ياراكب اللي جديد وتو تمرينه

[أبو منير السبيعي]

ياراكب اللي جديد وتو تمرينه
مديل توه جديد وتعجب الوانه
يازين صوته ليا دبلت بنزينه
تقول يقراء انقليزي صوت شكمانه
الصبح من شيشة الحربي معبينه
مغادرن عن تبوك وشوف سلطانه
مر القليبه وتيماء وفات من حينه
بالعبد برد عليه وزاد خزانه
اليا تميل من عند الرميمينه
متوهلن في نهاره شوف خلانه
العج مترين وقمه عن قزوزينه
خشوم مزنن تمزع منه ربانه
باغن حبيبأ صفا ديني على دينه
الصاحب اللي عليه الكبد عطشانه
الصاحب اللي ذبحني في طرف عينه
عينه وسيعه وتذبح حيل حجانه


منقول

[رذاذ]

الله ... الله ....

رآئعه ...

صح لسانك أخينا صقر الأيسري على هذا الإختيار الجميــل

حفظكَ الله لنا

تقبلّ تحياتي وتقديري


أختـك

رذاذ

[أبو منير السبيعي]

شكرا لروعة مرورك الاجمل
وصح بدنك يالغلا

[فتى الرابيه]

تسلم على
الاختيار والذوق الرائع
تحياتي