إهداء للمهندس/ فهد السواط .. كساب الجميل

[غانم الضومري]

يا فهد مشكور تسلم يا أصيـــل
السواط الشيخ فزعة من نصاه

راعي المعروف والباع الطويل
جاب رايد ما احد جابه ســواه

بعد ما كان العمل وسط الجبيل
ما تعذرني وسووّا اللي قـــواه

الخيول الجامحه تصهل صهيل
لا امتطاها شيخنا تتبع هـــواه

أشهد إنه ما يعرف المستحيل
الصعاب تذوب من لذة نبــاه

جمّل الله حال كساب الجميـل
أسأل الله يسعده طول الحيـاه

ما يوفي حقه الشكر الجزيــل
لو نحج البيت ما نلحق جــزاه

تحيتي

[أبا محمد]

صح لسانك أستاذ غانم
ماشاء الله قصيدة جميلة ومتناسقة

[غانم الضومري]

صح لسانك أستاذ غانم
ماشاء الله قصيدة جميلة ومتناسقة


ابا محمد ..

شكرا للمرور وطيب الشعور

تحيتي

[سراب]

يستاهل النومــاس كساب الجميل
مسعد الوالد في ضمــة ضنــاه
فــاله التوفيق والشكر الجزيـل
يا عسى ربي من خيره عطــاه

ماقصرت يا ابوي يستاهل اللي جمعك برائد
كل هالثناء الله يجعل فاله التوفيق بالدنيا والجنة بالآخرة

[ذيب آجا]

يستاهل ..صح لسانك.. جزله كالعاده..ودي

[الركام]

صح لسانك ياابو سامي ويستاهل فهد السواط

[زكرتي يقطف الزهور]

يسعد مساك ابوسامي رووووعه بمعنى الكلمه ويستاهل فهد

[غانم الضومري]

الجندي المجهول وابن الحلالي .. قبله على راسه وخشمه وعيناه
أطلب من المولى عزيز الجلالي .. يا رب حقق ما سعى له بدنياه
يارب تسعد عبدك ابن الحمــالي .. يارب تجزى من جزا ما تمناه
يارب سهل له طريق المعــالــي .. يارب تحفظ له عياله وترعاه
حيثه جمعني في شريدة عيالــــي .. أفرحني بشوفة عزيز فقدناه
في عالمه مافيه شي محالي .. قـّدر ظروف شويبٍ جاه ينخاه
كان الأمل بالنقل أكبر محالي .. والحمد للي ما تعــــــدد ثنيـــاه
ابو محمد والنعم يالحمــالي .. الجندي المجهو حنا عرفناااااااه

أرسلتها للجندي المجهول وطلب مني التوقف وعدم النشر .. وأن ما فعله لوجه الله ..

ونشرتها من باب طلب الدعاء لأخي بالله المهندس/ عبدالله الحمالي ..

شكرا لله ثم له ، ولكم أحبتي المحبة والتقدير على المرور وإبداء صادق الشعور

تحيتي

[سمو المشاعر]

صح لسانك اخوي غانم وما جزاء الجميل إلا الجميل يستاهل الوفاء وهذا الإهداء
المهندس فهد السواط وربنا يديم المعروف بين الناس .


تحيتي