يمر يوم وكل يوم يمر أحس أني حزين ( اهداء الى محمد المعجب )

[الركام]

يمر يوم وكل يوم يمر أحس أني حزين
أمسي على ضيقة صدر وأصبح على ضيقة صدر

قالوا الفرج عقب الصبر قلت الصبر همٍ دفين
قالوا الوفي طبعه وفي قلت الزمن كله غدر

قالوا الصدف قلت الصدف ماعشمت طول السنين
قالوا القدر قلت القدر من اللي يردك يا قدر

قالوا الامل قلت الامل مثل السراب اللي يبين
قلت للعهد وانا على المطلاع وسط المنحدر

قالوا تشوفه قلت اشوفه في حلوم النايمين
اصحى على شوفه وانا خدران واصحى واخدر

قالوا وش اللي تذكره اذا تناولك الحنين
قلت التنهاته اذا طروه والدمع يحدر

قالوا يخونك قلت انا ياكرهني للخاينين
لو خاني ضاع الوفا في الناس الا ماندر

قالوا نسيته قلت واللي لحن المسلم جبين
ماانساه كود الناس تنسى الليل ومطلاع البدر

قالوا كم اللي راح من عمره شقى قلت سنتين
عامين وانا اغرب الخطوات والقلب يحدر

قالوا الكدر ويش الكدر قلت الكدر مثل السجين
ان عاش في سجنه كدر واذا طلع عاش الكدر

قالوا سواتك وش يسوي قلت بين الحالتين
اما توفى من غبن والا قضى عمره هدر

م/ن

[غانم الضومري]

أبنتظر صوت وصدى هذا الأنين
من شاعر مثل البحر لا من هدر


بإنتظار صدى تلك الرائعة من الشاعر / محمد المعجب

تحيتي

[ابو طلال الفيفي]

يستاهل أبو خالد هذه الأبيات
صح لسانك شاعرنا ابو سعود
لاهنت ..
أسأل الله أن يفرج همه ويعود لنا كما عهدناه

[سراب]

يستاهل ابو خالد والله انه فقيدة ومكانه محد يسده
ربي يفرج همه ويرجعه بالسلامة
نكتفي باطلالته من النافذة لحين تحسن الاحوال
وكل الشكر لك يابوسعود انت خير من يوفي ويقدر ربعه
لاعدمنا طيبة قلبك

[حـــــارب]

يستاهل الشيخ محمد المعجب عسى ربي يسعده

أبوسعوود لاهنت يالوآفي

تحياتي

[الاطلسي]

تسلم اخوي الركام
لاهنت وصح السانك وبيض الله وجهك ابيات اجبرتني على الدخول
وألزمتني بالرداحتراما لك وتقديرا
ماكل شي يدش مزاجي
بس للأمانة في الصميم
ولنالقاء بأخونامحمدالمعجب قريبا ان شاء الله

[Al-KHUSHAIBY]

يستاهل ابو خالد كل خير
مشكور يا ابو سعود

[غيمة جده]

تسلم اخوي الركام على هذا الاهداء الجميل
للاخ الغالي محمد المعجب
بارك الله فيك

[سمو المشاعر]

اهداء يدل على الوفا لأهل الوفا ابوسعود ابيض وجه وربنا يديم المحبة والمعروف لاهنت

[بقآيآ .. حرف]

الله يعطيك العافيه أخوي غانم والحقيقة لست بشاعر ولكن محب للشعر


أبو طلال :: الله لا يحرمني طيبت قلبك

أختي سراب :: الله يديمك يالغاليه ويشفي لك غاليتك


عنيد جهينه :: تسلم يالغالي والله يسعدك

الأطلسي :: اللهم آمين يالغالي وأتشرف بزيارتك

الخشيبي :: لا هنت يالغالي

غيمة جده :: الله يسعدك

[بقآيآ .. حرف]

أخي الغالي الركام الله يسعدك ويوفقك أينما كنت وهديتك مقبوله


ياخوي جيتك خطايه قدح وارضـي زنـاد

والقلب جمرة غضى والوقت نـار وفتيـل

اشهق نفس من لهب وازفر نفس في رماد

وليالي السـود حبلـى والمغاتيـر حيـل

حالي ويعلـم بـه الله والبقـاء للسهـاد

والحيل مهدود حيل الله علـى كـل حيـل

والحر لولا سبوقه ما انكسر عـن هـداد

والذيب لو سد جوعه ما عوى كـل ليـل
سقوى سنين الجهاله قبل سـن الرشـاد

ايـام كنـا نعـد الأرض مضمـار خيـل

ان طحت قدام عيني قلت: كبـوة جـواد

وان طحت قدام عينك جيت تصهل صهيـل

من يوم ما صرت لحلـوق المقاديـر زاد

وانا اتوجد على صبري واخـاوي سهيـل

اسج رجلي خـلا واهيـم فـي كـل واد

اسجها من كثيـر ولا حصـل لـي قليـل

القلب بستـان طيبـة والعـواذل جـراد

تغانموا كل حاجـة غيـر روس النخيـل

اخلاقي اللـي عـن دروب المذلـه قيـاد

وسلوم جدانـي ومبـدأ علـو الأصيـل

ان عرضوا لي سموم الهرج سقت البـراد

وان وجهوا لي سهوم اللوم راسي طويـل

لكنهم روجـوا حكـي .. وتمـادوا سـواد

(حسبي على حكيهم ربي ونعـم الوكيـل)

يامـا على شانهـم لينـت روس الشـداد

ابغـى الجمالـه ولا دورت رد الجمـيـل

زرعت فصدورهم طيبي .. ويوم الحصـاد

ما بان فوجيههم من زرع طيبـي دليـل

ما اقسى من انه يطولك ظلم بعض العباد

الا ان من يظلمك له في عيونـك مقيـل

واصعب من العيش في الغربه وجور البعاد

مرار عيشتـك فوجيـه الليالـي دخيـل

ياخـوي لا شفتنـي سجيـت بالله نــاد

اخاف تبطي بي السجـه ولا بـه حصيـل

م / ن

[سراب]

بكيتني يالمعجب الله يسامحك
واسفة يابوسعود ابوخالد له في قلوبنا مكان ومنزلة
ربي يفرج همه ويبعده عن ظلم البشر
الدنيا هي الدنيا يابوخالد بس البشر قست قلوبها
لايصيبك الاحباط يا اخوي وارجع لاخوانك وخواتك هنا
وجودك مهم وغاية يصعب ادراكها الا لمن يعرف تماما من هو محمد المعجب

[فهد الشمري]

الله يعطيك العافيه
ويستاهل ابو خالد

[عابر سبيل]

بارك الله فيك......
ربي يفرج همه ويرجعه بالسلامة

[الركام]

اشكر الجميع على المرور
وسلمت ياابو خالد على هذا الاختيار الجميل
الله يشرح لك صدرك وييسر لك امرك

[الوااا(بالله)اااثق]

يستاهل أخوي محمد المعجب كل خير يسر الله أمره وأزال همه

وسلم لنا قلمك وعطائك شاعرنا المحبوب أبو سعود

[عايد]

صح لسان الشاعر وصح ذوقك
قصيده في منتهى الروعه
الله يسعدك ويجزاك خير

[مساعد منيف العتيبي]

يستاهل أبوخالد ،، وأسأل الله أن يفرج همه،،
أبوسعود ،صح لسانك وبيض الله وجهك يالوفيّ،
دمتم بخير