سحاب - احدن ينوم بخير ويصبح على خير

[سحاب شقراء]

حبايبي الغالين تراي املي على بنتي مشاعل وهي الي تكتب لي الله يحفظها الا ضاق صدري
سبحان ربي الا زعلت معاد اعرف اكتب هههههههههههههههه
شوفو انا مره من المرات سويت ثلاث عمليات في وقت واحد في مستشفى رعايه الرياض وجلست يجي اسبوع او اكثر شوي ثم طلعوني للبيت لاني على حساب شركه تامين المهم يوم انهم طلعوني من المستشفى ورحت للبيت لقيت ام العيال حاطه لي سرير في الصاله علشاني مقوا ارقا الدرج لان العمليات في مكان حساس ههههههههههههه المهم وجلس في الصاله ويمر يوم ويومين وثلاثه وربعه ما زارني احد وضاق صدري وبكيت وقلت يا مره شيلي فراشي والله العظيم ما انوم عليه ثمن قلت روحو عني ابا اجلس لحالي وقول ذا القصيده جعلها تعجبكم

أحــــدن ينــــوم بخـــير و يصـــبح علــى خير

وأحـــدن دمــــــوعــــه غــــرقـــن الوســــاده

وأحــدن تغـــــرد دنــــيتـــه كنــــها الطــــيـــر

وأحــدن تـــــسـن ســيوفـــها عـــند بــــابــــه

لـــو غـــزتــه شـــوكـــه يجــــونـــه مســايـير

وبـــابــي عــليــه مـن العــجــايـــج شــهابــــه

خــــافوا عـــلـيه مـن الــوجــــع والتـــعاســيـر

وكـــلـن دمـــوعـــه غــــرقــن لـه ثـــــيــابـــه

وانــا لــو ان هــمــوم قـلــــبــي عـلى بـعـيــــر

يطــــيـح مــع حــملـــه حشــــى مــا ســـرابــه

ولــو أســعـفــوه بــذود مـــلحــن مشــــاهيــــر

نـــــوخ جــــمــلــهــن والـحــقــنه نــيــــاقــــه

لـــــي بالـثـــمامــه مـــاكــرن كـــنـي الــطـــيـر

أصـــيـح عنــده لـــيـن يــصـفــي جــنــابــــــه

قــالــو تــعـبـــر قـــلــت مقــــوى التـــعـــابـيـر

لاجــيـت انـا اكــتــب ذا القــلــم نــشـف نــابــه

حـــتـى أنــت يـاللــي تـكــتـب الشــر و الـخــير

وعـــطــاك ربــي شــآن مـــا ينــــهــقــى بـــه

تــبـي مــع الـــدنــيـا سـلاحـــك لــه شــخــيــر

عـــقــبـت يـاللــي يـتــبـع اللــي مــــشــى بــه

عـــلــمـي أنــا يــا خـــوي فـي جــمــة الــبــير

مــحــدن يــعـرفـــه كــود مــنــشـي ســحـــابه

إللـــي بــأمــره يــكـفــخ الـــطــير و يـطـيــــر

وبمــره عـزل حـالــي البـحــر عـن هــماجــه

حـرفـيــن عــنــده لــو شــبــكهـن تـرا يـصـير*

و الــكـــل فــي الــدنــيـا يــعـبــده مــهــــابــه



سحـــــاااب شقــــراء

*الحرفيــن هــي الــكـاف و الــنون(فسبــحان من يقــول "كــــــن" فيــــكـون)
==============

[غانم الضومري]

الله الله ياسحاب شقراء

فيض من غيض

بوح شجي .. يخطف الالباب

لقب شاعر تستحقه بكل جدارة واستحقاق

لا عدمناك يابو مشاعل

تحيتي

[عابر سبيل]

صح لسااانك يابو مشاعل ابيات جزله من شاعر جزل لااااهنت يالغالي ،،،،،،

[سراب]

ما شاء الله
اقف احتراما وتقديرا لما نثرت من بوح شجي
آلمنا ما آلمك وعبرت به بأبياتك
جعل السلامة تلازم جسمك ولاتعداها
الف لاباس عليك يالسحاب
تحياتي لاختي مشاعل بارك الله فيها

ابنتك سراب

[سحاب شقراء]

الله الله ياسحاب شقراء

فيض من غيض

بوح شجي .. يخطف الالباب

لقب شاعر تستحقه بكل جدارة واستحقاق

لا عدمناك يابو مشاعل

تحيتي


ياجعل ربي ما يحرمني محبتك يالغالي

الله يوفقك دنيا ودين

وشهادتك وسام شرف وفتخر فيه

[سحاب شقراء]

صح لسااانك يابو مشاعل ابيات جزله من شاعر جزل لااااهنت يالغالي ،،،،،،

ياهلا ومرحبا بالغالي

تسلم يابعدي

وشهادتك على الراس لا عدمتك

[سحاب شقراء]

ما شاء الله
اقف احتراما وتقديرا لما نثرت من بوح شجي
آلمنا ما آلمك وعبرت به بأبياتك
جعل السلامة تلازم جسمك ولاتعداها
الف لاباس عليك يالسحاب
تحياتي لاختي مشاعل بارك الله فيها

ابنتك سراب


تسلمين يالغاليه سراب

وترا سلامك وصل لمشاعل الله يحفظك بس مهيب حولي هلحين كان ترد عليك بنفسها

وكلامك عن القصيده شرف لي ووسام شرف على جبيني

الله يحفظك يالغاليه من كل شر ويوفقك لكل خير

[عبدالمحسن الرحمه]

صح السانك وعلشانك ودي لك

[سحاب شقراء]

صح السانك وعلشانك ودي لك

ياهلا ومرحبا ومسهلا بك ياعبد المحسن

شرفتني شرف الله مقدارك يالغالي دنيا ودين

[رذاذ]

صح لسانك أستاذي سحاب شقراء مدد بلا عـــدد ..

أسأل الله تعالى أن يجزل لك الأجر والمثوبه على ماأصابك من بلاءٍ ومرض ..

وأن يطيل في عمرك ويمّدك بالصحةِ والعافيه ... اللهم آمين ...


رذاذ

[سحاب شقراء]

صح لسانك أستاذي سحاب شقراء مدد بلا عـــدد ..

أسأل الله تعالى أن يجزل لك الأجر والمثوبه على ماأصابك من بلاءٍ ومرض ..

وأن يطيل في عمرك ويمّدك بالصحةِ والعافيه ... اللهم آمين ...


رذاذ

شرفتيني يالغاليه رذاذ

شرف الله مقدارك دنيا ودين وغمر قلبك بالسعاده وجعل الحزن مايعرف دروبك