إهداء إلى الشاعر الكبير .. ماجد بديح والزكرتي ..

[غانم الضومري]

كيبورديه إهداء للشاعر / ماجد بديّــح ، وإلى الزكرتي

ياهيه ياللي رقيتم فوق .. خويكم لا لا تخلــــونه

مسند مميز بعرف وذوق .. ياعلها تسلم عيونه

هادي بحاله ماهو مطفوق .. خويكم ما تعرفونه ؟

ياطير ياللي عليك سبوق .. الوقت كشر عن سنونه

ربيعنا راح والزملوق .. جاه الهواء حتحت فنونه

ماكن عنده ولا مخلوق .. وسط الخلا جنت جنونه

قلبه يومي على معلوق .. مشتـــاق للي يمرونـــه


تحيتي ومحبتي لكم أحبتي

[ماجد بديّح]

اهلين ياللي تنادي شــــــــوق *** من عرض ناسً ينادونــه
جاك الخبر والخبر مســـروق *** من داخل الجوف وركونه
حنا وفانا مافيه افتــــــــــــوق *** والعهد لو طال مانخـــونه
ومسند ترا للوفاء مخلــــــوق *** عندي علم لا تزكـــــــونه
مااحتاج في صاحبي طاروق *** من يدحم الضلع بمتــونه
الحر مايشبه الغرنـــــــــــوق *** لوناظر الناس بعيــــــونه
مار الزمن له علينا حقـــــوق *** والناس للوقت مديونــــه
تبقى العلاقه علم موثــــــوق *** حتى و الاجسام مدفونـــه
اصبر علينـــــــا يالين اروق *** وتشوف الامجاد مقرونــه

ماجد بديح

[زكرتي يقطف الزهور]

الله الله عليكم ابداع واثنينكم نجوم لاهنتو يالله حسيت يابوسامي اني كافل ماجد بدينة ددسن وهو ساحب على ههههههههههه ..

ماجد شكيتك على الله
وبهديك هالبيت سأيلن المولى عزوجل ان يردك الى ماكنت عليه ..<<< حسيت انك مرتد على هالدعووه هههههه
الموووهم البيت اللي يقول فيه اخوي الشاعر الكبير غانم الضومري ..
ماكل مخلوقً يعوض بمخلوق .. ورز الرصيص مايجي جنب مزه

هههههههههههه الموهم لا احب اطيل مشكور ابوسامي ومشكور ماجد بصراحه قصايد اطربني بجمالهن تسلموون تقبلوووو مروري

[غانم الضومري]

اشوف يم المخيل ابروق
والسيل بكره تشوفونه

حتى لو انه يشيل اعروق
اعروق بالارض مدفونه

تحيتي

[محمد المقاطي]

مسيتوا بالخير
صح لسانك يابوسامي
وصح لسانك يابن بديح
ولااهنت يالزكرتي

بيض الله وجيهكم ، واصلوا المعنى
تحيتي

[سراب]

من قدك اخوي مسند
تستاهل المدح والثناء
بارك الله فيك ومتعك بعمرك
الاخ ماجد افتقدنا عطاءك اين انت
بانتظار جديدك لاعدمناك

سلمت والدي غانم فالاحبة الطيبون هم اولى بمدحهم

[ابن حماد]

مساجله جميله بين كبار الشعراء متابعين معكم

[كمال البدور]

ما اجمل المساجله الشعريه بين الشعراء
لا تحرمونا من هداياكم الجميله
ترانا متابعين لكم
تحياتي لكم

[غانم الضومري]

مسيتوا بالخير
صح لسانك يابوسامي
وصح لسانك يابن بديح
ولااهنت يالزكرتي

بيض الله وجيهكم ، واصلوا المعنى
تحيتي

مشرف الشعر و الشعراء الشاعر محمد المقاطي ..

قسم الشعر يفتخر باشراف شاعرنا .. شاعر مميز ومشرف يخدم الشعار
حسن التعامل وواضح ما يحيــرنا .. يالشاعر اطلب تدلل فيه شعلة نار

شرفت ماجد وغانم بمرورك وطيب شعورك .

تحيتي

[غانم الضومري]

من قدك اخوي مسند
تستاهل المدح والثناء
بارك الله فيك ومتعك بعمرك
الاخ ماجد افتقدنا عطاءك اين انت
بانتظار جديدك لاعدمناك

سلمت والدي غانم فالاحبة الطيبون هم اولى بمدحهم


يستاهل الزكرتي .. وأنتي من زين قصائد الشعراء بتصميماتك الرائعه .. باسم جميع الشعراء نشكرك ياسراب على كل ما قدمتيه من خدمات فنيه تستحقين الشكر والاشادة ... شكرا للجندية المجهولهه

تحيتي

[غانم الضومري]

ما اجمل المساجله الشعريه بين الشعراء
لا تحرمونا من هداياكم الجميله
ترانا متابعين لكم
تحياتي لكم


مشكور ياراعي المقنـــاص
يامعشي الضيف لحم الصيد


مرورك وطيب شعورك أسعدني .. اسعدك الله بالدارين .

تحيتي

[عبدالمحسن الرحمه]

صحت ألسنتكم جميعا دمتم بخير

[غانم الضومري]

مساجله جميله بين كبار الشعراء متابعين معكم


الأجمل هو حضور الشاعر هماليل المخيل

لا خلا ولا عدم ..

تحيتي

[غانم الضومري]

صحت ألسنتكم جميعا دمتم بخير


استاذ / عبدالمحسن ..

شكرا للحضور وطيب الشعور

تحيتي