شاعرنا القدير ( غانم )

[عبدالمحسن الرحمه]

بسم الله الرحمن الرحيم

شاعرنا القدير ( غانم )


جتني رساله من كريم الرجالي
عنوانها نبغاك في قسم الأشراف
و الله يا غانم كريم السبالي
ودي ولاكن دارني الوقت بخلاف
أشكرك يا وافر جزيل الخصالي
قولت هلّ المغرب لك القدر بزاف
مرسالكم يبن الصقور العوالي
يبقى بصدري واذكره دوم بسراف
يبن الرجال اللي يحب المعالي
ياللي بكم يا شيخنا عدة أوصاف
فيك الكرم دايم عريب الخوالي
من نهر خيرك كلنا منّه غراف
فيك التواضع و العلوم الجزالي
مزنة فضايل كم على الصدر هتاف
هذي بيوتي قلتها بعتجالي
في صاحب المعروف للخير عساف

بزاف كلمة مغربيه تعني الشي لكثير الزائد عن حده

[غانم الضومري]

الله الله .. ماهذا يا أبا مالك
يبدو أن الإشراف زاد من قدراتك الشعريه .
كنت أعتقد أنك ستنشغل !! إسمحلي بمحاولة المجاراة ..
.....

حياك ربي كثــــر ما انتـه ابالــي
ياحبني للي كما الشاش شفاف

يشبه وضوح الشمس وقت الزوالي
تقراه ماهو صعب واضح بلا غلاف
....
مشكور ما قصرت ياراس مالي
تكليفكم تشريف للوزن والقــاف

أغليه كنّـه واحـــــدٍ من عيالــي
لو قلت له قداام يقـدم ولا يخاف

ولا يلتهي عنا بجمع الرياالـــــــي
نومه هنا مرتاح عاشق وميلاف

أنته كذا ما اظلمك بان الحلالي
مافيه قسم إلا تزوره وتنشاف

مثل الردار اللي عليه إتكالي
(ماهو ردارٍٍ لا لمح برق خواف

رادار جده يوم شاف الخيالي ..
أصبح مثل ردار مطلق ونواف )

خلاص يامشرف عطيتك عقالي
حطه على التوقيع رزّه للاشراف

راي الإداره صح وأنته مثااااالي
وحنا معك وارقى على كل الاكتاف

يستاهل التقدير من كان غالــــي
ويستاهل اللي للخوي ستر والحاف

تحيتي وشكري لك يا أبا مالك
و لكم أحبتي المحبة والتقدير

[الركام]

صح لسانك ابومالك وصح لسانك ابو سامي
وكفو وتستاهلون

[سمو المشاعر]

صح لسانك عبد المحسن وصح لسانك غانم وتستاهل كل خير وانت اهلاً لذلك
بالتوفيق

[غانم الضومري]

أخوي عبدالمحسن إن أردت أن تنقلها إلى ملتقى شعراء البراري من غير الردود .. وسوف ننسخ ردودنا ونشارك فيها في الملتقى .

حاول تضيف حرف الألف في كلمة باعتجالي
هذي بيوتي قلتها بعتجالي
في صاحب المعروف للخير عساف
لتكون
هاذي بيوتي قلتها باعتجالي