تسجيل الدخول

مشاهدة النسخة كاملة : @@ (( ليته يجي لاقلت ياوي ليته )) @@

أبوهليبه
2012-07-31, 02:18 PM
السلام عليكم ورحمة الله وبركاته ،،،

مساء الخير والمسرة للجميع ،،،

تقسى عليك ظروف وقـتك ودنياك

وتجيك كل قسوم حبــك بنكبتــــــك

بالذات لا كثرت مشاريه شــــرواك

وعفت الزمان اللي يحدك لشرهتــك

اطلالتي الاولى عبر هذه الساحة الجميلة والتي اتمنى ان تكون كما تريدون ،،،

واعتذر لكم عن قصر الميد لأنها وربي اتت هكذا ( تقبلوها )


@@ (( ليته يجي لاقلت ياوي ليته )) @@

يانوح ،،، ياكشف الخفى والوجيعة

يادمع ،،، ياكسر القوى لا نهيتـــه

ياوجد ،،، ياذبح العروق الصريـعة

ياشوق ،،، ياقايد خطااااااايه لبـيتـه

انا عليكم دم قلبي ابيعة !!!!!!!!!!

واخذوا حياتي !! بس وينة وليته ؟؟

الصاحب اللي مايخون الوديعـــــــــة

اللي تلا عهده مراويح صيتـــــــــــه

ياويح منهو فاقد ٍ له وزيـــعــــــــــة

وانا فقدته في سموه وكيته !!!!!!!!

ماغير دمعي مايوقف شليعــــــــــــة

@@ (( ليته يجي لا قلت ياوي ليته )) @@

وسلامت من تابع والله ،،،

( ابو هليبه )
عابر سبيل
2012-08-01, 03:21 AM
صح لساااانك يااابوبندر مبدع يالقررررررم ... تقبل محبتي ومروري وفالك الجنة ،،،،،
الاطلسي
2012-08-01, 03:51 AM
روعة يابوبندرهذا اللي اناجالس انتظره
مبدع لاهنت يالغالي وواصل ترانابانتظارجديدك يالغلا
لاهنت وصح الله لسانك
سراب
2012-08-01, 04:36 AM
راائع يابوبندر لاهنت يالاجودي
امطرت سحابتك على ارض البراري
بانتظار الغيث المغيث
واصل سنتابع بشوق كل جديدك
لاهنت يا والدي

ينقل لقسم الملتقى بعد ان يأخذ نصيبه من الردود
Al-KHUSHAIBY
2012-08-01, 05:06 AM
رائع اخي الغالي ابو بندر
أبوهليبه
2012-08-01, 08:07 AM
صح لساااانك يااابوبندر مبدع يالقررررررم ... تقبل محبتي ومروري وفالك الجنة ،،،،،

حييت ياعابر سبيل المسمــــــــــى

يلي حجا قيفك ضليل ٍ وباااااااااارد

موكب حضورك يشبه السيل طـما

يطغى على كل المواكب وزايـــــد
أبوهليبه
2012-08-01, 08:12 AM
روعة يابوبندرهذا اللي اناجالس انتظره
مبدع لاهنت يالغالي وواصل ترانابانتظارجديدك يالغلا
لاهنت وصح الله لسانك

الف ٍ هلا بالاطلسي صاحــب الطيب

اللي يشرفني ليا مــــــــــر ( نكّه )

لانيب لا ناسي ولانجحده ( عيب )

واللي سواته بالغلا مانفكّـــــــــــة
أبوهليبه
2012-08-01, 08:17 AM
راائع يابوبندر لاهنت يالاجودي
امطرت سحابتك على ارض البراري
بانتظار الغيث المغيث
واصل سنتابع بشوق كل جديدك
لاهنت يا والدي

ينقل لقسم الملتقى بعد ان يأخذ نصيبه من الردود

اشكر جهودك قبل ما اشكر وجــودك

سراب يامااااااال الغنااااااااااة العظيمة

شاكر مرورك عقب ما اشكر جهودك

حق ٍ على كل السلوم المقيمـــــــــــة
أبوهليبه
2012-08-01, 08:24 AM
رائع اخي الغالي ابو بندر

ازريت لا اقراء تراسيم نكـــــــــك

طبعي كذا في الـ E يهقانــــــــي

والا انت تبقى قرم من دون شكك

عندي مرورك فوز كله معانـــــي
غانم الضومري
2012-08-01, 08:09 PM
ابو بندر .. بدايه موفقة .. إضافة مميزة للبراري ..

إلى الأمااااااااااام ..

تحيتي ِ
أبوهليبه
2012-08-02, 12:50 AM
ابو بندر .. بدايه موفقة .. إضافة مميزة للبراري ..

إلى الأمااااااااااام ..

تحيتي ِ

ياناشدي عن ماجرا من وناســـــــة

غانم تراه الضومري لا لفانـــــــــي

لا شك ،، لامشكوك ،، عدل ٍ قياسه

ميزة وجودة يضفي الطيب بانـــــي

( ابو هليبه )
سآهر الليل
2012-08-04, 02:20 PM
ابو هليبه سرني يوم جيته
وشفت المعاني فوق قمه رفيعه

سبحان من يفرق عن الحي ميته
من يسفه أشعارك عساه القطيعه

بيتين جدا متواضعه
صح الله لسانك ... ماشاء الله فالك التوفيق أخوي
أبوهليبه
2012-08-05, 11:44 AM
ابو هليبه سرني يوم جيته
وشفت المعاني فوق قمه رفيعه
سبحان من يفرق عن الحي ميته
من يسفه أشعارك عساه القطيعه

بيتين جدا متواضعه
صح الله لسانك ... ماشاء الله فالك التوفيق أخوي

حييت ياساهر عدد كشح ليتــــه

وسجل لنا كل القسايم سريعــــة

اما انت تحشم ياعميلي وصيتــه

تكرم وتكرم لحيتك عن صنيعـــة

بيض الله وجهك ياساهر الليل تقبل مروري انت على حضورك الطيب ،،،