طآري الذعذآع

[الركام]

رسآله من أحد الأعضآء في غيآب سآبق للذعذآع
حبيت أقدمهآ بين أيديكم لغيآبه في الفتره الحآليه
عسى إنه يشآهدها ويرجع لنآ مثل سآبق عهده


يآركآم ويش اللي كتبته بلــحظات
اللي قريته زاد فالقــــلب غَــمّه ..

من دون ماأشعر هلّت العين دمعات
وزلزلْت كلّ عروق جسمي ودمّـه ..

ناديت ( يابو زياد ) بإحساس وأبيات
وأثرك تنــــادي كل قلب يهمه ..

بغياب ( طـارق ) منتدانا ترى مــات
مافيه شيءٍ يزوّد العـَــزم هِمّـه ..

ماأظن ترجع ذيـــك الأيام هيـهات
ولاأظن يرقى المنتدى كلّ قِمّــه ..

ولاأظن فينا يعود ليــل المسـرّات
ولىّ وراح وأقفت أحلام جَمّــه ..

لكن حضوره حيّ بقلوب تِقْــتات
على رُفات الشعر بغيآب عَمّــه ..

إليا غزاني الشــوق أقبلت بسكات
عشان ذعذاعه إلى جيت أشمّه ..

وأنثر دموعي فوق الأشعار ساعات
على القصيــد الليّ يودّيــك يَمّه ..

يآركآم حــاول إنته تــرد مافـــات
وجَـوّد على وصل المحبـــين لمّــه ..

ياركآم نته صاحبه في المهمــات
إنت الصديق اللي أمورك تهمّــه ..

أطلبك تكتب كلّ ماجيت كَســرات
إثـري لنا الموضـوع بأيّـت تَتِمّـــه ..

عشان يبقى نجمكم بالصــدارات
ويصير إسمك جنب إسمه تضمّه ..

وأعذرني إن قصّرت في الوصف مرّات
الشعــر مالي خبـــرةٍ به تـزمّــه ..

أحيان روحي تكتب الشعــر لاجات
ولاراحت أرجع لَمْ جرحي وألمه ..

[سراب]

لاشك ان شاعرنا الذعذاع لم يترك اثرا هينا في المنتدى
بصماته ذات جذور اثرت في نفوس الجميع
كان صاحب حضور متميز رغم عدم تواجدي في فترته
الا اني وجدت له آثارا قوية ووجدت في النفوس هنا له حبا
قويا وانتماءا لشاعريته الفذة
اخي (طارق الحربي)
انت كنت ترى هذه النافذة فدعوة منا جميعا لعودتك

شكرا ابوسعود نعلم حبك للاخ طارق
بارك الله بامثالك الوافين
ابيات احتوت الوفاء من صاحبها

[ابن حماد]

جزل يابو سعود وماتجيب الا الجزل وافي ومن اهل الوفاء
تقبل تحيتي وتقديري

[محمد المقاطي]

صح لسان الشاعر
وجعل الغايب مايبطي غيابه
والوفا بين الطيبين يبقى
لاهنت يابوسعود

[عايد]

شاعرنا الكبير الركام دائما كبير بوفائك
كبير بحضورك كبير بعطائك كبير بقلوب متذوقي شعرك الراقي
لا عدمناك استاذنا
تقبل مروري واحترامي لشخصك الكريم

[رهينه]

بوح رااااااااااااقي الى ابعد الحدود

ويستاهل الذعذاع كل خير

صح لسانك الشاعر والناقل

[Al-KHUSHAIBY]

تسلم اخي الغالي لاهنت
بيض الله وجهك

[الذعذاع]

أبيآت جميله وبوح رآقي من شخص لاشك بأنه قمه بالإحترآم والتقدير
صح لسآن رآع الأبيآت وصح قلبه وسلم بنآنه

أشكرك أبو سعود على تواصلك الدائم ووفآئك الغير مستغرب
لاهنت يالغآلي

[الذعذاع]

أشكر الجميع على الحضور
لاهنتم

[مساعد منيف العتيبي]

صح لسان الشاعر
وبيض الله وجهك يابوسعود
على طرح هذه الرساله اللي جابت ،، القرم طارق،،
وأنا لا أنكر وقفاته الأيجابيه في بداية أنضمامي..

دمتم بخير

[مدور الغيث]

صح ذوقك يا أبا سعود وصح لسان قايلها

[Al-KHUSHAIBY]

مساء الخير
صح لسانك اخي الغالي
تقبل مروري اخوك راشد الحربي

[غانم الضومري]

كانت في فترة اجازتي .. معذرة لم أراها ..


ركام الوفاء والشعر والقلب الكبير .. عمدة الشّعار في صرح البــــــــــراري

اطلب الذعذاع يرجع طالبينك يالخبير .. يستطيع انه يمارس كسرته هذا قراري

ولا يهمه لا كبير ولا صغيــــــــــــر .. المهم انا نشوفه يزرع فياض الصحاري

تحيتي