قصيدة أعجبتك لأي من شعراء البراري

[غانم الضومري]

شعراء البراري نثروا إبداعاتهم في ملتقى البراري ،

وفاء منا لهم وهم يستحقون الوفاء

فإنا نشارك بأبيات او قصيدة أعجبتني لأي من أحبتي شعراء البراري

أتمنى أن تنال استحسانك الفكرة ورضاكم ..

نبدأ باسم الله ..



جيتك هدف..ماجيت ضايع ومنجــوم
قـلـبـي دلـيـلـي والـجـدي والـنـعـايــم


جيت ولمحت بداخل اعيونك اهمـــوم
والحزن شـفـته فـوق الاهـداب قـايــم


لا تخفي احزانك ترى الحزن مفهــوم
الـحــزن ما تـخـفـيـه سـود العـمايــــم


الحـزن ما تخـفـيه ضحـكـات وهــدوم
يـظـهـر كما شمسٍ كـسـتها الغـمـايــم


له مسحةٍ بالـوجـه تـبـقى لها رســوم
يـشـوفـه اللي في مـحـبـتـك هـــايــــم


لك حب في خافي حشى الروح مكتوم
مخـفـيه عن اهل الحـسـد والـنـمـايــم


حـتى انت ماتـدري بحـبـي إلى اليـوم
امـوت واحـي بالــغــلا وانت نـايـــــم


احمد بن عبدالرحمن العريفي
(نديم المجره)

[ابن حماد]

قصيده اعجبني موضوعها ومضمونها لشاعرنا ابو سامي

كانك تحب الغيم وتحب الامطار
ويفز قلبك كل ما حل طـــــاري

قبل السفر حاول تزوّد بالاخبار
إدخل على قوقل وشوف البراري

أقوى المواقع لا تفـــــكر وتحتار
لا يضيع وقتك كب عنك الطواري

بالمنتدى تلقى خفيات الاسرار
المرتفع والمنخفض والذواري

يا حبني للي يدوسون الاخطار
لا لاح نوض البرق خاوه ساري

مني لهم أجمـــل تحيّه ومقدار
على الجهود الواضحه بالبراري

[سراب]

اعجبتني جدا هالقصيدة للشاعر خيال

شوّش على كيفك ولا حد ٍ درى عنك
غير الضرير اللي يحطك دليله



ان كان في قلبك من افعالنا ضنك
الفعل واحد لاتهقوى بديله



ون كان ماتدري ترى عندنا بنك
من المعاني كالسيوف الصقيله



شخص ٍ دعى للخير ماهوب يلعنك
ولاهو يدور كل عذرى جميله



ولاباح سدك بينهم ثم اعلنك
بالسر ينصح مانوى بالفشيله



ولانيب قايل ياولد انت ماشطنك
بعطيك جوّك لين تقضي الوسيله



ومن لا يعرفك هالزمن مايثمنك
الا الرجال الواعيه والأصيله

[غانم الضومري]

أبيات أعجبتني للشاعر ذعذاع

على طاري ألحانٍ تهز المشاعر حيل
وذيك القصايد فيك وحروف قيفاني

أجدد وداعي واعتبرها نهاية جيل
بدا وانتهى حبه ولا عاد له ثاني

أجدد وداعي وانت خابر دروب السيل
حدور بحدور وغيث تهله أعيانــــــي

[غانم الضومري]

أعجبتني وهي تستحق الاعجاب للشاعر المحبوب : ركام





رسـالـة لمنـهـو بــدا الشـعـر يكـتـب


اليـا بغـيـت الشـعـر ياتـيـك طـوعـي


الــزم ثــلاث وخــل بـيـتـك مـرتــب


الـوزن و المعنـى وقــاف سجـوعـي


وتـخـيـر لـقـولـك بـوقــت مـنـاســب


و اختـار وقــت فـيـه كــل هجـوعـي


واليـا اجتمـع عنـدك معـانـي فـهـذب


وخل الفراش وخـل زيـن الطبوعـي


وخذ القلم واكتب من الشعر و اسهب


تلقـى المعانـي كلهـا لــك خضـوعـي


وغنه بلحن وارفع الصوت واطـرب


و ارسـل لنـا ابيـات شعـرك تبوعـي


وان كان ماجالك مـع الشعـر مذهـب


خلـه تــرى مافـيـه ســد لـجـو عــي


خـلـه تــرى مافـيـه زود و مـكـسـب


لاشـك فــي بعـضـه بتلـقـى نفـوعـي


ابيـات شعـر صاغـهـا لــك مـجـرب


هـديــة مـالــي وراهــــا طـمـوعــي

[خالد اللهبي]

جميل ما اخترت يابو سامي مع هذا الجرس الموسيقى المتناغم
الــزم ثــلاث وخــل بـيـتـك مـرتــب
وتـخـيـر لـقـولـك بـوقــت مـنـاســب

تحيتي

[رذاذ]

يالله ياعالم خفيّــات الأفــــلاك
يامبينن درب البقى والهــلاكا

ماخاب منهو ياإلهي تنجواك
ياناصرٍ من جاك يبغى رجاكا

البارحه درب السنع فيه شرباك
هاجوس سبب بالضمير إرتباكا

طبّق ضلوع الصدر تطبيق حبّاك
وأودع بقلبـــي مثـل زلٍ يحاكــا

يازين حالي من سبايبك يشناك
إنت السبب باللّــي علــيّه تراكـا

ما تخاف من ربّك على الظلم يبلاك
وأشــوف حالــي فيك يومك تباكــا

أشرب من حروفك وأداريك وأدراك
وآكل من ظنونك وأنا في غطــاكا

وإليّا إسفـهلّ البـال ثم مر طريــاك
أضمى وأجوع وخاطري في لقاكا

عليك ياللي ربّع القلــب من مـــآك
ما فيــــه زيـنن ربنــا ماعطـــاكــا

وصوف حسنك مالها غير حسناك
متفـــردٍ عن جملـة الغيـــد ذاكــا

منطوق فكرك يوم يطلع من شفاك
إمغلفن مـن زين حـــالي حـلاكــا

فكّر وشوف وقيس وإمسح نواياك
يمكن تشوف حـدود وشهو غـلاكا

أنا عطيتـــك عِلـم وإقــرآه يقــــرآك
لا تخالف الذعذآع نسمة هواكا


***************

[غانم الضومري]

هذه الأبيات أعجبتني للشاعر / هماليل المخيل .. من مجلس الشعراء

قلبي من الفرقا مصـــــــوب ومــــجروح
صوابٍ افضع من صـــــــواب الســـلاحي

جرح الســـــــــلاح مع الزمن يمكن يروح
ولاظن جرح البعد يمـــــــــحاه مـــــاحي

ينوح مثل اللي على قمـــــــــــــة الدوح
مــــــــــدري طرب والا من الحزن ناحي

ويومي اوماي اغصون سدرٍ بصحصوح
هبت عليهــــــــــا عاتيــــــــات الرياحي

والعين عبرتهـــا من اجفانـــــــها اتفوح
تبكي وطرفه بالكـــرى مااســـــــــتراحي

بي ضــــــــــيقةٍ متمكنه عيت اتروح
واللي يســــــــــليني من الناس راحي

[مزن البرد]

والله ان الشعر طبــعن لي والحــــــظ امتردي
كيف حضي مافزعلي عنــــد شعار البـــراري

كل شاعر في البراري عن مدح شعري معدي
مايهـــــمه ويش قلـــت ولا يبي لو كان داري

كلـــــهم صارو جماعه واتفاق الجمع ضــدي
وهمشــــوني مايجيلي عنــدهم سيره وطاري

والحقيقة ماذكـــرته بين مــــــزح وبين جدي
بس يبــــــقى في ضمير عــــز شعار البراري

[غانم الضومري]

والله انك غاليٍ بالحيــــل عـنـــــــــــدي
البرد والمزن غرّق كل شعبان الصحاري

لا يهمك حط يــــــــدك وســـــــــط يـــدي
مع يديـــن اخواننــا أهـــل بالبــــراري

من حروفك واضحه لهجة تحــــــــدي
والتحدي عشق ما هو باختيــــــاري

لو بغيت التهديه مااقدر اهـــــدي
جابك الله بعد طـول الانتظـــــاري

[غانم الضومري]

تم الانتقال بالمشاركتين أعلاه إلى : تحدي الكسره وبحور الشعر ..

[غانم الضومري]

أعجبتني للشاعر رامز . أحد شعراء البراري ، نقلتها بين أياديكم الكريمة ..

يا حلوم الليل خفّـي على القلب الحزين
تستفزينه على الواقع ولاهو خلي

توقدين الشوق تحته بجمرات الحنين
في طيوفك وان صحى كل شيٍ ينجلي

حلقت بي غفوتي في بلاد الحالمين
وشفتني بالحلم فوق السحاب المعتلي

شفت غاية شفي ومطلبي بين اليدين
حاجةٍ كبدي على شوفها تغلي غلي

وما صحيت الا على لوعةٍ فوق الجبين
من ظروف ايامنا والزمان الاولي

ما حدٍ من جور الايام في حصنٍ حصين
كم حصاةٍ حطها السيل من حيدٍ علي


# رامز

[رذاذ]

من أجمل مالآمس القلب ..

وشلـون انام ودمــعة العــين بالــعين ** محــدن ينام ودمعته وسط عينه

ينام مـــن لا ذاق فــرقـــى المحـــبين ** ولا حالـــو الحساد بينه وبيـــنه

ويسهر جريح القلب وملاطـف البين ** اللــــي فــواده والضماير حزينه

حمام ياللـي فــوق خـــضر البساتين ** جدد جروح اهل القلوب الفطينه

وش جاك حديتن على السهر ياشين ** ياشين نقضت الجـــروح الدفينه

ذكـــــــرتني ياورق ناسً بعــــــيدين ** وذكرتني ياورق موضــي جبينه

خليتن اســـهر والخــــلايق مريحين ** وخليتن ارجــــــع واتذكر سنينه

يامال فرقـــى العين ياقلــــبي الشين ** لدنات شـــيّن قـــام يرفع حنينه

وشلــــون انام ودمـعة العين بالعين ** محــــدن ينام ودمعةٍله بعــــــينه



للشاعــــر المبــدع

رعد الشمال

،؛،