سحاااب - اهداء خاص للغالي وميض الصاعقه - جيت المطاراودع الي انا اغليه

[سحاب شقراء]

اهداء خاص للغالي وميض الصاعقه وسامحني على القصور

: ordh:: ordh:: ordh:

جـيـت المـطار اودع الي انا اغـليه

في ماقـفـن يـدري بـه الي يحبـون

جيت المـطار وزايد الظيـق مخفيه

يا شين فـرقا الي بـه القلب مفتـون

قال الــوداع وقـلت انا البعـد مابيـه

وصارت دموعي من سببهم يهلون

غصبن علي هلن دموعي وهو فيه

وزود الغــلا بيـح من السد مكنـون

يالله عسا ســود الـمــنايا تعــديــه

يالله عسا درب السعاده به يجــون

يالله طـلبتــك ونت لـلعبـد تعـطـيــه

يامستجيب لــدعــوه الــي يصلــون

اكتب ودمعي فوق الاوجان جاريه

وميض ضايق يالله انك له العــون

سحااب شقراء

[رذاذ]

صح لسانك شاعرنا وأستاذنا سحاب شقراء

يستاهل أخونا وميض الصاعقة هذا الإهداء الجميــل

ربي يحفظكم جميعاً من كل هم وضيقه ويرزقكم السعاده في الدارين

اللهم آمين

رذاذ

[سحاب شقراء]

صح لسانك شاعرنا وأستاذنا سحاب شقراء

يستاهل أخونا وميض الصاعقة هذا الإهداء الجميــل

ربي يحفظكم جميعاً من كل هم وضيقه ويرزقكم السعاده في الدارين

اللهم آمين

رذاذ

ياهلا ويامرحبا ومسهلا

هلا بشاعرتنا الغاليه رذاذ

شرفتيني شرف الله مقدارك دنيا ودين

[وميض الصاعقة]

الله الله عليك صح لسانك
والله ماشفت الموضوع بدري وارسلتلك على الخاص ههههه
انت شخص مبدع ولسانك عذب
قريحتك دائما لاتتوقف ماشاء الله
كلماتك دائما لها رنين وشعاع
جمعنا الله في الفردوس

[سحاب شقراء]

الله الله عليك صح لسانك
والله ماشفت الموضوع بدري وارسلتلك على الخاص ههههه
انت شخص مبدع ولسانك عذب
قريحتك دائما لاتتوقف ماشاء الله
كلماتك دائما لها رنين وشعاع
جمعنا الله في الفردوس

هلا ومليون مرحبا ومسهلا

والله العظيم اني خفت انها ما اعجبتك وترا مهوب حقك يالغالي انا من يوم شفت الرساله ونا حاط القصيده انت تستاهل وراعي الاوله مايلحق يالغالي
ابا اعلمك بشي تراي ونا اكتبها ابكي وا اقسم بربي اني صادق عشت الموضوع بكل احاسي سي حتا كان جنبي الغالي على الجميع راشد الفارس وعجبته الكلمات وده يغنيها ههههههههههههه ادري مهيب قد المقام -
اخوي الغالي وميض الصاعقه قسم بالله اني مودع اليوم الساعه 4 في المطار بناتي الثىلاث وهن حيلتي بالدنيا رايحات لبريطانيا وفرنسا وامريكا في ر حله مكوكيه ويشهد ربي اني بكيت الين وصلت البيت ما ودي احرمهم وانا بي اعاقه تحرمني ان اشاركهم فرحتهم وسفرهم
حبيبي وميض انت تناجي انسان ابكته الدنيا حتا بكت
انت تناجي انسان يحب لغيره ما يحب لنفسه وربي يشهد وا اعطيتك الي قد حالي

[عابر سبيل]

صح لسااانك ابو مشااعل ... ويستاهل كل خير اخي ( وميض الصاعقة ) ،،،،،

[Al-KHUSHAIBY]

صح لسانك يا الغالي وبيض الله وجهك اخي الغالي

[سحاب شقراء]

صح لسااانك ابو مشااعل ... ويستاهل كل خير اخي ( وميض الصاعقة ) ،،،،،

ياهلا ويامرحبا ومسهلا

وميض يستاهل كل خير ونت والله بعد تستاهل كل خير

شرفتني يالغالي

[سحاب شقراء]

صح لسانك يا الغالي وبيض الله وجهك اخي الغالي

ياهلا ويامرحبا ومسهلا

صح بدنك يالغالي شرفتني