اقفيت ياغانم اوخي الجباري

[ابن حماد]

هذه الابيات موجهه لشاعرنا ابو سامي

اليــــــوم زرت اديارنا يابن ثــــاري
سقت القدم والعين ساقت نظـــــرها

بين الجبال الشــــــــاهقه والخباري
وغر المــــــزون اللي بردها باثرها

شوف البرد والسيل وسط الصحاري
ومنابتٍ تـــــــــوه جديدن زهــــــرها

مع شوف قطـــــعانٍٍن عليهن مواري
اهلالهن من دون عــــــدة قمـــــرها


انا وخوي من فـــوق ربعٍٍٍٍن سفاري
والجرمني به خمس عــــد ابنحرها

ونزلت عزبتنا واشــــــــبيت ناري
وحكرت لي فنجال من ماء مطرها

في مشرفن مايل على جال جاري
من منظره روحي اسروره غمرها

واقفيت ياغانم واخي الجبــــــــاري
تعرض لي الذكرى مفاتن اصورها

[غانم الضومري]

صباح الخير .. اخوي هماليل المخيل
رأيتك في منامي .. وفتحت جهازي
فوجدت أثرك هنااا ..
أستبيحك عذرا .. إسمح لي أن أكمل بقية الرؤيا ..
لي عوده بإذن الله ..
تحيتي

[ابن حماد]

صباح الخير .. اخوي هماليل المخيل
رأيتك في منامي .. وفتحت جهازي
فوجدت أثرك هنااا ..
أستبيحك عذرا .. إسمح لي أن أكمل بقية الرؤيا ..
لي عوده بإذن الله ..
تحيتي

صباح النور والسرور يابو سامي ورؤيا خير ونتواجه ان شاء الله باليقظه على الاخاء والمحبه في لله
دمت يخيروعافيه

[غانم الضومري]

شكرا هماليل المخيل ..

الله على اللي يوم طب البراري
خلى القريحه تنفجر وش فجرها ؟

الشاعر اللي للمطاريش ضاري
لا شاف نوض البر يلحق مطرها

مدري ورى ذوقان والا امباري
وسم المليحا شع باسفل ظهرها

والنعم فيهم كل ما حل طاري
أهل الكرم والجود كلٍ ذكرها

لو اهنيك شفت نقع الخباري
وجليت عن نفس المعنى كدرها

يا ما حلى ياخوك قنص الحباري
يازينها لا صدتها مع ذكرهـــا

ياما توزعنا نقص الاثــــــاري
وياما تسلينا نتوبع أثرهـــــا

لو جيتنا تاكل صدور القماري
أبشر بكبسه غانم اللي حكرها

واذا انتهى المقناص نركب هواري
مقناصنا الناجـــــل بغبة بحــرها

ولا اشتدت الكنه تركنا المــــذاري
وعلى الجبال اللي توارف شجرها

يصدح بها الشادي بعز الظهاري
وغمــــازةٍ سبحان منهو حفرها

همسه محب .. أنت شاعر متمكن ، حرام عليك تضيع قصائدك وأفكارك تحت إسم مستعار .. لقد عانيت من ذلك كثيرا .. أرجوا أن تكتب إسمك تحت اسم معرفك .. شعرك يجمل إسمك ولضمان حقوقك !
تحيتي

[خالد اللهبي]

هنا الابداع
من جد هنا الشعر ارتكى على قمتين
لاتعليق اقراء واعيد بصمت

[ابن حماد]

شكرا هماليل المخيل ..

الله على اللي يوم طب البراري
خلى القريحه تنفجر وش فجرها ؟

الشاعر اللي للمطاريش ضاري
لا شاف نوض البر يلحق مطرها

مدري ورى ذوقان والا امباري
وسم المليحا شع باسفل ظهرها

والنعم فيهم كل ما حل طاري
أهل الكرم والجود كلٍ ذكرها

لو اهنيك شفت نقع الخباري
وجليت عن نفس المعنى كدرها

يا ما حلى ياخوك قنص الحباري
يازينها لا صدتها مع ذكرهـــا

ياما توزعنا نقص الاثــــــاري
وياما تسلينا نتوبع أثرهـــــا

لو جيتنا تاكل صدور القماري
أبشر بكبسه غانم اللي حكرها

واذا انتهى المقناص نركب هواري
مقناصنا الناجـــــل بغبة بحــرها

ولا اشتدت الكنه تركنا المــــذاري
وعلى الجبال اللي توارف شجرها

يصدح بها الشادي بعز الظهاري
وغمــــازةٍ سبحان منهو حفرها

همسه محب .. أنت شاعر متمكن ، حرام عليك تضيع قصائدك وأفكارك تحت إسم مستعار .. لقد عانيت من ذلك كثيرا .. أرجوا أن تكتب إسمك تحت اسم معرفك .. شعرك يجمل إسمك ولضمان حقوقك !
تحيتي


اشكرك اخوي غانم على هذه الرائعه التي تكتب بماء الذهب

اعداد ماتذري هبوب الذواري
او عد ماتظلم ويسفر سفرها

او عد مايخطربالافكــــــار طاري
ترحيب صادق بالعدد ماحصرها

في نظم قيلن بختصاص استشاري
اصفاء من الجــــوهر بغبة بحرها

عزالله اني يابيض الوجه داري
انك اليا وصــــيت جبتم خبرها

معانين تشبه سهوم السواري
عن الهدف رمايها ماقصرها

تصيب ماتخطي بتوفيق باري
القايــــــــده يطشـــه لا سبرها

ماهي لكم ياعزوتي بالمحاري
سند لما تاصل محاري اديرها

الديره اللي فيه سبع الضواري
اللي تمكن بالعقــــــول وابرها

ليته على كيفي وحسن اختياري
اليد قصيره والعيون ابصرها

[غانم الضومري]

على المحبــه نـلتــقي بالبــراري
الله يطول عمرشيــــــخٍ عمرهــا

قمّة حضاره فوق عرش الصحاري
عمالقه بالطقـــس واضح أثرهـــا

حيــــاك ربي يا زعيم الضـــواري
دفانــــة الركبه كفالله قشـــــــرها

خـــل القلم سيفـك يهـز الصواري
واكتب عن الاحداث واخر خبرها

لو الله إلا طال وقت إنتظـــــاري
إلى متى بشار مشعل خطرهـا؟

.....

تحيتي وتقديري لك أخي هماليل المخيل

ولكم أحبتي الشكر والتقدير والعرفان

تحيتي

[ابن حماد]

هنا الابداع
من جد هنا الشعر ارتكى على قمتين
لاتعليق اقراء واعيد بصمت

اهلا هلا في شاعرن له مكانه .... له موقعن مرمــــــوق بين الكواكب
اللهبي اللي من نوادر زمـــانه .... غــــواص بالــــــــــــجه بليا مراكب
شهادتك طول الليالي ضمــانه .... من فوق راسي موضعه و المناكب

[غانم الضومري]

هماليل المخيل شكرا على تواجدك المثمر والثري ، أنت مكسب للبراري



شاعر مميز يستحق الإشـــــاده .. سرعة بديهه يفهم اللي تخبيه
أنا أشهد إنه يستحق الشهـــاده .. حطه على يمناك لازم تخاويه
الصقر ما عابه غطا الراس زاده .. حتى البريقع فوق راسه يحليه

تحيتي

[ابن حماد]

اشكر ولي الكون سر وجهاري
الخالق المعبود محصي بشرها

مجري في الابحار سفنن جواري
اللي على المعصوم نزل اسورها

ثم الشكر موصول لهل البراري
ذيك الفهود اللي جميله اسيرها

احمد روى وايضا رواه البخاري
من لا عرف حق العباد واشكرها

مايشكر اللي للمـــــخاليق باري
اللي خلق كل النفوس وانشرها

ثم الشكر للضومري واعتذاري
رع الكنوزاللي تشادي ادررها

كنزن يفوق اكنوز بنك تجـــاري
والى هنى ياحبتي نختصـــــرها

وصلوا على المختار ماهب ذاري
شفيع الانفس يوم يشخص بصرها

[غانم الضومري]

صح لسانك هماليل المخيل ..

هذا عقال الشـــعر رزه على الراس
تستاهل أهديك تاج الشعر يالغالـــي

إعزف من المعنى وانا إدق مرواس
إشلع بصوت يلاحن صوت موالي

تعبت أهيجن لحالي فوق الاطعاس
تعال ونس وحيدٍ مالــه الوالــــي

الله يرحمك ياسامي ويا دباااااس
ما فيه لحظة تفوت إلا على بالي

من بعدهم كل وقتي مابه أوناس
صحيح معكم وكني بالخلا الخالي

لا زارني طيفهم يسري بي الهوجاس
ياويل قلبـــــي عليهم عزي لحـــالي

فضفضت مدري علامي ليش منحاس
من يوم شفتك مقفــل زر جــوالي

لي عوده بإذن الله
سبحانك اللهم وبحمدك

[سمو المشاعر]

في معركة شبهتها بالصواري
غانم وهمــال المخيل ابتدرها

صح الله السنتكم حقيقة وجدنا شعر يدرس ستك وحبك معاني جزلة
لايجيدها إلامن هو في مستواكما لله دركما اسعدتمونا اسعدكم الله
ونطمع في المزيد لاهنتو

تقبلوا مروري واعجابي الشديد

[ابن حماد]

اعداد ماحرك الاغصان نسناس
واعد ملاح برقن وســط همالي

يامرحبا بالذهب والتبر والمـــاس
ببيوت شعرن كما لياقوت وجزالي

شكيت ليه وانا بالحيل حســــــــاس
وضيقة بالي وانا من قبلها ســـــالي

العين من بعدها ما حافها النــــعاس
جادة بدمعن على الخدين سيــــــالي

من عاش فيها لابده يشرب الكـــاس
علقم مراره ينسي لذة الحــــــــــــالي

ترى الرضا بالقضاء بلسمم عن الباس
والله وعد من صــــــبر بالمنزل العالي

في جنتن عاليــــــــــه تنعم بها الناس
اللي نزلها نزل يـــــــاوي مـــــــنزالي

وإلا الدنيه ترى من نوح وإليــــــاس
طبعه غــــــدر مالهـــــا لول ولا تالي

[غانم الضومري]

شكرا هماليل المخيل .. وسعت صدري ، ولاهي غريبة عليك
ولكني ..

جهزت لي صندوق عزبه مرتّب
جميع ما يطري على البال موجود

أنـا خـويي بالمراجل تهــذب
وريث شيخٍ جابها أصلاً عن اجدود

ياخذ ويعطي بالقصايد مؤدب
يعجبك هادي طبع ماهو بمقرود


صدره شمالي بالمخاوى مجـرب
فيه الكرم والطيب والنبل والجود

.
.
تحيتي

[ابن حماد]

شكرا هماليل المخيل .. وسعت صدري ، ولاهي غريبة عليك


ولكني ..

جهزت لي صندوق عزبه مرتّب
جميع ما يطري على البال موجود

أنـا خـويي بالمراجل تهــذب
وريث شيخٍ جابها أصلاً عن اجدود

ياخذ ويعطي بالقصايد مؤدب
يعجبك هادي طبع ماهو بمقرود



صدره شمالي بالمخاوى مجـرب

فيه الكرم والطيب والنبل والجود

.
.
تحيتي





انته ومثلك يابيض الوجه مكسب
مثل التجاره معرفة صاحب الجود

وخلاف ذا مالي اهواية ومطلب
دنيا بها متساوى النقص وزود

لاطامـــــعن فيها ولاني محسب
الا بطاعة مجري السحب ونود

اللي عصاه وصد غــاب وتعذب
واللي يطيعه فاز في كل مقصود

تحيتي مالاح برقن وماصــــب
امكلله بالورد ومعــــطره عود

[ابن حماد]

في معركة شبهتها بالصواري
غانم وهمــال المخيل ابتدرها

صح الله السنتكم حقيقة وجدنا شعر يدرس ستك وحبك معاني جزلة
لايجيدها إلامن هو في مستواكما لله دركما اسعدتمونا اسعدكم الله
ونطمع في المزيد لاهنتو

تقبلوا مروري واعجابي الشديد

صح بدنك ياسمو المشاعر ولا عليك زود يالغالي

مرتك زاير ياســـمو المشاعر ........ اضفت على صفحاتنا طابع الود
كاتب ومركز للحقايق وشاعر ....... تحية مــــــــهداه مع باقة الورد
تحيتي وتقديري لشخصك الكريم