احد كفيف وعين قلبه تقديه

[ماء زمزم]

احد كفيف وعين قلبه تقديه
احد كفيف وعين قلبه تقديه



هكذا االشعر والا فلا
****
عرش الغلا .. قدره على قدر راعيٌه


و الا العروش الخاويات .. أمخلوفه!!



شيءٍ يجي منٌه و بأحسان .. ما أبيٌه
و الله لو نفسي لملكه .. شغوفه


الله يصد العبد عنٌه .. و يعطيٌه
عقلٍ يشوف .. و نفس بيضاء .. عطوفه


أنشد .. و أنا اجاوبك .. يا ( لا ) يا ( أيٌه )

يا زينها بين الثنين .. أمحفوفه


مافيٌه داعي تكشف العلم .. و أخفيٌه

مثلي .. يطابق هرج قلبه حروفه


وش حيلتك؟ لا صار لك شخص تغليٌه

تطيح طيحاته .. و تاقف وقوفه


تشتاق لعلومه .. و تضما حكاويٌه
و أن مر طيفه .. رحت تذبح خروفه


و وش حيلتك ؟ لا صار بايعك شاريٌه

قلبك .. و شاري منزله مع ضيوفه


شفني مغير أجيب ذكره و أوديٌه

و لرضاه أسوي كل ليله .. ( بروفه )


لين أنتهى .. و القوس في كف باريٌه

راحت طيوفه .. تشتبك مع طيوفه


و انا الين اموت .. باقي مواليٌه
لو تكثر أحزابه .. و تكثر أحلوفه


خله يروح .. و ينجرح صدر مغليٌه
مسموح .. و لحون الوداع أمعزوفه


مانيب قايل في غيابه ترى فيٌه

بأقول حكمه .. من زماااان معروفه


(أحدٍ كفيف .. و عين قلبه تقديٌه

و أحدٍ يشوف .. و لا يقديٌه شوفه)
مما راق لي امل ان يروق لكم

[الركام]

حياك الله ياماء زمزم
وتسلم على الاختيار والذوق

[ماء زمزم]

تسلم اخى العزيز ,,شكر الله لك ولمرورك الكريم

[محمد المقاطي]

ماء زمزم
،
إختيار جميل لقصيدة جزلة ورائعة
سلمت أخي الكريم على النقل المميز ، ومرحبا بك معنا في قسم الشعر.
،
تحيتي

[سراب]

ماء زمزم
اثبت بوجودك بحسن انتقاءاتك
واصل عطاءك اخي الكريم
شكرا لك على ما قدمت
بالفعل قصيدة رائعة جدا

[ماء زمزم]

اشكر لكم اخوتى الكرام تشريفكم واطراءكم العذب

[عبدالمحسن الرحمه]

ياسلام هذا الشعر ولا بلاش الله يجزاك خير على هذا الانتقاء