كذب العود.......

[نديم المجره]

لكل فعل رد فعل مساوٍ له في المقدار ومضاد له في الاتجاه ..
الـكـذب شـيـنٍ وكـذب الـعــود = كــذبٍ عـلى غـيـر مـنـهـاجـــي
يحـلـف بالله قـلـيـل الـــفــــود = يحَـسـبَـنــا الــيــوم حــجــاجـي
عسى النحس بالنحر معـقـود = وعسى المرض بالحشى لاجي
عــسـاه مايـهــتــنـي بالــزود = ويـعـيـش بالعـمـر مـحـتـاجــي
لعـل يـسـري بجـسـمـه الدود = دودٍ على الـجـسـم دواجـــــــي
يارب اشوف باليديـن اقـيـود = وزودٍ على الـقـيـد مـزلاجــــي
انا مانـي باطـيـب الـمـوجـود = ولانـي بعـد اسـوأ الـنـاجــــــي
انا وسـط والـوسـط محمــود = مابـيـن الاثـنـيـن يـنـعــاجــــي
مايلحـقـن لعـن ابـوك منقـود = على الـنـقا مـشـعـل اسـراجـي
ظـلـمـتـني ماتـخـاف الــقــود = مادامـني بالـدعـاء شــاجـــــي
والله لادعـي دعــا الـمـلهــود = مـن شــرقـته لين الادلاجـــــي
وادعـي عـليـك الله الـمعـبـود = مـن غـيـبـتـه لين الابلاجـــــي
والله لادعــي بـلـيـا حــــــدود = لانـي بهــايــب ولا راجـــــــي
يالله طـلـبـتـك كـريم الــجــود = أشـف الغـليل قـبل الادراجـــي
احمد بن عبدالرحمن العريفي

(نديم المجره)

[سراب]

لاحول ولاقوة الا بالله
باين عليك مغبون يانديم المجرة
ربي يفرج همك
وحسبنا الله ونعم الوكيل تكفي
حققت نظرية نيوتن بقوووة من خلال هالابيات الجزلة
تسلم يالطيب

[ام الدانه]

ظـلـمـتـني ماتـخـاف الــقــود = مادامـني بالـدعـاء شــاجـــــي
والله لادعـي دعــا الـمـلهــود = مـن شــرقـته لين الادلاجـــــي
وادعـي عـليـك الله الـمعـبـود = مـن غـيـبـتـه لين الابلاجـــــي
والله لادعــي بـلـيـا حــــــدود = لانـي بهــايــب ولا راجـــــــي
يالله طـلـبـتـك كـريم الــجــود = أشـف الغـليل قـبل الادراجـــي



اللهم آميييين وينصرني على من ظلمني

قصيدة راااائعه راااائعه وكلمات جزلة صـح الله ونصرك على من ظلمك

تحياااتي لك

[غانم الضومري]

تسونامي هناك وتسونامي هنا
(نسأل الله أن يهدي من روعنا)

الظلم بين البشر معبود () والكذب وسط البشر لاجــــي

واللي كذب واحدٍ مقرود () يوشوش النــاس ويناجــي

أشره على الشايب النمرود () اللي عن الصدق منعاجي

هذاك يشبــه قليل الفــــود () وجهــه كما قاعــت الصاجي

يمكن تورط بدون حدود () ولاله عن الكذب مخراجي

إخلق له العذر والمردود () ولا يحس غيره بالاحراجي

لا تشعره إنك الملهـــود () والصبر من وال الافراجي

أنا أعرف إنه ما غير رعود () تصرقعت فوق الافلاجي

أنا معك والقلم موجود () من يزعجك يقصد إزعاجي

سير على المجلس (الامشهود) .. أسبقك واولع سراجي


تحيتي

[سمو المشاعر]

صح لسانك تعبير عن معاناة قوية يسلم بوحك وكلك لاهنت

[سآهر الليل]

شكرا لك أخي نديم
هجينيه (كسره ) لكن عليها بعض الملاحضات بالوزن في بعض الابيات
لم استقصد هذا الرد لكن انا من عشاق الكسرات
دمت بخير وصحه

ســـــــــاهر

[عبدالمحسن الرحمه]

صح السانك شاعرنا الغالي *****

[فهد المفرج]

يدعو عليك و عين الله لم تنم

اذا انت مظلوم مالك لايم و الله يفرج همك

و يكفيك ظلم الظالمين

تحياتي

[ابن حماد]

راع الوفاء دايمن محسود ,,,,,,,,,,,, مافيه متفـــــــوق وناجي
مير الصبر بلسـمٍ محــمود ,,,,,,,,,,,,, صفة هل الجود وعلاجي
وما ثوابه ماهو مــحدود ,,,,,,,,,,,,, للعبد لصـــــــار محتاجي

قصده جزله من شاعر جزل صح لسانك يانديم المجره
تقبل تحيتي وتقديري

[محمد المطيري]

ظـلـمـتـني ماتـخـاف الــقــود = مادامـني بالـدعـاء شــاجـــــي
والله لادعـي دعــا الـمـلهــود = مـن شــرقـته لين الادلاجـــــي
وادعـي عـليـك الله الـمعـبـود = مـن غـيـبـتـه لين الابلاجـــــي
والله لادعــي بـلـيـا حــــــدود = لانـي بهــايــب ولا راجـــــــي
يالله طـلـبـتـك كـريم الــجــود = أشـف الغـليل قـبل الادراجـــي

اللهم انصرنا على من ظلمنا الظلم يأخوان ظلمات يوم القيامة

[ذيب آجا]

صح لسانك..والله يكفيك شر الناس..وصح لسان ابو سامي

[نديم المجره]

اخواني واخواتي
شرفني مروركم
واسعدني ثنائكم
الله يسعدكم
تحياتي

[راع العرض]

صح لسانك اخوي نديم الجرة ابيات رائعة من شاعر قوي ولا لك لايم

[نديم المجره]

تسونامي هناك وتسونامي هنا


(نسأل الله أن يهدي من روعنا)

الظلم بين البشر معبود () والكذب وسط البشر لاجــــي

واللي كذب واحدٍ مقرود () يوشوش النــاس ويناجــي

أشره على الشايب النمرود () اللي عن الصدق منعاجي

هذاك يشبــه قليل الفــــود () وجهــه كما قاعــت الصاجي

يمكن تورط بدون حدود () ولاله عن الكذب مخراجي

إخلق له العذر والمردود () ولا يحس غيره بالاحراجي

لا تشعره إنك الملهـــود () والصبر من وال الافراجي

أنا أعرف إنه ما غير رعود () تصرقعت فوق الافلاجي

أنا معك والقلم موجود () من يزعجك يقصد إزعاجي

سير على المجلس (الامشهود) .. أسبقك واولع سراجي


تحيتي

الله يسعدك ياغانم
مجاراة اروع من قصيدتي ب1000مره
وبعد ماقريت قصيدتك
طاحت قصيدتي من عيني
وخاصه اخر ثلاث ابيات
قمه في الروعه
وانا افضل تنزلها في موضوغ مستقل
لانها حرام تندفن بين الردود
لله درك وصح لسانك ياشيخ/غانم
تحياتي القلبيه لشخصك الكريم

[فهد الشمري]

نديم المجره صح لسااانك اخووووووي

[نديم المجره]

صح لسانك اخوي نديم الجرة ابيات رائعة من شاعر قوي ولا لك لايم

صح قلبك لاهنت
نديم المجره وليس الجره
الله يسعدك
تحياتي

[نديم المجره]

نديم المجره صح لسااانك اخووووووي
صح قلبك لاهنت
الله يسعدك
تحياتي