان أصبح شحيح
ومن " المصايب "لا لفتني معضلات
ومن " الكذب "ليمن تغلّف بّ المديح
ومن " الأماني " والهقاوي المايلات
ومن " الخطا " ليمن تهيّالي صحيح !

[صلوا على الحبيب]

: عزوتي ياقف لها الماضي تحيه
الشجاعـه ورث والشيخه سلايل
قبل ماتصرف ختـوم الداخليـه
ختمهم معروف في ظهور الاصايل ♥

[صلوا على الحبيب]

باقول لك بيت كنـه طلقة البندق
واليا انشدوك العرب قل صاحبي قاله

لاصرت تسمع كلام الناس وتصدق
الناس ما خلوا اللي مات في حاله

[صلوا على الحبيب]

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد.

[صلوا على الحبيب]

ليا ناش كبدي مـن سفيه القرايب ضو
اقفي ظفر واسلم من الـداب وشجرته ،
مع باردين الـروس لو شفت برق ونو
فلا بد يـوم ( ن ) تشتم الزرع وثمرته

[صلوا على الحبيب]

‏​‏​ياللهّ بعفوك والهدىّ والقناعه
وحظٍ يوجهّني ليا تاهت ارياي

واجعل نهاية باقي العمرّ طاعه
وافرح محبيني ولا تفرح عدايّ !

[صلوا على الحبيب]

لا تدور صيت وقلبك يطقطق�

الصيت والهيبه تظهر من شجاعه

هي وراثه و طيب مبدا ومنطق
افعالنا ماهـي حكي ولا لكاعه

[صلوا على الحبيب]

بعلمك يا قـلب واسـمـع مايلـي :
و بشرح الجمله على أبسط مثال

دام الشجـر ثابت وراسـه معتليّ
خـل الذيّ ماطاله يـدوس الظلال

[صلوا على الحبيب]

المرجله عذرى وتبغـى ذرابه�
[وتبغى لها قرم ٍ فعوله معاطيب..]
]
بيت المراجل غير بيت الخرابه�
[والطيب ماله غير ذيب ٍِولد ذيب؟؟]

[صلوا على الحبيب]

ترى العمـر ماهوب فـرق المشاڪـيل
والهــــرج مايرفع من الناس دجـال ،

بعض الرجال ڪـبار لـڪـن مهابيـل
المـرجلــة ماهيب بالڪـبـر والمــال ،

[صلوا على الحبيب]

بعض العرب يسوا من الناس مليون
حـطـه على يمناك لا أحتجت حـاجـه
وبعض العرب ودك تحطه بـكـرتـون
[وتكتب على الكرتون يوجد دجاجه]

[صلوا على الحبيب]

. .


أبوك في صغرك على العز رباك !!
على أمل توفي له الدين كله ..

إن كنت ماردّيت له بعض ماجاك !!
على الأقل في سمعتك لاتذله .

[صلوا على الحبيب]

✽

أحب الكريم اللي يفرج عن المعسور
إلى منه عطى حتى أهله مادروا عنه
أحب الرجال العارفه وأكره المغرور
من أغتر في بعض المظاهر يغرنه ،، !!

[صلوا على الحبيب]

يا الله ترزقني رضا والديني!!
الي رضاهم باب كل التياسير/

وتعينني في برهم يا معيني/
الي لهم في دنيتي كل تقدير،

[صلوا على الحبيب]

الله يجعلنا من أصحاب اليمين
يوم حشر الخلق لا صار الذهول

رددوا آمـين ، قولوا أجمعـين
يا عسانا نفرح بـ شوف الرسول

[صلوا على الحبيب]

ماكل من يبغي الجميله يدلها
ولاكل من راد المراجل ينالها

سرنا وشفنا والتجارب مدرسه
لهل العقول اللي طوالٍ حبالها

[رذاذ]

،؛،؛،

قالت نبي نصيّف بلندن وباريس

وانته حبيبي وين ناوي تصيّف ؟!!

~

قلت اتركيني بين هم وهواجيس

الله يخلي غرفتي والمكيّف

ههههههه

[صلوا على الحبيب]

،؛،؛،

قالت نبي نصيّف بلندن وباريس

وانته حبيبي وين ناوي تصيّف ؟!!

~

قلت اتركيني بين هم وهواجيس

الله يخلي غرفتي والمكيّف

ههههههه
انشهد ههههههههه
صح لسانك شاعرتنا القديره/ رذاذ

[صلوا على الحبيب]

‏​‏​‏​دار الزمان و شفت فيه العجايب
شفت الغلا والكره والزين و الشين

شفت القلوب الحاقده و الحبايب
والي يعيش ب وجه ,,والي بوجهين

تلقى الجفا و الصد طبع القراييب
ولا الوصل و الطيب طبع البعيدين

[صلوا على الحبيب]

‏​‏​مد الوفا للي وثق بك .. من الناس
وعطهم ولا تطلب من الناس حاجه
خلك كريم إحساس لا شحوا إحساس
وأضحك ، إذا وقتك تعَقد حجاجه

[صلوا على الحبيب]

‏​‏​ﺑيض ﺎلله وﺟهه ﻣن طـاب ۅﭠجمل
ۅﺳۅد ﺎلله ۅﺟهه ﻣن خاب ۅﭠردا
ۅﺎلرجـال ﭠحمل ﺎﻟحمـل ۅ ﭠحمـل
ۅﺎلردي ياۅيش جـاب ۅﯾش ۅدا

[صلوا على الحبيب]

‏​‏​‏​ياما و قفت بوجهہ : ﺎلأيام ما طحت ،
و ياما و ثقت بـ ناس و ﺎلناس طاحوا
مشيت بـ ﺎلدنيا / تضايقت و ﺎرتحت !
و ﺎلي مثل ﺎلأخوان جوني و راحو

[صلوا على الحبيب]

‏​حسرتي على من لآمني لا تجنبت الرخوم
خوتن تبنى على حسب المنفعه

أن خدمته قال لي كفو ويسد اللزوم
وأن عسرني مطلبه قال مامنه منفعه ​‏​‏​

[صلوا على الحبيب]

‏​‏​‏​تبي تعرف الردي شف من يخاويه
ترى ، الردي ما يعشق الا الحثاله ..

ولا .. الاصيل اللي عريبه .. مجانيه
ان ما لقى الطيب يمشي : لحاله '

[صلوا على الحبيب]

‏​‏​عسى اللہ يبعدناا من مراافق الانذال
عيال #الرخوم اللي صدااقتھم تعلک

لياا جااک واحدهم طبوعہ مثل ما قال
لساانہ صحيبن لک وقلبہ عدون #لک

[صلوا على الحبيب]

‏​‏​الشدايد تفحص الناس والغربه بعـــد
وعن علوم الرجل ذمم خويه وانشــده

اشهد ان بعض الرياجيل تكميلة عـــدد
واشهد ان بعض الرياجيل يكفيك وحده

[صلوا على الحبيب]

‏​‏​والله لجازي راعي الطيب بالطيب
ولا الـردي مــا هـو بكفـو المعـزه!

والـلـي يـدور فـي جنابي عذاريب
عتيبي راسـي والهـوا مـايـهـزه!

[صلوا على الحبيب]

‏​‏​‏​مالقيت أزين من الطيب ومزوح الكلام
والنننوايا الطيببببه والقلووبء الصافيهہ

والرفيق اللي علىء شدة الدنييا حزاام
فيء الامور البينننه والأمور الخاافيييييه

[صلوا على الحبيب]

شرهة الطيب على آلطيب محبه
وغلطة الغالي على الغالي جهاله

والردى مايلحقك غيــر المسبــه
وصدت العاقل من الجاهل جماله

[رذاذ]

انشهد ههههههههه
صح لسانك شاعرتنا القديره/ رذاذ

صح بدنك يالطيّب ..
شاكره لك تعليقك الذي أسعدني ...
يحفظك ربي ...

[رذاذ]

،؛،؛،

ما تنفع الدنيـا بلا شـوف الأعيـان

وعـزي لمن مثلي عيـونه عصاتـه ..

،؛،؛،

[صلوا على الحبيب]

ياوجودي وجد من جهز أغراضه جميع
مـأخذن كرت الاجازه ووقع ضضابطه
ناوي يسافر ويوم اعترض خط السريع
دق ججوالـه وقالوا تعععععال مراابطه
هههههههه

[صلوا على الحبيب]

حنّا نرابط كل مَ رابط الجيش
بقلوبنا و عيوننا والسنتنا
ياجيشنا بلّ الكبودالمعاطيش
واصمد ليا من البلاوي بلتنا

[رذاذ]

،؛،؛،

وترى البشر ياخوك منقسمه أقسام••
بين الردى والطيب شفت الحقايـق

لقيت من صلى وزكا ومن صـام••
ولقيت منهو لأقرب النـاس بايـق

،؛،؛،

[صلوا على الحبيب]

الوقت مثل الذيب لاحده الجوع ،،
ما ياكل الا راس راع المواجيب ،،
ولا الردي حظه مع الوقت مرفوع ،،
لا ياكله وقته ولا ياكله ذيب ،،

[صلوا على الحبيب]

الذيب ، لآ مَنٍّہ عوى / قعد آموآت
و الكَلب .. لآ مَنٍّہ نبح راح صوتہ
بين البشر تفرق مقآمآت وآصَوآت
وآحد تشيلہ فوق و وآحد تشوتہ

[رذاذ]

،؛،؛،

ياحبـني ، لآهل التوآضـع ، والآخـلاق
آهل الوفاٌء والصِدق وآهل والمروّه ،،

اللي ، نوآياهـم كما بيـض ، الاورآق
تقديرهـم ، وآجـب ، علينآ .. بقـوّه​‏​‏​‏​

،؛،؛،

[صلوا على الحبيب]

( الكـفو كـفو . . و الدنـيا مواقف ، ، )
والخوي لابد ينشد عن خــويه !

( والجبال جبال وان هبّت عواصف ، ،)
ما تزحزح لو عواصفها قــويه !

[صلوا على الحبيب]

بحر الشعـر كلـه متاهـات وخطـر
وبحر المـراجل بـ المراجل ممتلي
كم شيخ قـومٍ مايـركب لـه شطـر
وكم شاعرٍ مبدع مايسوى له طلي

[صلوا على الحبيب]

الناس حطّت بـ المحبه / : قوانين !
وبسم الهوا في ناس تشكي مرضها

الحب ما يعرف ( مذله و لا يهين )
بس البشر بـ الحب ذلّت بعضها

[صلوا على الحبيب]

‏​الذيب ما عمـر الثعالـب تعشــاه
والسيف مايشبہ موس الحلاقـہ
ترى الصديق بساعہ الضيق تلقاه
ومن قال مقدر لا تـزيد العلاقـہ
من لايـــودك لا تـــوده وتنـصــاه
ومن فارقك افرح بساعہ فراقـہ

[صلوا على الحبيب]

آلـرزق عنـد آللي خلقنـا مـن آلطيـن . .
(مهـوب عند آللي مـنٓ آلطيـن مخلـوق ✔")

[صلوا على الحبيب]

القبول الذرب والعقل الرزين
نعمةٍ تبغالها ( حمد وشكر ) !

عِش بدون عيون وبليّا يدين
ولا تعيش بلا طموح ولا فكر !

[صلوا على الحبيب]

ﻋﻠﻴﻚ ﺑﺘﻘﻮﻯ ﺍﻟﻠﻪ ﺍﻥ ﻛﻨﺖ ﻏﺎﻓﻼ‌ً _ ﺳﻴﺄﺗﻴﻚ ﺑﺎﻷ‌ﺭﺯﺍﻕ ﻣﻦ ﺣﻴﺚ ﻻ‌ ﺗﺪﺭﻱ* ﻓﻜﻴﻒ ﺗﺨﺎﻑ ﺍﻟﻔﻘﺮ ﻭﺍﻟﻠﻪ ﺭﺍﺯﻕ _ ﻭﻗﺪ ﺭﺯﻕ ﺍﻻ‌ﻃﻴﺎﺭ ﻭﺍﻟﺤﻮﺕ ﺑﺎﻟﺒﺤﺮ* ﻓﻤﻦ ﻇﻦ ﺍﻥ ﺍﻟﺮﺯﻕ ﻳﺄﺗﻲ ﺑﻘﻮﺓ _ ﻟﻤﺎ ﺍﻛﻞ ﺍﻟﻌﺼﻔﻮﺭ ﺷﻴﺊ ﻣﻦ ﺍﻟﻨﺴﺮ* ﻓﻴﺎ ﻣﻦ ﻋﺼﻴﺖ ﺍﻟﻠﻪ ﻫﻞ ﻛﻨﺖ ﻋﺎﻟﻢ_ ﺍﺫﺍ ﺟﻦ ﻟﻴﻞ ﻫﻞ ﺗﻌﻴﺶ ﺍﻟﻰ ﺍﻟﻔﺠﺮ* ﻓﻜﻢ ﻣﻦ ﺻﺤﻴﺢ ﻣﺎﺕ ﻣﻦ ﻏﻴﺮ ﻋﻠﺔ_ ﻭﻛﻢ ﻣﻦ ﺳﻘﻢ ﻋﺎﺵ ﺣﻴﻨﺎً ﻣﻦ ﺍﻟﺪﻫﺮ* ﻭﻛﻢ ﻣﻦ ﻓﺘﻰ ﺍﻣﺴﻰ ﻭﺍﺻﺒﺢ ﺿﺎﺣﻜﺎً _ ﻭﺍﻛﻔﺎﻧﻪ ﺑﺎﻟﻐﻴﺐ ﺗﻨﺴﺞ ﻭﻻ‌ ﻳﺪﺭﻱ* ﻓﻤﻦ ﻋﺎﺵ ﺍﻟﻔﺎً ﺑﺎﻟﺤﻴﺎﺓ ﻣﻨﻌﻤﺎً _ ﻓﻼ‌ ﺑﺪ ﻳﻮﻣﺎً ﺍﻥ ﻳﺴﻴﺮ ﺍﻟﻰ ﺍﻟﻘﺒﺮ* ﻓﺄﻋﻘﻞ ﺧﻠﻖ ﺍﻟﻠﻪ ﻣﻦ ﺑﺎﺕ ﺗﺎﺋﺒﺎً _ ﻳﺆﺩﻱ ﺣﻘﻮﻕ ﺍﻟﻠﻪ ﻓﻲ ﺍﻟﺴﺮ ﻭﺍﻟﺠﻬﺮ

[صلوا على الحبيب]

الله يجازي كل شايب بالاحسان
له مبسم ٍضاحك وله نفس فذهّ

البيت : لا منه فقد حسّ شيبان
ما عاد يبقى له حلاوه .. ولذهّ

[صلوا على الحبيب]

الناس ما تسقيك لا صرت عطشان
ولا يشرب المضمي كود من ذراعه
أضرب على الكايد ليا صرت بحلان
وعند الولي وصل الحبل وإنقطاعه
عيبٍ على اللي يتقي عقب ما بان
وعيبٍ طمان النفس عقب إرتفاعه

[صلوا على الحبيب]

ياكبار الكلام و ياصغار العقول
كذبكم ما يحرّك للشموخ شْعره

ماتبور الحقايق والنصيحه تقول
راعي الطيب عزّه والحقير إحقره

[صلوا على الحبيب]

وش فرق عميان​​​​​​ البصر و البصيره
ما هو صحيح ان الفريقين عميان ..

اعمى البصر يقدر يشوف بضميره
وأعمى البصيره مبصر بعين شيطان

[صلوا على الحبيب]

❥ • • • • • • ོ

سق القدم للصعب وسمه تساهيل
دايم طريق الطيب خلك زبونه

صادق ارجالن فالشدايد مداهيل
لامال فيك الدرب هم يعدلونه

[صلوا على الحبيب]

الـكـِرامُه تغَني الـرجّآل لو إنَه فِقيـر ... !

والقُناعهَ فيّ صدَور الكرام أكبَر غَنَات ... !

[صلوا على الحبيب]

واللي خلق لي قلب ولسان وعيون
ماخاوي المترديه والنطيحه
لاطاح ابن عمي من الوقت مغبون
ان ماسترته ما افتخر في مطيحه

[صلوا على الحبيب]

إذا قيل في الدنيا خليل .فقل نعم
خليل اسم شخص لا خليل وفاءِ

و إن قيل في الدنيا جواد فقل نعم
جـــــــــواد ركوب لا جواد عطاءِ

[صلوا على الحبيب]

هون عليك فكل الأمر ينقطع
وخل عنك ضباب الهم يندفع
فكل هم له من بعـده فـرج
وكل كرب إذا ضاق يتسـع
إن البلاء وإن طال الزمان به
الموت يقطعه أو سوف ينقطع

[صلوا على الحبيب]

عشقت مـن صغـري نسيـم الهبايـب
الـبـر لاغـيـّم سـمـاء الخـيـر جــوّي

اغيـب ما كـنـي عــن الـنـاس غـايـب
واشرح معاناتي علـى جمـر ضـوّي

[صلوا على الحبيب]

​لاتامن العقرب ولاتامـن الـداب
[ السمّ واحد لا..رقـا فـي متونـگ]

ياجاهل الدنيـا ودورات الأسبـاب
[أعرف ترى من خان غيـرك يخونـك ]

[صلوا على الحبيب]

صكات شهب ﺎلسنين صدوفها خطره
و ﺎلاعمار مهما تطول ﺎلموت : قافيها

يالله بعلم جميل وسيرة / (ن) عطره
وفعول طيب / (ن) تبيض وجه راعيها

[صلوا على الحبيب]

لاتحـطم من كـلام الفـاشلين
أنشل القوه من الفاشل نشل
أنت تدري ويش سر الناجحين
يستشقـون النجاح إمن الفشل

[صلوا على الحبيب]

مـآهي رجوله تجرح البنت وتروح
[ ولآ آنت بـ بطل لآصرت تجرح بنيه ]

البنت مثلك يآلردي عندهآ روح
[ ولا بآرك الله في العقول الرديه!؟ ]

[صلوا على الحبيب]

لاثار جرحِك خل صـدرك مَحْبِسـه
لا حـيّ شـاف وْ لا بعد حيٍ دَرَا
الجرح لوْ هـو كِـل مِـن مَـرّ لْمِسَـه
يبطـي وِ هـو بيـن المحانـي مـا بَـرا

[صلوا على الحبيب]

عامل النَاس بالحسنى ولين الجناب
لجل ترضى عليك و تكسب قلُوبها
وقَبل تفتَح لذكر عيوب الاجواد باب
لد عينك لـ نفسك و اصلح عيُوبها

[صلوا على الحبيب]

لاتذكر المعروف ي اللي باذله
خله لوجه الله لاتــدور جزاه
يمكن صُنع في من زمانه خاذله
يكفيك لو دفعة بلا في هـ الحياه

[صلوا على الحبيب]

لايوقف الدنيا على كل تفصيل
لولا الأمل مايبذر الزرع فلاح
ما للفرح كيمياء تحتاج تحليل
عيش الحياة ولا تدقق بترتاح

[صلوا على الحبيب]

خلك بسيط وحب للعالم الخير
حبك لـ فعل الخير يعكس تواضعك
وعلى كثر منت متواضع مع الغير
على كثر ما الله مع الناس يرفعك

[صلوا على الحبيب]

خوي السعد والعز والمعرفه والجود
حزامي بوقت الضيق لاكشرت دنياي
اعزه مثل ماعز نفسي عن المنقود
واحبه مثل ماحب لـ الطايله يمناي

[صلوا على الحبيب]

احشم حشيم لاحشمته تحشم
واحقر حقير لا حقرته تعلم
وأسفّه سفيه لا سفهته تجهم
وانجوا بنفسك دام نفسك عزيزه

[صلوا على الحبيب]

كان ما قدمك فعلك من ذراعك
اعرف انك لاتجيب ولا تودي
واعرف انك في عماك وفي ضياعك
خل عني كان ابوي وكان جدي

[صلوا على الحبيب]

وحسافه لمن يرخي الراس ويعبد الوجيه
ويتـذرا في ذرا الغـير ويخـلي ذراه
من يهين النفس يصبر على شيٍ يجيه
لين يلقى داه ويمـوت ما حصـل دواه

[صلوا على الحبيب]

اللي يشوف أحوال غيره من الناس
يرضى بمكتوبه وما قدّر الله
مادمت في صحه وفي خير لاباس
محدٍ بها الدنيا مخلّد محله

[صلوا على الحبيب]

ما كل من حث رجله ياصل القمـه
كم واحدً دونهـا ذل وتباعـدها
ماياصل الا قـوي العزم والهمـه
اللـي ليا راغ هايبـها تصمـدها

[صلوا على الحبيب]

يالله يـاللـي تسـجـد الخلـق لـرضـاه
يـا وامـرن عبـده عـلـى حــج بـيـتـه
فرج لمن سده على الناس مـا آبداه
راض علـى مقسومـك اللـي عطيتـه

[صلوا على الحبيب]

من يجحد المعروف ناكر ، وخوان
وفعل الجمايل مالها غير أهلها

والمرجله تفرق من أنسان لأنسان
وللطيب رايه حظ منهو حملها

[صلوا على الحبيب]

الرجل مايغصب على الطيب تغصيب
اليا صار ماهو دل ضمـن الدلولـي
ومن عادة اللي طيبه يحضر ويغيـب
لاطالـت الرفقـة زهـوق ملـولـي

[صلوا على الحبيب]

والفرق ماهـو باللحـى والاشانيـب
الفرق بين النـاس فـرق العقولـي
كم واحد تحسن به الظـن ويخيـب
السـن يضحـك والفـواد معلولـي

[صلوا على الحبيب]

واليا بليت بتايـه شـره وصعيـب
يقول انا العـراف وانـت الجهولـي
قـل الله الله ياحصـان الاطالـيـب
يالفاهـم العالـم عطيـب الفعولـي
هذا الكلام اللي مافي صحتـه ريـب
لانيـب لاحولـك ولانتـاب حولـي

[صلوا على الحبيب]

صبرك على ربعك عـلاج وتطابيـب
يقصـر حبـال السالفـه لاتطولـي
حتى مايلقا فـي طرفهـا مقاضيـب
كـراه خيـر وللمشاكـل ميـولـي

[صلوا على الحبيب]

يا بنت لا يغرگ ملح الرجاجيل
لا تعشقين الرجل ابد من وسومه
بعض الرجاجيل مثل دله بلا هيل
يعجبگ شكله والبلا في علومه

[صلوا على الحبيب]

الطيب مانستكثره من هل الطيب
اللي لهم في ماكر الطيب خبره
أوسع على الاجواد من روضة شعيب
واضيق على الانذال من ثقب الابره

[صلوا على الحبيب]

احذر من اللي ينقل الهرج لـ عداك
يظهر لك الطيـب ، وهو منه معـدوم]
قلبـه مريض .. ويخلط السـم بدواك
[يعرض عليك الراي والراي مسـموم

[صلوا على الحبيب]

فنجال قھـوھ وابتسامہ وسعة بال
[تلقى المساآء يروق لو كنـت ضايق]
لا تقـول مالي خلـق وتكدر الحــآل
[حآول تعيش من التفـاؤل .. دقآيق]

[صلوا على الحبيب]

اللي يبي قربك ،، وشاري وصالك
إحفظ وصاله وإشتر القرب بالقرب

واللي يفلّت من ، ، حباله حبالك
خلك عليه أبـ۶ـْْ♡ـْْد من الشرق لـ الغرب

[صلوا على الحبيب]

من تجربة حياتي الواقعية
لاتشتكي همك على الناس تحتاس
خل البريّة .. وإنص رب البريّة
الناس ماهي فاضية تسمع الناس.

[صلوا على الحبيب]

آلصبر في بعض آلموآضيع مطلوب
وآلنفس عن بعض آلسوآلف غنيّـه

آللي يجآدلني بلآ فگر وآسلوب !
[آصنّفـه .. ضمن ( آلعقول آلرديّـه )]

[صلوا على الحبيب]

عمر الغنا ما عز بالوقت صعلوك
( وعمر الفقر ما ذل مطلق حجاجه )

الفقر فقر النفس والعـز يااخوك
( لاصار مالك في يد الناس حاجه )

[صلوا على الحبيب]

الرفيق اللي ليا من بغيتـه مـاش
ياجعله فدا اللي كل مـا ينبغـى يلقـىَ

رفيق الردىَ لامن بدت حاجتك ينحاش

ورفيق النقا ؛ مهما يكون الزمن يبقـى

[صلوا على الحبيب]

لا تواجـه مَـن على وجهه .. قِـنـاع
الضعـيف .. يسـدّ عن فعـله : فِـمه

والله إن البغض في طبع الشجاع
أجمـل مّـن الـود ، في طبـع رخمـه

[صلوا على الحبيب]

‏​الحر مايطلــــع مطاليـــع الغـــراب
واليا طلع يــــردھ العــــرق ويعــود

والطيّب اليا من لفاھ المدح طـــاب
والا الردي لو تمدحھ مافيھ فــود

[صلوا على الحبيب]

اللي مـن العربان مـا عنده نظـر
لايخاشر اهل الذايقه بـ أذواقها
غريب بعض البشر بعض البشر
يعذرب الـدلـه .. وهـو مـا ذاقهـا !!

[صلوا على الحبيب]

طناخة الرجال من طيب راسه
لو كان مايوجد بجيبه ولا قرش

لازادت حموله تزايد حماسه
والرزق عند اللي تعلّىَ علىَ العرش

[صلوا على الحبيب]

الصداقه عند الاجواد ما تذھب سدى
لو قطعت عنوقها ما قلعت عروقها

والتجارب علمتنا الخطا قبل القدى
وعلمتنا كيف نعطي الرجال حقوقها

[صلوا على الحبيب]

ما فتحنا الصدور ولا فتحنا القلوب
ما يعرف النوايا غير خلاقها
مير وجه الفساد تبين فيه الذنوب
عان بعض الوجيه وتعرف اخلاقها

[صلوا على الحبيب]

ادور الطيـب واحشمـہ واخـآويـہ
'ولا التفـت لھـل الـردى ، والنميمـہ'
ومن لايقـدر خوتي ويش أبي فيـہ
'فرقـآھ عـن عينـي غنـآھ وغـنيمـہ

[صلوا على الحبيب]

ودك الياقمت في حاجه تجمل
فزعتن تكسب وراها اجر وجماله

وكان جاتك زلة الصاحب تحمل
ماورا طرد العلوم الا الجهاله

[صلوا على الحبيب]

الحظ قدرة رب .. والغيب مكتوب
لكن عسّى في تالي الامر خيره

أمالنا في صوب والوقت في صوب
ي الله حسّن الخاتمه ، والستيره