ياسعود يامالك خيار البعارين

[عبدالمحسن الرحمه]

يا سعود يا مالك خيار البعارين
نوادر*ٍفيها الحسن و الجمالي
مالكتها من شيخ وافي المحبين
أبوك راع الطيب بأول و تالي
يابو حبيب الشيخ يامالك الزين
صفوة مزاين سعرها بالعلالي
جعد*ٍ وبرها كالبرد تبهج العين
عَريِضةْ الخدّه لها القلب مالي
طول اللحيّ ميزة وخُرع الأذانين
سبحان خالقهن عظيم الجلالي
لأدرهمن مدّن رقاب*ٍ مزايين
كأنها تطرد جراد*ٍ بعالي
عرقوبهن يسحر مثل شكل قوسين
مشرابهن يشبه مصب الدلالي
أخفافهن تشبه لختم السلاطين
فيهن هداوة لأرعن بالمفالي
طول الغوارب ذيلها دون شبرين
فجّ النحور ابمشيهن بعتدالي
راس*ٍ عريض امجمل*ٍ كامل الزين
عرقوبها هزعا تزين مقالي
سنّد الرقاب أشكالهن تسحر العين
سنامهن متْوخّر*ٍ كالجبالي
سفن الصحاري حبها بالشرايين
تصبر على الميراد عدّة ليالي
حب الأبل ساري بدمك من اسنين
تسامرك في حلكم وارتحالي
قومك بقوم منزحين المعادين
شجعان ابوقت الحرب مابه جدالي
والضيف لاجاكم فزعتوا مهلين
قوم*ٍ كرام اتقلطون الجزالي
لك الفخر ياسعود نسل الشياهين
تفخر بعمك من كرام الرجالي
شيخ*ٍ علا صيته بكل الميادين
مبلش وفيّ الطبع راع*ِ الخصالي
مالك مزاين سعرها بالملايين
فيها وصوف الزين شي*ٍ خيالي
يا الله عسى رب المخاليق آمين
يبارك الله لك بكثر الحلالي
أبذكر الله عن عيون الشياطين
ذكر الله اللي يحفظ ابكل حالي

[محمد المقاطي]

عبدالمحسن العمر
،
صح لسانك ، والزين يستاهل
بيض الله وجهك أخي الكريم
ولاتحرمنا من الجديد
،
تحيتي

[غانم الضومري]

هنا عبدالمحسن العمر

هنا الشعر والجمال

فرحت بعودتك للشعر ..

حسبي على الاشراف اللي كان محرمنا من ابداعاتك ..

صح لسانك يا ابا مالك

تحيتي

[الركام]

صح لسانك ياابو عبدالملك
والحمدلله على السلامة

[سراب]

صح لسانك يابومالك
مبطين عن ابداعاتك
بيض الله وجهك ولاتحرمنا من جديدك