’’ غـرام وشـوق ’’

[ذيب القصيد]

ودي بضمة غرام وشوق
..................وابادلك يالغلا شوقي

وارويك يادافي المنطوق
.................وابلل الشوق بعروقي

الذوق منك وفيك الذوق
...................يامنبع الذوق ياذوقي

خذني بعرف الهوى معشوق
................عشق المحبين لطروقي

لاميلت بالهوى غرنوق
.................وقنبله الذيب مسيوقي

وشدى بصوتن تقل مخنوق
..........وابدعت في وصف معشوقي

بدويت ن من هواه النوق
...............ماداجت العصر بالسوقي

ياريحة الهيل قبل شروق
..................لاجا مع البن مدقوقي

عليك ستر الحيا مفتوق
..............كن الجوى وسط معلوقي

يامهيل الكحل وسط الموق
..............من سبتك ذارف ن موقي

هافي الحشا والنحر مفهوق
...............عذب النبا زين منطوقي

وحجل ن بساق الغظي مشنوق
...............من رزت خطاه مطروقي

انا اشهد اني عليك اتوق
..............والقلب لك دوم به شوقي

خذني بعرف الهوى معشوق
.................ياسبة الشوق بعروقي


بقلمي وبوحي/ذيب القصيد

[حـــــارب]

_


صح لسانك مليآر أخوي علي ,, نص عذب ورآئع ..

أنتظر جديدك !

[عابر سبيل]

مبدع دائما أخي الغالي ( علي ) صح لسااانك على هالقصيدة الرااائعة ،،،، فالك الجنة ..

[محمد المقاطي]

علي الشمري
،
صح لسانك وبيض الله وجهك
تواصلك يسرّنا
،
لاعدمناك
تحيتي

[سراب]

سلم بوحك اخي الكريم
ابيات قمة في الروعة
لاعدمنا تواصلك
بانتظار روائعك القادمة بشوق

[رذاذ]

صح لسانك شاعرنا ذيب القصيــد على هذه الأبيات الجميله جداً

تقبّل مروري المتواضع


رذاذ