~~ بين مزحي وجدي ~~

[تناهيد]

قصيده مؤثره من واقع عاشته الشاعره حنان العجمي

ماعدت اميّز بين مزحـي وجـدّي
والبارحه شفت الوضع فـي تـردّي

ماني على بعضي واعاني من ارهاق
امن الغثا وصّلـت يابـوي حـدّي

الناس ترقص فـي فرحْـك وتغنّـي
وأنا أصفّق والدمـع فـوق خـدّي

وقّفت ابرقص لك وفليـت راسـي
مثّلت فرْحي غصب ماهـو بـوّدي

كنت آتمرجح بين حزنـي وخوفـي
تعـدّت الأسبـاب حيـلات يــدّي

لا تلومني وإن بان ضيقـي عليّـا
لا الجزر جزري لا ولا المد مـدّي

مالي جدى ياكـود أشتـال بعضـي
والبعض الآخـر أتركـه للتحـدّي

مابيـن يتـم وحاجتـي للتنـفّـس
أو أستر جروحي ولا ابيـح سـدّي

يالله ياللـي تعلـم أسـرار تخفـى
ثوب الحزن ماعـاده اليـوم قـدّي

فرّج علي مـن ضيقـة ٍ جرهدّيـه
خل الظروف القاسيه بـس تعـدّي

أمي وراحت ألـف رحمـه عليهـا
ومن قبلها راحوا غوالـي وجـدّي

هي سنة الدنيـا كـذا ماأعترضهـا
لكن ّ من حرّ الولـه كيـف أهـدّي

يابويْ شف من عقبها شان لونـي
واللي بتجي للزومنـا مـا تسـدّي

ان قلت ابسكت عاث فيني حريقـي
وان جيت ابحكي وش بقول وابدّي

لا عاد تسأل خاطري ليـه ضايـق
أخـاف تزعجْـك الحقيقـه بـردّي

حاولت أغنـي لكـن القلـب عيّـا
واللي فضحني دمعة ٍ فـوق خـدّي

http://www.youtube.com/watch?v=E2vvJ8c52aI

[سراب]

لاحول ولاقوة الا بالله
اليوم كل ما افتح موضوع يحزن
حطمتني هالقصيدة مشكورة عالانتقاء
يا تناهيد مبارك اللقب الجديد

[حـــــارب]

أختيار ذووق كما تعودنآ منك
لاهنتي يآمتألقه,،’

[الركام]

مشكورة تناهيد على النقل
اختيار جميل

[سمو المشاعر]

أحسنتِ الاختيار قصيدة معبرة لها معاني عميقة معاناة حد الآلم صح لسان القائله وسلم بنانك

[تناهيد]

سراب
عنيد جهينه
الركام
سمو المشاعر
http://www2.0zz0.com/2011/07/16/23/665571352.gif

[ابو سلطان العتيبي]

يابويْ شف من عقبها شان لونـي
واللي بتجي للزومنـا مـا تسـدّي


تسلمين اختي تناهيد
على حسن الاختيار
وصح لسان شاعرتها
ودي واحترامي
-

[Al-KHUSHAIBY]

يعطيكي الف عافيه على الاختيار
مشكووووووووووووره

[تناهيد]

ابو سلطان
الخشيبي
http://www2.0zz0.com/2011/07/16/23/665571352.gif