هاتوا البشارة ,,,,,,,,,,

[سراب]

السلام عليكم ورحمة الله وبركاته ابشركم وصلني خبرقبل قليل عن ابوي غانم الضومري وهو بخير وصحة وعافية وجميع اهله واولاده ولله الفضل والمنة وهو يقوم مع الاهل برحلة للجنوب ربي يرجعهم بالسلامة ويوفقهم والله تو ارتحت واعتذر عن سوءالمشاركة لاني داخلة من الجوال

[مساعد منيف العتيبي]

الله يبشرك بالخير والجنه
ويعطيك العافيه

[ابن حماد]

خبر مفرح الله يبشرك بالخير على هذه البشاره اساره

[فهد المفرج]

الله يبشرك بالخير و يحفظ الجميع من كل شر

[الركام]

مشكورة سراب على الخبر المفرح

[سمو المشاعر]

الله يبشرك بالجنة ياسرآب والله طمنتينا على ابو سامي يعود بالسلامه إن شاء الله

[سراب]

ربي يسلمكم جميعا ويرد كل غايب لمحبيه

[صلاح الزعاقي]

الله يبشرك بالخير

---------------

[غانم الضومري]

شكرا لكم أحبتي ...

إني الآن في جنوب الوطن .. بقي من إجازتي 12 يوما .. وفرصة الاتصال صعبة .. بسبب إنشغالي مع العائلة .

ولله الحمد .. سحاب .. برق ورعد .. وأمطار يوميه .. وأجواء ولا أروع .. كانت هناك مشكله واحده لم أستطع تفاديها وهي حصولي إلى الآن 5 مخالفات .. السرعة المحددة في بعض الجبال 25ك/ س .. وكانت السرعة 30كم/س ..ههه ..

أنتم والبراري دائما على بالي ..

سراب .. دائما أثناء السفر أضع الجوال على جهاز السيارة .. والصوت أستقبله من خلال السماعات .. كان يوم إتصالك يوما حافلاً بالتحقيقات .. ! شكرا لسؤالك ياسراب .
أشكر سوألكم عني ..

تحيتي وتقديري لكم أحبتي

[سراب]

اعتذر يا ابوي اكيد احرجت وفاجأتك بالاتصال لكن قلقي عليك شغل كل تفكيري
وقبل لا اتخذ خطوة الاتصال بك
فتحت موضوع بقسم الاسرة للي يعرف عنك شي او يقدر يتصل بك يطمنا عنك
وماقصر اخوي صلاح الزعاقي كان يتصل على ابو مالك ليحصل على رقمك
ولكنه لم يرد على الاتصال
لذلك بحثت بالبرنامج عن رقم جوالك وحصلت عليه
والحمدلله تطمنت عليك
واعتذر اشد الاعتذار للقافتي لكني والله كنت قلقة عليك اشد القلق
والله سبحانه اعلم بالقلوب والنوايا
انك بمنزلة والدي والله الشاهد

[ابن حماد]

اعتذر يا ابوي اكيد احرجت وفاجأتك بالاتصال لكن قلقي عليك شغل كل تفكيري
وقبل لا اتخذ خطوة الاتصال بك
فتحت موضوع بقسم الاسرة للي يعرف عنك شي او يقدر يتصل بك يطمنا عنك
وماقصر اخوي صلاح الزعاقي كان يتصل على ابو مالك ليحصل على رقمك
ولكنه لم يرد على الاتصال
لذلك بحثت بالبرنامج عن رقم جوالك وحصلت عليه
والحمدلله تطمنت عليك
واعتذر اشد الاعتذار للقافتي لكني والله كنت قلقة عليك اشد القلق
والله سبحانه اعلم بالقلوب والنوايا
انك بمنزلة والدي والله الشاهد

كم انتي وفيه ياسراب وسباقة للخير

[غانم الضومري]

قال هماليل وفيه .. إلا جابت العيد فيه .. لو شفتني بعد المكالمه والاسئلة تنهال من خلفي ومن جانبي وأنا بلبس الإحرام مابين الهدى والحرم الشريف .. كانت تلك العمرة فيها من التوتر وخصوصا بين الثنتين .. اللي تقول ياغفل لك الله ، واللي تقول حتى البراري بها نسوان .. قلت لهم هذي بنتي سراب .. وانفتح باب .. يعني عندك ثالثه من ورانا .. واللي تقول هذا وانت محرم .. ياناس إفهموني .. ما فيه فايده .. حتى بالطواف وحده منهن تطالع في وترفع يديها فوق ..! مدري هي توعد مدري تدعي علي .. حتى وحده من البنات سمعتها وهي تقول أحلى يابوسامي ههههه . قالت وحده ثانيه لا تخافي ياماما أنا سجلت بالبراري علشان اراقب ابوي وهذي اللي يسمونها سراب ما عندها سالفه مره كبيره .. المهم بالسعي كانت هناك وقفة مفاهمة حول منهي سراب .. وتهديد بمقاطعة البراري .. شكرا سراب ... تزاعلت واياهم وقطعوا الاجازة .. إستانستي هاه ... بلاه وش راي هماليل .. تصور إنك بمكاني .. !!

لا لا ياسراب .. كانوا بجانبي ولما انتهت المكالمة ما شكككوا .. لان صوتك تقل صوت رجاااال .. لا تخافين هههههه والله يوم قلتي البراري إني أنتظر متى تقولين ابو نايف او ابو ناصر .. هه

تحيتي

[سراب]

هههههههههههههه ربي يسعدك يابوي
اجل ابو ناصر والا ابو نايف
خلها ابو مطيران احسن هههههههههه
ربي يسعدك وماهقيت ان كل هذا صار لانك ارتبكت اول ماكلمتك
وانا كنت متخوفة من المكالمة انه ماتكون انت
وبالعة صوتي مدري حتى وش قلت لك هههههههه

لاتقلق وخل جوالك مفتوح لاني مستحيل اتصل مرة ثانية
كل همي اني اتطمن عليك لااكثر
الله لايحرمنا وجودك

[سراب]

كم انتي وفيه ياسراب وسباقة للخير


فديتك يابو ايوب حنا هنا لازم قلوبنا على بعض والمحبة في الله تجي من الله
ومن الصدق بالمشاعر وثق تماما اي واحد منكم يغيب لابد اني اسأل عنه
بس لاتخافون ما راح اتصل ههههههه اتصالي كان لابوي غانم هو الضحية ههههههه

[غانم الضومري]

هذا وانتي كاتمتن صوتك .. ما شاء الله .. سمعوه اللي باخر السيارة ههه

تدرين وش سوو ؟ أخذوا الجوال قلت يمكن يمسحون الرقم ..!! فتحوا القزازه وشاتوه وانا امشي 200 . حاولت التوقف ولكنهم قالت علي الطلاق ماتوقف .. راح الجوال باللي فيه .. المره وزعلت ورقم سراب وراح هههههه . قطعت الاجازة ورجعتهم للبيت .. وقطعت تذكره إلى تركيا.. برفقة إثنين من الأصحاب الرياضيين الذين يريدون حضور المباراة النهائية في كييف أوكرانيا .. وأنا حدي تركيا .. ولي عودة بعد ما تستقر الأمور ..

حاولت أفهما إنك بنتي أو اختي بالله .. ما مشي الحال .. إني تحت الرقابة الصارمة وبلا مأوى بأسبابك ! ههه

أما هماليل جالس يضحك علي ويقول تستاهل ما جاك .!. طيب ياهماليل .. لك مثلها .!.

إلا على فكره ابو علي وينه ؟ واللي يشوف الركام يسلم لي عليه .!

[سراب]

هههههههه اجل رياضي يا ابوي شكلك تطامر على الجبال كل هالايام
الله يلبسك الصحة والعافية
تروح وترجع بالسلامة وكلنا بانتظارك

[ابن حماد]

يبدو انك تبي تنقل لنا نفس الصوره يابو سامي اطيب نوع مثل خريش الابل والابل اذا جفلت ناقه جفلت الابل كلها كانهم حمر مستنفره والامر خطير والكيد عظيم ويزداد الامر شراسه اذا كان كيدين كلهم ضدك الله يكون بالعون

وطيت راس الحنش والله هو الــــواقي
ياويل من تصـــــفي اثنتين مــــن دونه

لوهو جبل قدمهن بالدرب ينســـــــاقي
لما يطالع نجـــــــــوم الظــــــهر بعيونه

والحل زيد العدد واستلـــــــــــحق الباقي
تهداء العواصف وتنشي بالسماء امزونه

[غانم الضومري]

كيدين .. ياليت كيدين .. بل درزن من الوحوش الضارية .. ليتك رأيتني حينما تقاطعن ريشي .. أكيد .. سبق وأن رأيت الطوير اللي منتف ريشه وهو حي .. هاهاه هذاك هو أنا .. ياهماليل .. وبعدين الثالثه .. حتما ستنظم إلى تلك الدكتاتوريات ..

أدور وسط البراري ضايق اخلاقي
واسبابها اللي كل ابوكم تعرفونه

ضيعت مشيي تقول اغراب ويغافي
حتى البنيات كلٍ طيــر عيــــونـــه

من بينهم صرت طقطق طاق طقاقي
والثالثه قربت وتكون مــزيونــــــه

ومعها شهادة على التنكيد وخناقه
أوزها واتسمع وش يسوووونه

ياشيخ وشفيها دروب الصداقه
ليا صار لك بالغيب حلم تصونه ؟


ونسك الله بالدارين ..

سبحانك اللهم وبحمدك ...

تحيتي

[ابن حماد]

الشيخ ياشيخ العرب ســاق ناقه
وجل العرب جاهل جهتها ولونه

من خالفه يلقا الملامس الرقـــاقه
مثل الحرير وعلمها في السنونه

ورقان لوجاه الهواء بصطفاقه
ثابت ثبات وراسياتٍ اركـــونه

لك يوم نهديكم ورودٍ اباقــــــه
وزيارةٍ فيها الفرح والمـــعونه

[غانم الضومري]

يعني وش تسمي مثل هالعلاقه
صداقتي بالله فيها مهونـــــه
؟؟؟

[صلاح الزعاقي]

هههه

ودي أبين الصدق وأطول الضحكة كذا ههههههههههههههههههههههههههههههههه

بس هذي تكفي ههههههه

انتظرنا على أحر من الجمر رجعة أستاذنا غانم

وقلنا لا يكون خرج ولم يعد !!

لكنه رجع ولله الحمد ،، بس رجعة معتبرة ومميزة ومثيرة ههههههه

آسف طلعت الضحكة غصب عني

تروح وترجع بالسلامة يا بو سامي ولو حصلت مجال للتواصل معنا فسنفرح كثيرا بإطلالتك الرائعة

والمبهجة ،،

عاد المرة الجاية يبي يكلمك أبو ناصر بس انتبه ترى صوته ناعم لا تستعجل وتقول :

خلاص يا بنتي قلت لكم أنا رايح تركيا

الله يسعد قلبك

[غانم الضومري]

كنت أحسب إني بالبراري لحالي .. واثر الزعاقي بالبراري على طول
لك مثلها وانته مع ام العياااالي .. يجيك ما جاني وانا غير مسؤووول

[ابن حماد]

معناي يانعم الخوي في ســـياقه
وكل على قافــــــه يغني الحونه

صــــداقة الطيب ونعم الصداقه
في الذهب لو بالذهب يعرضونه

[خالد اللهبي]

ان غاب غانم دورو لين جابوه /// وانا ثلاث اشهور ماحدن درابي

[سراب]

حقك علينا يا اخوي خالد وتستاهل من يسأل عنك
ومن حقنا عليك تواصلنا وتبقى بيننا وان جيت تغيب تعلمنا
يعني نكون بالفعل مثل اسرتك
ابوي غانم كان بيننا على طول مايتركنا طول اليوم لذلك غيابه فجأة
سبب قلق للجميع
ماهو قصور فيك يا اخوي خالد ولاتجاهل منا
والعذر والسموحة منك

[غانم الضومري]

أغار من نسمة الجنوب على محياك ياحبيبي ..

أنت الذي بدأ الملامة والصدود ...

غرت يابووليد .. ياخي أنا شباب قريب من سن المجموعههه .. ماني زيك شايب !! تدري عاد .. كبار السن إذا غابوا .. يسأل عنهم الورثههه .. كل ما غاب كم يوم قالوا لا يكون إنه فلسع ..هنا يخافون من تأنيب الضمير ! يالله ياولد تجمل مع الشايب خلاص هانت .. أما الشباب إذا غابوا فإنه من باب التغلي .. البراري أرحب .. فضاء واسع لا حدود له . مهما هاجرت الطيور فإنها حتما ستعود إلى البيئة التي تعودت العيش فيها .. فضاء البراري لا حدود له .. بكم تزهر .. أنتم رياحينها ونووواويرها ..

عودا حميدا يا أبا الوليد

تحيتي

[خالد اللهبي]

شكلي حتى انا مع الناس بدور عليك لاتمر من الطايف ومانشوفك الا اذا فلسعت وقتها بعذرك الله يحفظك لا ربع عيون ترجيك ويخليك للبراري

[غانم الضومري]

معذرة يا أبا الوليد ..

وصلت متأخرا صليت الفجر بالطائف ..

لو كان الوقت أسعفني لتشرفت بزيارتك

شكرا خالد على طيب الشعور , وليس بغريب عليك ..

أرجوك تكفى لا تطول علينا .. خلاص يكفي صيف يكفي مكاشيت

تحيتي

[خالد اللهبي]

افا وربي توني اشوفها خسارة والله كنت اتمنى نتشرف بزيارتك بس الايام جايه ولابد لك من مرور هذي سماح بس اللى عقبها مابعذرك الله يسهل دربك
يتشرف الطايف وناسه اللى جيت // غالي ولك في القلب منزال غالي