محطة عبور ..~

[عابر سبيل]

محطة عبور ..~
ممحل الصمت .. يا غصن الكلام الندي
............... واول الغيث قطره .. من سحاب الشعور

كل ماشفت خيل الذكريات / تعدي
............... احسب الحلم واقف ، والأماني تدور

مير الأيام تاخذ .. والبساط أحمّدي
............... من حضوري غياب ومن غيابي حضور

مادريت الليالي .. تنزع وترّتدي
............... في يدين الزمن ، ثوب الحزن والسرور

لين شفت النهايه .. من قبل تبتدي
............... ترسم الصبح ظلمى ترسم الليل نور !!

صاحبي والقصيد .. وحرّفه الأبجدي
............... ما فتحني كتاب .. ولا كتبني سطور

لي عقل .. ماهو بغادي / ولا مهتدي !!
............... ولي صدر رحب .. لاضاقت وساع الصدور

ليت قاع الغرام .. من الجفا جرّهدي !!
............... كان ما تثمر جروحك .. وحبك يبور !!

صافحت غيمة الفرقا .. أصابع \ يدي
............... وآبلغ الصمت ، كلمه من لسان / الغيور

كنت مثل الثريا .. في عيون الجدي !!
............... صرت مثل المخافه ، في عيون الجسور !!

لا تقول المحبّه .. ليلها سرمدي
............... افتح ابواب عينك يوم ما أنت معذور !!

وخلّ دمعك على ..رمضى الفراق / يعدي
............... دامك اصبحت في عيني ( محطة عبور )

مما رآق لي

[Al-KHUSHAIBY]

صح لسانك اخي الكريم
مشكور على الابيات الرائعه
تقبل مروري

[عابر سبيل]

الله لايهينك على مرورك الجميل .. تقبل احتراااامي ،،

[سراب]

الله الله رائعة هالقصيدة وهي من اروع قصائد الشاعر
نايل الظفيري
تسلم يمينك على طرحها اخي صوت السويرقية

[عابر سبيل]

مرورك اسعدني أختي ( سراااب ) والله لايهينك على إضافتك القيمة.. فاااالك الجنة.