لاواهني اللي عن الحب داله

[سآهر الليل]

للتواصل .. ابيات متواضعه ارجو ان تحوز على رضاكم










لاواهني اللي عن الحب داله
ماغاص في بحره وتاه بصحاريه

ماجرب إحساس الهوى واشتعاله
ولا فز من نومه على شان طاريه

ماشاف نهاب القلوب وعدا له
ولازادت أشواقه وهلت عباريه

غرون عديم الوصف فآتن جماله
بدر التمام بليل .. من هو يجاريه ؟

سطا غرامه ثم وثق حباله
ولا تلحقه مني حقوق ومشاريه

ياوجد حالي يوم اوقف قباله
وجد اليتيم اللي يبي من يداريه

لا شافه المهبول زود هباله
ولا شافه الصاحي يموت بحساريه

من ذاق توته مايدور بداله
ومن شم عطره قال شاريه شاريه

هذا رذاذه ماقويت احتماله
وش لون هماله وسيله يباريه



ســـــــــــــآهر

[غانم الضومري]

من ذاق توته مايدور بداله
ومن شم عطره قال شاريه شاريه

هذا رذاذه ماقويت احتمالـــــه
وش لون هماله وسيله يباريه


ساهر يغرد بالحديقه لحاله
مسكين راع الحب ماحد يراعيه

دايم مع الاحلام ساهر لحاله
يسهر إلين الصبح تظهر مواريه

كيله طفح واجتاح عقم الحياله
صندوق قلبه منفتح من يغطيه

[رذاذ]

للتواصل .. ابيات متواضعه ارجو ان تحوز على رضاكم










لاواهني اللي عن الحب داله
ماغاص في بحره وتاه بصحاريه

ماجرب إحساس الهوى واشتعاله
ولا فز من نومه على شان طاريه

ماشاف نهاب القلوب وعدا له
ولازادت أشواقه وهلت عباريه

غرون عديم الوصف فآتن جماله
بدر التمام بليل .. من هو يجاريه ؟

سطا غرامه ثم وثق حباله
ولا تلحقه مني حقوق ومشاريه

ياوجد حالي يوم اوقف قباله
وجد اليتيم اللي يبي من يداريه

لا شافه المهبول زود هباله
ولا شافه الصاحي يموت بحساريه

من ذاق توته مايدور بداله
ومن شم عطره قال شاريه شاريه

هذا رذاذه ماقويت احتماله
وش لون هماله وسيله يباريه



ســـــــــــــآهر



صح لسانك ساهر الليل ابدعت
حماك ربي

رذاذ

[راع العرض]

صح لسانك اخوي ساهر ابيات اعجبتني كثيرا وهيضني كثيرا ولا تحرمنا من جديدك

[الركام]

صح لسانك ياساهر الليل وصح لسان كل من جاراك
ابيات ومجارات رائعة

[ذيب آجا]

صح لسانك ياساهر انت شاعر ظاهره وتملك احساس شاعريه لا يعلى عليه..اعجبتني كثيراا

[محمد المطيري]

صح لسانك قصيدة رائعة

[فهد الشمري]

ساهر الله
صح لسانك
قصيده ماشاء الله رائعه

[سآهر الليل]

من ذاق توته مايدور بداله
ومن شم عطره قال شاريه شاريه

هذا رذاذه ماقويت احتمالـــــه
وش لون هماله وسيله يباريه


ساهر يغرد بالحديقه لحاله
مسكين راع الحب ماحد يراعيه

دايم مع الاحلام ساهر لحاله
يسهر إلين الصبح تظهر مواريه

كيله طفح واجتاح عقم الحياله
صندوق قلبه منفتح من يغطيه
دآمك خلصت وصرت في حيد جاله
جال الغدير اللي كثيره بلآويه

خل المعنى يطلع براس ماله
لاتنزعج والا بليلك تحاتيه

يطلع وهو مرتاح ويطيب فاله
ماهو بحاجة أي مخلوق يآتيه


مشكور على مرورك يالقرم

[غانم الضومري]

معليش .. إسمحوا لي بالخروج عن النص .. إسمحوا لي بأن أهدي هذه القصيدة للشاعر ساهر الليل ، إنها للشاعر الباهلي ابن سبيل .. رأيت إنها مناسبة لك ياساهر الليل ..
ياالله يااللى تسجد الناس لرضاه
يا وامرٍ خلقه على حج بيته

تفرج لمن سدّه على الناس ما ابداه
راضي على مقسومك اللى عطيته

من شي يسلّ الحال والجسم يبراه
والناس ما يشفونه ان ما شفيته

قلت آه واجرحاه من علتي آه
وان حمّلوني حمل غيٍ قويته

قالوا سفا بالحال ويش اللى اغواه
قلت آ ه ويش المنكر اللى وطيته

قالوا جهلت وبان علمـك لمنهاه
قلت آه علمى يا ملا ما كميته

قالوا طلبنا لك من الله معافاه
قلت آه وحّدته وعفوه رجيته

قالوا هله واحباب عينه نـصحناه
قلت آه هذا واردٍ ما بغيته

قالوا ندوّر لك من البِيض حلياه
قلت آه لو غيره بكفى رميته

قالوا نشاش العُود مالك بلاماه
قلت آه عُود الموز بيدي لويته

قالوا تزوّج كود تدله وتنساه
قلت آه لو خذت اربعٍ ما نسيته

قالوا من اقصى الناس وين انت وياه
قلت آه ما انسى يوم جانى وجيته

قالوا نشوفه عند هذا وهذاه
قلت آه عمره ماعقب حج بيته
قالوا عليلٍ ناقلٍ داه برداه

قلت آه باقرابي وروحي فديـته
قالوا نشير ولا نفع ما حكيناه
قلت آه هرّاج النمايم عصيته

قالوا كثر شيبك وقلبك بعمياه
قلت آه لو قلبى غريرٍ نهيته

مطاوعٍ قلبى بعجفاه وقداه
والى عطى منهاج دربٍ عطيته

ياناس خلـّوا كل وادي ومجراه
قلتوا كثير وقولكم ما لقيته

رحم الله إبن سبيل وأسكنه فسيح جناته ..

[سمو المشاعر]

صح لسانك ولسان من جاراك يا ساهر الليل جميل ما سطرت وابدعت فيما بحت
تقبل مروري

[سآهر الليل]

[/COLOR][/quote]

حي البيوت وحي راع المجاراه
وحي الورود اللي وصلني شذآها

ياشاعره صرح الاحآسيس تزهاه
وثوب المشاعر والجزآيل كسآها

تستاهلين الطيب والعز والجاه
واحلى قصيده فيك واسع صداها

يآمرحبا مليون ومليون تقفاه
باللي كنوز الكون كله فداها

[سآهر الليل]

راع العرض صح بدنك أخوي
يشرفني دائما حضور معاليك

[سآهر الليل]

الركام
صح بدنك ومشكور على حضورك الغالي

[سراب]

[FONT="Arial Black"][COLOR="YellowGreen"][B]صح لسانك اخوي ساهر عالابيات
ابداع بلا حدود


[SIZE=5]من ذاق توته مايدور بداله
ومن شم عطره قال شاريه شاريه

هذا رذاذه ماقويت احتماله
وش لون هماله وسيله يباريه

شكرا شاعرنا