سحاب - الغرشه الي تحوي الطيب مكسوره

[سحاب شقراء]

السلام عليكم ورحمه الله وبركاته

هلا بالغالين

هذي ابيات قلتها لبنتي نوره ولا وصلت لمقام القصيده قلت احطها تشوفونها وارجو من الله ان تحوز على رضاكم


الـغـــرشـه الـي تحـوي الطـــيب مكـــسوره


مـا بـا قــي الـــى ريـحـــه الطــيـب مـنثــور


الـطــيب فـا ح وعــطـر الـجـو يـا نــــوره


كــلــن فـرحـــبه ونـا مـــن الـوقـت مقـهـو ر


عــمري ســفـينه والــد هــر غـــبه بـحـــو ره


ونـا اشــهـدن لــي خـا طـــرن دوم مـكـــسور


الـله يــجـا زي را عــي الشــور فـي شــوره


عـطا نــي شـــورن مـا تعــــدا بـــي الســـور

سحااب شقراء

[غانم الضومري]

الاصل يكفي عن الصوره
لا صار بروازها مكسور

أتراح وافراح مبتــوره
ظلام وانت الامل والنور


احيان لا تقبل الشــــــوره
لا تستمع من يعرض الشور

سلمت يا سحاب شقرا .. صح لسانك .

تحيتي

[سحاب شقراء]

الاصل يكفي عن الصوره
لا صار بروازها مكسور

أتراح وافراح مبتــوره
ظلام وانت الامل والنور


احيان لا تقبل الشــــــوره
لا تستمع من يعرض الشور

سلمت يا سحاب شقرا .. صح لسانك .

تحيتي


صح لسانك يالغالي

وياهلا ويامليون مرحبا

الله يوفقك يالغالي ويحفظك من كل شر

[محمد المقاطي]

الله يطيّب خاطرك ياراعي شقرا
صح لسانك ولاهنت
بعض البويتات القصيرة تغني عن قصائد
يحفظك ربي

[سحاب شقراء]

الله يطيّب خاطرك ياراعي شقرا
صح لسانك ولاهنت
بعض البويتات القصيرة تغني عن قصائد
يحفظك ربي

ياهلا ويامرحبا ومسهلا

صح بدنك يالغالي

الله لا يحرمني من محبتك يالغالي

الله يحفظك من كل شر

[سراب]

احب اﻻسماء الى قلبي نورة
ربي يحفظها لك ويبقيك لها يابومشاعل
ابيات جميلة جدا كروعة حضورك وتواصلك
ﻻعدمنا هالطلة يا ابوي

[سحاب شقراء]

احب اﻻسماء الى قلبي نورة
ربي يحفظها لك ويبقيك لها يابومشاعل
ابيات جميلة جدا كروعة حضورك وتواصلك
ﻻعدمنا هالطلة يا ابوي

هلا بالغاليه ومرحبا

تراي منعطا وجه ههههههههههههههه ابا ابلشكم بخرابيطي

مدامك تحبين ذا الاسم ياجعل ربي يحبك وملائكته قولي امين هذا اسم امي جعلها للفردوس وكل مسلم واسم بنتي بعد

الله يحفظك من كل شر

[سراب]

هلا بالغاليه ومرحبا

تراي منعطا وجه ههههههههههههههه ابا ابلشكم بخرابيطي

مدامك تحبين ذا الاسم ياجعل ربي يحبك وملائكته قولي امين هذا اسم امي جعلها للفردوس وكل مسلم واسم بنتي بعد

الله يحفظك من كل شر

اي والله اني احب اسم نورة ربي يحفظ لك بنتك ويرحم والدتك
انت ابلشنا بس خلك معنا دوم وتمون عالجميع ياهﻻبك مﻻﻻﻻين بين اهلك

[عبدالمحسن الرحمه]

صح السانك شاعرنا والله يخلي لك نورة ويصلحها

[سحاب شقراء]

صح السانك شاعرنا والله يخلي لك نورة ويصلحها

الله يجزاك بالجنه يالغالي

والله يصلح لنا ولك العطا

شرفتني يالغالي