الشيهانه رهف إلى مثواها الأخير

[غانم الضومري]

ابو ثامر..
أعرف أنك تحب شيهانتك رهف ولكن القضاء لا يعـترف بالغلا ..

قلوبنا تــتربع وسط إحساسك ..

نشاطرك الهوجاس

في فقد شيهانتك رهف

عوضك الله خيراً منها


لكم المحبة والتقدير يا أهل البراري

..

عظم الله أجر خالد في رهـفّ
ولا نلومه لو يصفق بالكفوف

طيرةٍ مالك وراها أي شـــــفّ
ما يصف ذياب في جنب الهنوف

لا لمحها الخرب ألبد وارتجفّ
يزبن اللي يطرده مرعوب خوف

يوم هدت لفت المطرود لــفّ
شافت الغرنوق واقف بالدفوف

ليتها ما شافته ليته ذلـــفّ
ليتها ما صكته بين الكتـوف

هي طعنها العود من حدر الكتف
وهو يحس القلب يطعن بالسيوف

القــدر لا جاك ما دونـــه ملــفّ
يعترض لك غصب ما تقدر تطوف

المصيبه لا وقف ثم قال قــفّ
نسأل الله رحمته يوم الوقوف

مانقول إلا على الله الخـــلف
ولا نكثر بالسوالف والحسوف

عظم الله أجر خالد في رهف
ولا نلومه لو يصفق بالكفوف


تحيتي وتقديري
الضومري

[كمال البدور]

هههههههههههه
خوفتنا يا رجل ، لنا اخت في المنتدى اسمها شيهانه ومن العنوان انقطع قلبي
اشكرك اخوي الضامر شاعر متمكن فعلا"
والله يعوض على اخينا
تحياتي لك

[الركام]

عظم الله أجر خالد في رهـفّ

وصح لسانك ماشاء الله كل يوم لك ابداع

[ذيب آجا]

صح لسانك ياغانم..والخلف على الله..



شفت الخبر مااقول غير ياللاسف
......طير الحبايب مات من بين الكفوف
الموت مرمى وهو صار له هدف
......ماتنفع الحسرات وترديد الحسوف

[سمو المشاعر]

صح لسانك اخي غانم

وعوض الله خالد خير

[سراب]

عظم الله اجر اخونا في رهف
الرهف راحت يجي غيرها رهوف
العوض بالله ماغيره خلف
يرزقك باللي كما شوف الهنوف

اخونا خالد ربي يعوضك خير
شاعرنا الضومري
ربي يجزيك الخير بمواساة اخونا خالد

[مطرد البروق]

صح لسانك والدي والله يعوظه خير منها