الزاهد ][ اداء : بندر الخنيفر ’ هبوب [] أتمنى يعجبكم العمل )(()

[بندرالخنيفرهبوب]

http://www.youtube.com/watch?feature=player_embedded&v=1eYrAEPeU4k

[غانم الضومري]

رائعه تلك الشيله ، تسلم يابندر

تمنيت أنك كتبت كلماتها هنا ..

شكرا بندر

تحيتي

[بندرالخنيفرهبوب]

رائعه تلك الشيله ، تسلم يابندر


تمنيت أنك كتبت كلماتها هنا ..
شكرا بندر
تحيتي




الله يسلمك

حضوركم هو الأروع يا غانم


وبالنسبه للكلمات
هذي هي


زهدت من دنياي

زهدت من دنياي واقفيت عايف
وانا ياابو تركي بزهرة شبابي
ما لي ورى الدنيا واهلها حسايف
اشوفها تزمي سوات السرابي
تكبر وتصغر كلبوها خفايف
بس المهم انا نقول الصوابي
على المعزه فوق روس النوايف
عسى الحقيقه شمسها ما تغابي
العلم مثل الطيب يبغى كلايف
يااللي على اليمه تسوق الركابي
خذ لك نصيحه من بنوك الطرايف
عن الصلاة الواجبه لا تغابي
وطلع زكاة المال قبل الصحايف
تطوى وقدامك ثواب وعقابي
يا رب انا طالبك يا خير رايف
حسن التعامل والعمل والثوابي
وانك تكافينا جميع الطوايف
المفتري والمرتشي والمرابي
والمال ياهل المال لا صار زايف
راعيه قدامه سؤال وجوابي
في موقف فيه القلوب الولايف
تنسى بعضها في نهار الحسابي
ونهاية الموضوع غزو ونكايف
أيامنا مرت مرور السحابي
الادمي لو يملك ازكى الوظايف
من التراب ومرجعه للترابي



ومنشوره في جريدة الرّياض على هالرّابط

http://www.alriyadh.com/2008/04/03/article331254.html

[غانم الضومري]

الله على الشاعر بروس النوايف
بندر خنيفر سجل أجمل اعجابي


أقفيت أزهد من جميع الولايــــف
وارجع وافكر وش بقى من شبابي

ماني على الدنيا كثير الحسايف
مصيرنا ياخوك تحت الترابــي

ماعاد باقي كود كثر الكلايــف
الله يرزقنــا جـــزيل الثوابـــي

وقفتني من فوق جرف مهايف
بارض هيار ومنقطع بي زهابي

وانته تمشى بين خضر المصايف
أي أحسن المرقوق والا الكبابي ؟!

مشكور يابندر جميل الوصايف
أبدعت تسلم ياعزيز الجنابــي

تستاهل التصفيق وستار ***** فايف
وأجمل عبارات الثناء في جوابــي

تحيتي

[سراب]

ابداع بلا حدووود
شيلة رائعة بصوت مبهر
دمت لنا مبدعا اخي بندر
فالك التوفيق

[بندرالخنيفرهبوب]

الاخ غانم والاخت سراب

شاكر لكم ومقدّر تواصلكم واطراؤكم الجميل

على عيني وراسي والله

[سراب]

مجهود رائع يا اخوي بندر يستحق التقييم

[بندرالخنيفرهبوب]

الله يسلمكم

ولا يهينكم


مشكورين