آن الأوان .. ديوان الشاعر / غانم الضومري .. البراري

[غانم الضومري]

أحبتي آن الأوآن أن اضع بين اياديكم الكريمة ديواني الشعري

آن الأوآن


http://up.albrari.com/uploads/13473022501.jpg (http://up.albrari.com/uploads/13473022501.jpg)


محبكم

غانم الضومري
.

[غانم الضومري]

http://m002.maktoob.com/alfrasha/up/3064088281444035821.gif



لو كل ما يطري على البال مكتوب
بنيت من زيــن المعاني دواويـــن

سبكة ذهب ما بينها بيت مشطوب
كتبتها يوم اكثر الناس ساليــــن

أحاول اجمع ما حفظته بـدالوب
وسط البراري عند نـاسٍ أمينين

حيث البراري مابها أي عـذروب
ملفى النشامى والرجال الميامين

مثل العلم من فوقه النار مشبوب
إخترتهــا من بين كل العنـــاوين

آن الأوان أنثر من الشعر مطلوب
أنفـّـــذ الرغبه لناس عــزيـزيــــن

هيا معي شيلوا هجيني ومسحوب
هـديـتي ديــوان لاغلـى المحبيـــن


http://m002.maktoob.com/alfrasha/up/3064088281444035821.gif

[غانم الضومري]

http://m002.maktoob.com/alfrasha/up/3003500701272013954.gif
أرجوك خطي يافتى الجود تقراه

إن كان تبغى المصلحه والغنيمه

كل البيـــوت اللي نحتـنا منقّـــاه
أخوك غانم ينصحك من صميمه

من لا حفظ دينه وعرضه ودنياه
هذاك مخه مثل مخ البهيمـــــه

اغنم من الحاضر على ما تمنــاه
من دون لا تاصل حدود الجريمه

الحـد حــد ولا تفـكــر تخطــــــاه
وما دون حد الحـد ربك رحيمــه

اللــي مع المعبود لا بد يحمـــااه
يعيش طول العمر ما احدٍ يضيمه

واللي مــع الشيطان تكثر خطاياه
خسران من يجعل عـــدوه نديمــه

دامه عدوك ليش تمشي بممشاه
أبعد عنه دام العواقب سليمــــه

الله خلقك من العدم كيف تعصاه
لولا الولي ماصار لك أي قيمه

عليك باللي لااذن الفرض لبّـــاه
وعليك باللي ســيرته مستقيمــه

لا تقرب الكــذاب حاول تلافــاه
وابعد عن النقاق راع النميميه

اماالبخيل أصحى تمره وتنصـاه
إرفع مقامك لا تشوف الحريمــه

وعليك باللي لا لفى الضيف حياه
راع الكــــرم والجـود ربك يديمـه

الله على اللي لا ملك مــال زكــاه
كسبان من يمسح دموع اليـتـيـمه

وخسران من ماله إلى النار وداه
بالدرك الاسفل يحترق في جحيمه

كم واحدٍ وقت الغضب ضاع مبداه
ترى الشجاعه بالقلوب الحليمـــه

حســن التعامل فن حاول تحـلاااه
وابعد عن أهل الغطرسه والشتيمه

من يعـمل المعروف لابــد يلقــــاه
إلا الذي يفســد جميلـــه كليـمـــه

أبــوك وامك رايهــــم لا تعـــــداه
إخفض جناح الــذل قدرٍ وشيمــه

في ما ملكت أكرم وحذرا تـحــداه
الله يحب أهــل القلــوب الرحيمـه

ما بالتعصـــب غير كثــر المعاناه
وما بالتطـــرف غير زود الهزيمه

اللي مضى من عمرالانسان ينساه
ومســتقـبــل الايــام ربك عليمــــه

إحذف من الماضي همومه وذكراه
إنسى المأسي والجروح الأليمــــه

إطنخ هوى نفسك على كيف مشهاه
بكره يصير اليــــوم ذكــرى قديمـــه

والحمـــد للي ما تعـدد ثنايــــاه
الله ولا غيره نعيــــش بنعيمــه

..



http://m002.maktoob.com/alfrasha/up/3003500701272013954.gif

[غانم الضومري]

منا الكتابة
ومنكم الدعاء
ومن الله الإستجابة

لكم أحبتي

http://www.jamaa.net/UP/29770/albarzah-9b6ee06f05.gif

يإ إله الكون عجل بالمطــــر
يإإلاهي طال فينا الإنتظــــار

طقت الارواح وصلت للخطر
التنفس ضيقـــه ريح الغبـــار

ياإلهي طالبك رشّــــة مطـــر
طالبك يارب تغسل هالغبـــار

أستغيثك يا إلهـــي للشجـــــر
أستغيثك للحلال وللصغــــــار

الأمل مازال والباقي صبـــــر
والمراصد ضيعت درب المدار

والمحلل جاك طاير بالخبــــر
والسحابه غيرت خط المسار

لو سألته صــد ما يلقـــى عذر
يعرف إنا ما نحــب الاعتــــذار

والمراسل لا سيول ولا صـــور
لو تفتش شوشته تلقى غبــــــار

العجااااج أعماه طشه بالحفـــــر
ما يشوف الخط في وضح النهار

ديـــرة الفســــاد ما فيها دهــــــر
سندسيه أرضهم مابه صفــــــار

برهم أخضر وكاسيه الزهـــــر
وبرنا ذيب الخلا منه استجـــار

عندهم شـــلال يــــذرف بالنهــــر
وعندنا المعصير في عمق البحار

وديرة الحساد ما تلقى الخضر
طلحها يابس ولا فيها خضــار

الحقيقه بالمفيد المختصــــــــر
الحسد هو سبب هذا الدمـــــار

كيف نقدر نســوي له بتـــــر ؟
الحسود تشوف بعيونه شرا ر

ولايطفي شرها غير الذكــــــر
اذكر الله والفلـــق ضد الشرار

تطفي الحساد في لمحة بصر
ولع الجمره بكبده شب ناااااار

أسألك يارب في هذا السحر
ترزق الشعبان بالسيل العيار

[غانم الضومري]

http://www.mayyar.com/album/data/media/78/8olwyh.gif


خايلت مــزنٍ تعــدى مرخي سدولـــه

ولحـقتها يوم شـق الارض بارقهــــا



أطارد المزن نفســـي فيه مجبولــــه


مهما تكون المســافه لازم الحقهــــا


جيت السحابه تمشى مشي مشلولــه


تمشي ثـقيـله وزود الحمل مرهقهـــا


يضغط عليها الرعد والطلح مذهوله


ما صدقت لين صار البرق يحرقهــا


وقفت أهلل تحت صباب هملولـــه


سبحان من ساقها سبحان خالقهــا


تنـثـرت بالبطين وسـالت سيولـــــه


شوفي بعيني غزير السيـل يغرقهــا


شفت الشغايا تصافق تقل مسطوله


يبني عليها الزبد لا جت مفارقهــا


الضلع يرسل مع الشلال معسوله


يازين طعم المطر بشفـاة ذايقهــا


شبيت ناري مع ان الارض مبلوله

وغسلت همٍ بوسط النفس مقلقهـا

[غانم الضومري]

لكم أحبتي أهل البراري


http://up.albrari.com/uploads/13038277871.gif


ادخل على قوقل وشوف البراري


كانك تحب الغيـم وتحب الامطـــار
ويفــز قلبك كل مــا حل طـــــاري

قبل السفر حاول تزوّد بالاخبـــار
إدخل على قوقل وشوف البراري

أقوى المــواقع لا تفكر وتحتـــار
لا يضيع وقتك كب عنك الطواري

بالمنتدى تلقـى خفيات الاســــرار
المرتفـع والمنخفـض والـذواري

يا حبني للي يدوسون الاخطــــار
لا لاح نوض البرق خاواه ساري

مني لهـــم أجـمل تحيّــه ومقــدار
على الجهود الواضحه بالبراري

[غانم الضومري]

http://reddodo.com/cellphones/splash/?sesid=dVZKbnNMM1ppVDZiNWFlNkErR0l2WWswZldyWnpGY2J 1aWdNeFZwYXpzd01vamRZSlFZU1NkUWtOc3NFWEp1MUNSN0xXa 3FnRXdKYjZKYitaeGc9

قــام يتـقـادح بالسـمـاء نــوض بـــراق
أركــى عـلـى مـتـن السـحـاب وفتـقـهـا


وهلـت همالـيـل المـطـر بـيـن الافـتـاق
واروت معالـيـق الضـمـا مــن غدقـهـا


بالله تـاخـذنـي تـــرى خـاطــري ضـــاق
مـا ابغـى المدينـه فكـنـي مــن زهقـهـا


وقـف ودور لـي عــن الـظـل مـشـراق
فــي روضــة خـضـراء تطـايـر عبقـهـا


يصدح بها القمري قبل وقت الاشـراق
وصـوت ام سالـم بالخضـيـراء سبقـهـا


الله ما احلـى الطيـر مـن دون مسبـاق
لا كـوبـرت خــرب الـحـبـاري صفـقـهـا


يازين نثر الريـش مـع وقـت الاشفـاق
قـبـل تــذوب الشـمـس بأحـمـر شفقـهـا


وطاحت على فرش خضر خلـق خـلاق
مـتـخـالــطٍ نـويــرهــا مــــــع يـهـقــهــا


افرطـت بالحمسـه إلــى حــد الاحــراق
حـتـى تـطـايـر قـشـرهـا مـــن عـرقـهـا


ودقـيـتــهــا لا دق بـالــفــكــر دقـــــــاق
نـجـر المـشـاعـر دقـهــا مـــا سحـقـهـا


لاعـاد سـوق الحـب مـن بـد الاســواق
احلامـنـا الحـلـوه هــو الـلــي سـرقـهـا


أبحـر بهـا عنـوه إلـى وسـط الاعـمـاق
واحــرق بـهـا مـثـل الـسـلام وغرقـهـا


مااصعب من الفرقا على نفس مشتاق
لا اقـفـى الـزمـان وحـاجـتـه مالحـقـهـا


بانت لـي الجـوزاء مـع الهكـع شعـاق
يبـرالـهـا الــمــرزم ونــــوره شـعـقـهـا


راح الربيـع وصفـرت خـضـر الاوراق
حتحـت هجيـر القيـض ضـافـي ورقـهـا


ما باقي الا الغصن يابس على السـاق
لــو يلـمـس الرمـضـى بـظـلـه حـرقـهـا


الله كــريـــم وكـــافـــلٍ كــــــل الارزاق
أصـغــر صـغــار الـــذر ربـــك رزقـهــا



http://reddodo.com/cellphones/splash/?sesid=UjFqK2Ztb2o1NW40emJ4Qzd1Z21MTHNWTlBBQndmOXZ 4SVBTWHhlaEJQbjFLTEc5MW5ERTdQUDlwRTRRUGF2TUo0STZrM lk2ZkdaMDhuemhBT3VIVnUyRmpNYWM0dSs4Y3NTcA==

[غانم الضومري]

سوف أختار قصيدة فاصله ..

[غانم الضومري]

دنيا غريبة

http://www.arablocale.net/vgallite/pix/GDIRathr/athar02.jpg (http://vb.tgareed.com/t53341/)

دنـيـا غريـبـه كــل يــومٍ لـهـا حــال
مـتـداخــلات أحـداثـهــا والـلـيـالـي

أول تميـز بـيـن (رجــرج) ورجــال
وهالحين ما تقدر تعـرف الرجالـي

مـا فيـه فـرقٍ بينهـم ثـوب وعـقـال
كلـن يـشـوف نفيسـتـه همـلالـي !!

مغرور في نفسـه غـدا عنـده ريـال
يحسـب المـراجـل كلـهـا بالريـالـي

اعرف ترى الدنيا على مر الاجيال
رحـلـه قصـيـره تنتـهـي بـالـزوالـي

هذا الزمن يـا نـاس رحلـه ورحـال
ولا يـاخـذ الـرحـال لامـــات مـالــي

ما ياخذ إلا مـا كسبهـا مـن أعمـال
ولا يـخـلـد الـتـاريــخ إلا الـمـثـالـي

[غانم الضومري]

قبل ثورة سوريــا

http://up.albrari.com/uploads/13494673971.jpg (http://up.albrari.com/uploads/13494673971.jpg)



من قال لك بالدم والروح نفديك
بشار تكفـــى لا تصـــدق كلامـه


تراه يكذب لا يغرك ويغويــــك
لا ضاع شعبك ما تفيد الندامه


حاول تفادى ما وقع به ابناخيك
دون المكاسب ما حصله سلامه


(ابو سعد) كانك ذبحته باياديك
واجه مصيرك قبل يوم القيامه


حارب لحالك فكنا من بلاويــك
ولا اظن تلقى من يقط العمامه


اهرب بنفسك لاي شخصٍ مواليك
وسـلـم مفاتيــح البلد والــزعامـه


قبل يصيدونك كما صيدة الديك
والا كما صيدة هبيل النعامـــه


اسمع نصيحة واحد ما يدانيك
لوضاعت الفيحا عليك الملامه


لازم تفكك حزبك (الوسخ) تفكيك
البعــث حزبٍ باليــاتٍ اعظامــه


مؤسسه (ميشيل عفلق) ولااخفيك
إنه يهـــودي والنصارى عمامه


وسرح مساجينك وصحح مباديك
واتــرك أهل لبنان وسط الغمامه


خل الطوائف كلها تحكم اهنيك
ولا ظنتي تاقع عليها الحمامه


وكانك بري ما فيه هاذي ولا ذيك
النــور ما يخفيه زود الظلامــــه


القصد واضح ما يبي أي تشكيك
صهيون ما يبغــــاك تاقف امامه


تجارةٍ حــــره بها الكفر يلهيـك
ويشفطك شفط المكنسه للقمامه


يدوس عرضك ثم ياخذ اراضيك
ويختم عليه بالصليب العلامه


معقول هذا يافتى الجود يرضيك
الدين يمحى والقيـــم والشهامه


خلك مع التيار والوسط يكفيك
وعليك باهل الدين والاستقامه


وانصا الرجال اللي تفك الشرابيك
اللي لهم بالكــون قــــدر ومقامـه


إن كان ابومتعب عرف صدق خافيك
أبشر بنصرٍ مثل نـصــــــر الرغامه


إليا أمرنا سيدي نذر لا اجيــــك
ما دامها وصلت لحد الكرامـــه


موت الشرف من حدر نار البلاجيك
أخير من موتة فطيـس الرخامــــه


واختامها نطلب من الله يجازيك
ويعيـــد للإسلام بعض احترامــه

[غانم الضومري]

http://up.albrari.com/uploads/13545480351.jpg (http://up.albrari.com/uploads/13545480351.jpg)




كلن نصح بالخبل بشار
والثور عنّـــــــد ولاهمّه

يمشي غلط عاكس المضمار
يتبع هــــوى لابس العمّه

ماينفع الطيب بالصفار
ما ينفع الطيــب بالرمّه

مهما تخفى ورى الاشجار
له شـــوزلٍ ملحها خمّـــه

لا تعتذر ما نبي أعذار
إذلف مثل راعي الشمّه

أرجوك ياسيفي البتار
إلعن ابو جد من ضمّه

احسب حسابه من الكفار
لا دين لا عرف لا ذمّــــه

يعتــز لوقلت له جزار
يفطر على الدم ويشمه

يفرض على جيشه المغوار
يهجم على الشعب ويدمّه

الشام كلـــــــه مولع نار
والكلب مرتاح عند امه

خلاص وقف قضى المشوار
تســرب الجيــــش يا رمّــــه

صار الاسد منبطح محتار
واللي بقي من بني عمه

الحر وانضــم للأحرار
و كل الجماهير منضمّه

لعيون من تلبس الإيشار
عاداتنا نـــارد الجمّــه

وقفه مع ابطالنا الثوار
بالروح والمال والهمّه

نقضي على بؤرة الأشرار
نرتـاح ونــريح الأمـّـــــه

سألت ميمه عن اللي صار
وش فيه وش صار ياعمه

قالت لي البعــــث ياستار
ما احدٍ سلم ما شرب سمّه

الجوووع والبرد والتيار
الموووت شبيـــح يايمّـه

وين العرب قبل فتك العار
ليش الأمم غير مهتمّــه؟

هل المصالح هي المعيار!
والا إذن الاجواد منصمّـه ؟

القتل واضح مع الإصرار
والصين والروس منخمّه

لو يسمعوا لجة القصار
ما كان جاب الفشق يمّه

قلت ابشري جاكم الإعصار
ســــــربٍ يدكه من القمّـــه

حتى يجــــــي داخل الدوار
بالشبـــك والناس ملتمّــه

هذاك يرميه بالبسطار
وهذاك يلعن ابو أمّــه

وهذا يناديه بالصرصار
ابــــوه قبله طرد عمّه

على النعش دقوا المسمار
وللمحرقــه جاه مــن زمّــه

يا رب يا فـــــذ يا جبار
تزيل عن شامنا الغمّـه

وتسقي بلدنا من الأمطار
من نصع لوادي الرمه

مثل البراري مع الزوار
يا مرحبا حي ها اللمّـه

وصلاة ربي على المختار
اللي نهـانــا عــن النمّــــه
.

[غانم الضومري]

نهايته قرررربت

متواضعه لكم أحبتي





http://up.albrari.com/uploads/13545492651.jpg (http://up.albrari.com/uploads/13545492651.jpg)
　
ياسعود تكفى أمانه لا تخلونــــه
مجرم حقيقي ولااحدٍ يفعل سواته


البعث كلله عصابة كفر ملعونه
يذبح اخوه ويفتعــل في خواته


مصدق إنه أسد ومطير عيونــــه
قصوا خشيمه ودوسوا فوق علباته


لوهو أسد كان ما كشر عن اسنونه
في عــز برد الشتاء وجه معداته


الشعب أعزل وسط أجساد مدفونه
يموت جوعان والعربان مقتتاته


بعـــذرشعبه ولوهم ما يحبــونه
سفاح مغرور يرقص فوق أمواته


متى على الله إلى الساحه يقودونه
يجيه ماجا معمر وسط مصراتــه


التونسي هج ما قدروا يصيدونه
نصى الحرم ماقدر ياخذ جوازاته

　
حتى اليماني فهمها هج بضعونـــــه
ما امداه ياخذ حزيمه من طرف قاته


مسكين حسني ورط في شعب مجنونه
خلـــوه يرجـــع ورى يقرا ملفـــاته


في كل يومٍ على القاضي يعرضونه
وسط القفص منقهر ضيع مراياته


نهايته قّــرّبت بكــره تشــوفونه

من هان ربعه تحمل حر ضرباته

　　


تحيتي لكم أحبتي

　
الضومري

[عابر سبيل]

صح لسأنك واعتلاء شأنك يابوسامي .. شاعر جزل وقصائد جزلة ... الف شكر لك وفالك الجنة ،،،،