دلّـــــة عميّــــــــا .. مقارنة الامس بالحاضر

[خالد بن منشار]

ياما حلا الطــــــاروق لا من تهيّا


ببيــــــــــــــات جزلاتٍ ثقال وعراضي



على صــــــــــــــباح ٍ فيه دلّة عميّا


عجوزة ٍ تحـــــــــــــــمس بليّا اعتراضي



تزيّن القــــــــــــــــــــــهوه بتيّا وتيّا


والخبز فوق الصــــــــــاج له قلب هاضي



ياحلو عيشتــــــــــــــها وذاك المحيّا


رغم العــــــــــــمى قالت لي القلب راضي



هي مبـــــــــــــصره بالقلب لو ما تريّا


من طــــــــــــــــيب نفسٍ زايد الفوح ناضي



وامّا بنات اليـــــــــــــــــوم لا شي وشيّا


تصحى بعيدالعـــــــــــــــــصر تبغى مقاضي



تحْت ظلال الســــــــــــــــــوق دايم تفيّا


خساير ٍ فيــــــــــــــــــــــها ولا به عياضي



من مهرها مــــــــــــــكوي وزادتك كيّا


وش فايدتها لو بوســــــــــــط الفياضي



ماغير تطلب كلّ ما جيــــــــــــــــت هيّا


هيّاحبيبي دامك اصبــــــــــــحت فاضي



قم وافتح الجيبـــــــــــــــــين يابو محيّا


وابسطذراعك فرض مــــاهو افتراضي



مجبور ترضيها شبيـــــــــــــــــــهة ثريّا


لو كان تتسلّف عشان البيــــــــــــاضي



والاّ احرمت عينك وشــــــــــــفت الاذيّا


وتشوف نجم الظـــــــــهر وتشبّ لاظي

[الركام]

صح لسانك ياخالد بن منشار
قصيدة رائعة وموضوع جميل

[سمو المشاعر]

وامّا بنات اليـــــــــــــــــوم لا شي وشيّا
تصحى بعيدالعـــــــــــــــــصر تبغى مقاضي

تحْت ظلال الســــــــــــــــــوق دايم تفيّا
خساير ٍ فيــــــــــــــــــــــها ولا به عياضي





صح لسانك قصيده معبره لواقع حال معاش لاهنت

[غانم الضومري]

مدري علامك ليش خالد كذيا .. تقسى على الحلوه برفع اعتراضي
تزعل إذا قالت لك اليوم هيا .. مفروض تفرح لا شريت المقاضي
يكفيك لحظه في ظلال الثريا .. ويكفيك ريح البختري بالفياضــي
ماهي عجوزٍ تبلشك باللغيا .. من شان خبزة صاج جاك امتعاضي
اغنم من الحاضر على ماتهيا .. عش لحظتك وانسخ من العمر ماضي

رائعه يا بو وليد .. جازت لي لأنها تحاكي الواقع بطريقه سلسه وطريفه
شكرا لك أخي
إسمح معارضتي فهي من باب الشقااااااااوه
تحيتي