قصيد لشاعر الكبير بدر الحويفي [الأرشيف]

عبدالله السليمي 2011

2012-04-20, 09:56 AM

ارسل الشاعر ابراهيم الرديعان هذه القصيدة للشاعر بدر الحويفي والمقصد تعجيزه بهذه القافية الصعبة

يقول ابراهيم الرديعان

يـــا راكـــب الـلــي لا مــشــى مـاتـقــل يــــاط

مــــن سـرعـتــه خــطــه دواويـــــر وشــخـــوط

جــديــد مــــا حــمــل بــــه الـعــفــش وبــســـاط

الا ولا قــــالـــــو مـــــوضـــــب ومـــخـــطــــروط

مــراتـــبـــه مــخـــمـــل والارضــــيــــه ابــــســــاط

واشـعـار تويـوتـا عـلــى الـخـشـم مـحـطـوط

يـطــرب لـيــا مـنــه ضـــرب طـلـعـة الـغــاط

لا حــــس لا ونـــــه ولا صـــــوت عــرمـــوط

مــلــفـــاك بـــــــدر لـــيــــا هـــبــــا كـــــــل قـــنــــاط

قــبــل تـقـهــوى واجـــــب الـضــيــف مـلــيــوط

عـطـه الكـتـاب الـلـي كـتــب بـيــد خـطــاط

كـريــم سـبــلأ الــلــي لــــه الـقـيــل مـخـطــوط

قل ليا ضاق صدري جبت للنار ملقاط

وسـحـبــت لــلــي كـنـهــن صـيـغـتـه بــطــوط

وفـصـلـتـهـن تـفـصــيــل وزودتـــهـــن غــــــاط

حـديـدهـن صــافــي عــــن لــحــام وســقــوط

وشـبـيـت نـــار جـرمـهـا مـــن حــطــب راط

احسن من الصندل ورى سبعـة شطـوط

جــرم جــزل مـاهـو هــدب رمـــث شـعــواط

وسـويـت فنـجـال عـلـى الكـيـف مـضـبـوط

بــلــكـــي يـــبــــرد واهـــــــج بـالــحــشــا شــــــــاط

يــشــبــه لـــدافـــور لــــــه الـــغـــاز مــضــغـــوط

يــــوم ان كــــل فـــــي حـــــلا نـومــتــه غـــــاط

يـرقـد عـلـى طـولــه كـمــا الـســدو مـمـغـوط

عـيـنــي بـحـاجـرهـا تــقــل مـــــوس صــفـــاط

وجـفــنــه تــقـــول مـلامــســه ظــفـــر شــبـــوط

جيت الطبيـب وقـال لـي ويـش بـه حـاط

فــــــي داخـــلـــي عــيــنــك دواويــــــر ونـــقـــوط

وقلت هذا لها مدة شهـر صابهـا احبـاط

تـسـهــر ودمـعـاتــه تــقــل وصـــــف لاقـــــوط

اسـبـابـهــا الــلـــي لــفّـــت الــــــرأس بــمــشــاط

بـالـمــســك والــريــحــان والــــــورد مــمــشـــوط

تــقـــول خــاطـــي فــيــضــة ريــحــهــا عــــــاط

ريـــح الـنـفـل مـــع فـايــح الـشـيــح مـخـلــوط

لاهــــــــوب دعــــبــــول ولامــحـــزمـــه غــــــــاط

زولـــــه كــمـــا الــبـــردي لــيـــان وشــمــحــوط

عــيــن الــغـــزال مــذيـــره صـــــوت مـخــبــاط

حــبــالــه الـــلـــي يــنــقـــل الــمــلـــح بــمــشـــوط

بطن العسيـف ان جهـزت قبـل الاشـواط

الـفــوز بـــه مـضـمـون فـــي تـالــي الـشــوط

ولا شـــربـــت الـبـيـبـســي بـــكـــوب وشـــفـــاط

تـشــرب مـــن الـشـوكـه مـطـعــم ومـشـمــوط

ولا تـــلـــبـــس الـــكـــرتـــه تـــحـــزمـــه بــــفـــــراط

تـلــبــس لـــبـــاس اول مــفــصــل ومــخــيــوط

يـــــا بـــــدر حـاكـيـتــه وانـــــا مــنـــه مـحــتــاط

وخــــــلان مــــــن غـــيـــره مــكــبــل ومـــربـــوط

هــرجـــة لـطــيــف مـــــا يـقـاطــعــك بـــغـــلاط

قـرض العسـل مـع صافـي الـدر مخـلـوط

الــــــذ مــــــن طـــلـــع الـصــويــلــي بـمــحــبــاط

تــــــــوّه مــــــــن امــــــــه لـلـمـشـاكــيــل مــلـــقـــوط

مـاهــومــن الــلـــي هـرجــتــه ســلـــك مــغـــاط

يـعـطــي كــــلام وبــاقـــي الــهـــرج مـنــطــوط

ما اذكـر لنـا مثلـه علـى عصـر الانبـاط

الــــلــــي مــنــازلــهــم ورا الــنـــيـــل وأســــيـــــوط

أقــفــى وكــنـــه يــضـــرب الـقــلــب بــاســـواط

أعـطــان هـــرج وتــالــي الــهــرج مــشــروط

عـلـمــي بــهــا يــابــدر فــــي نــزلــة اشــبـــاط

غـــرب عـنــه مـوقــق شـمــال عـنــه شـــوط

مـــدري مــــع الــلــي حــــدروا يــمــه الــشــاط

اوهـــــم مـــــع الــلـــي ســنـــدوا يــمـــة الــغـــوط

مـحـتــاج فـزعـتـكـم تــــرى طــحـــت بـــــوراط

الـــحـــال نـــشـــت كــنــهــا الـــشـــن مـــقـــروط

حـالـي مـــن اسبـابـهـا بـــدت تـقــل مـخــاط

ومـــن قـبــل عـرفــي لـــه مــريــح ومـبـســوط

وصـــلاة ربـــي عـــد مــــن شــــاف دمــيــاط

عــلــى مـحـمــد عــــد مــــن لــبــس مـخـيــوط

ورد الشاعر بدر الحويفي بهذه القصيدة على الشاعر ابراهيم

يـــــوم الـمــولــع واق فــــــي راس شــمــحــاط

حـــوّل عـلـيـنـا مــــن جــبــل طــــي بـمـقــوط

حــاديــه مــــن حــــب العـمـاهـيـج مـخــبــاط

الـــــلــــــي بــحـــرهـــن لـلــعــشــاشــيــق زاروط

الـــــلــــــي نـــبــــاهــــن لـلــمــعــالــيــق مـــــعــــــاط

ونـظـراتــهــن تـــرســـل عــبــاريــد ومـــشــــوط

صــبــن عــلــى قــلـــب الـرديــعــان زقـــــلاط

ودارت بـه المـكـره عـلـى سـيـر مشـحـوط

واســنــد عــلــى ابــيــات جــــزلات وانــشــاط

مـثــل الـذهــب واحـــد وعـشـريـن مـشــروط

عـمــلــة ذهـــــب مــاهـــي دنـانــيــر وانـــــواط

مـــن شــاعــر مــاهــو بـالامـثــال خــربــوط

وسـكّـر عـلـى الـطـاروق ضـبّـه وصـقــاط

حيـل الله اقــوى كـيـف بــا احـتـال وانــوط

حـــــي الــجـــواب الــلـــي مــحــنــط تــحــنــاط

جــــا مــــن ابـراهـيــم الـرديـعــان مـصــفــوط

هــــــــدّف وتــهــديــفـــه طـــريـــقـــة تـــشـــطـــاط

والــلــي عــطــاه الــــراي رجّــــال مـضــبــوط

خـطـط لــه الخـطـه مــن الـنــاس خـطــاط

قــصـــده يــســـدد كـــــل الانــفـــاق ويـــحـــوط

وافـــــق وركـــــز لـــــه قـريــحــه بــحـــرف اط

وشـــــاور شــويـــره واسـتــشــاره وقـــــال اوط

لــــــقــــــط عـــنـــاقـــيـــد الـــقـــريـــحـــه تــــلــــقــــاط

وخلى غصون من الورق بيض وملـوط

واخـــذت مع دربــــه عــلــى الــشــوف مــشــواط

عـسـاي احـــوز رضـــاه ويـكــون مـبـسـوط

وانـــا مـعــه جـنــدي وهـــو صـــف ضـبــاط

تحت الاوامر لو حصل ضغط ضغوط

مـــــــا دامـــهــــا لــعــبـــة حــــويــــلا ومــــزقــــاط

مـانـي مـــع الـصـاحـب قـصــاوي ولابـــوط

مـهــمــا حـــصـــل بـيـنــنــا مــــــزح واغــــــلاط

الحـبـل مـاهـو بـيـن الاصـحـاب مـمـغـوط

عنـهـا ابتـعـد بـعـد الجـزائـر عـــن ارهـــاط

مـــانـــي مــثــيـــر اســـبــــاب ومـعـقـداخــيــوط

هــــــــــذا وبـــــارســـــل لــلــرديـــعـــان خـــــيـــــاط

يخـيـط قـلـب مــن قـسـى الـحـب مشـعـوط

العـاشـق الـلـي فــي بـحـور الـهـوى غـــاط

قــلــبــه لـــيـــان ومــــــن كــراســيـــه مــمــعـــوط

شـــايـــب وقــلــبــه بــالــولــع ســـلـــك مـــغـــاط

مـــــن شـــــوط تــيـــار الـغـنــاديــر مــشــلــوط

وعـشـقــه خــطــاالله لا يـصــلــط تــصـــلاط

كــيــف الـغـنــاوي حـالــتــه حـــــال مــزنـــوط

مــــــــادام لــــــــه مـــلـــفـــا ومـــثـــبـــأ ومــــقـــــلاط

عـبــيــر نــجـــد وعـنــبــر الـــشـــام مــخــلــوط

يلـعـب عـلــى حبـلـيـن وافـــراش واصـمــاط

كــلــش جــديــدولا بــهــن هــمــل واصــفـــوط

ثـنـتـيـن عــنـــده يـعـمـلــن كــحـــل وامــشـــاط

عــفــايــفــن مــالامـــحـــن كــــــــل شــمـــحـــوط

لـــــــو يـسـمــعــنــه ولــــعــــن فــــيــــه شــــخــــاط

وتــنــاوبــنــه بــيــنــهـــن قـــــــــرص وعـــــــــروط

قـــــامـــــن عـــلــــيــــه وشــلـــطـــنـــه تـــــشــــــلاط

ياشيـنـهـن عـنــد الــزعــل مـوطـهــن مــــوط

وعـيـالــهــن مــعــهــن بـعـصــيــان واســــــواط

حتى الصغير اللي على الديد زعطـوط

يـــابـــوحـــمـــد بــــــالــــــك تــــــفــــــرط تــــــفـــــــراط

اقــنـــع بـــرزقـــك وانــــــت رجــــــال مــغــبــوط

خـــــــل الهــــــــوى لــــلــــي يــفـــحـــط تــفـــحـــاط

يــطــيـــح مـــــــع دربـــــــه كـــفــــراط وجـــنــــوط

حـذف الحـصـى قـفـوه تـقـل حــذف نـبـاط

ومــــن الـحــيــا وجــهـــه مــجـــرد ومـقــشــوط

الـــلـــي لا مـــنـــه شـــبـــع بــالــهـــوى شـــــــاط

عـشـقــه مــــع الــحـــارات لــفـــات وفــحـــوط

عــشــقــه خـــيـــال وفـــيــــه رجّـــــــه وخـــــــراط

عـقــلــه نــمـــط سـيــكــل مـسـامـيــر وبــلـــوط

لـــــــو يــازنـــونـــه مــــــــاوزن ربــــــــع قــــيــــراط

مــثــل الــــذي ريــشــه بــــه ارنــــاق ونــقــوط

الـــلـــي عـــلــــى روس الـمــراقــيــب نـــغــــاط

يــطــيـــر ويــــوقــــع عــــلــــى راس زربــــــــوط

والا انــت صـاحـب عـــرف راوي وفـقــاط

ســــبــــاح بــبـــحـــور الـعــمــالــيــق وتــــغـــــوط

مـأنـتــه وغــــد تـعــطــى حـــــلاوه وشــقـــلاط

الــعــرف لــــه عــنــدك مــطـــارات وهــبـــوط

بـالـعـرف لـــك قـيـمــه وبـالـشـعـر عــمــلاط

وبالـطـيـب مـنـهـاجـك بـالامـجــاد مــربــوط

شـاعــر وعـنــدك ذوق لاشـعــار الانـبــاط

لا تـخـتـبــرنــي مـــــــع مــلــفـــات وخـــطــــوط

خــــل الـسـوالــف بـنـنــا بــصـــط وابــصـــاط

الــعــقــل كـــنــــز وذارف الـــحــــب مــلــقـــوط

والــنــاس كــــل لــــه مـحـيــط بـــــه امــحـــاط

الــمــتــزن والـــلـــي مــــــن الــعــقــل مـــفـــروط

وتـرى الثقـه بالنفـس مـن خيـر الاشــراط

وكــــــلٍ حــســابــه فــــــي ســجــلــه ومــفــقــوط

أتمنى إني أفدتك
واعتذر إن كان هناك أي خطأ في القصايد بحثت وهذا ما وجدته بأكثر من موقع
تحياتي لك