70 صورة لكشتة الصمان 15 /3 – 18 /3 /1433 أم صحن – زعير – الروثية.:. سال السيل .:.

[سال السيل]

بسم الله الرحمن الرحيم
حياكم الله جميعا ومرحبا بكم..

هذا تقرير متواضع عن كشتة الصمان حيث كانت الانطلاقة من الرياض قرب مغرب الثلاثاء الماضي 15/3/1433هـ..
والرحلة كانت مكونة من 7 من الربع الطيبين والنشامى أمثالكم واللي قل في هالزمن مثيلهم..
فكان إجمالي العدد 8 وطلعنا بموترين..
وكانت الرغبة الدخول للصمان مع الردمية اللي بعد أم رقيبة للوصول لبعض الفياض اللي ذكرت هناك..
وفعلا وصلنا فيضة أم صحن واللي تبعد قرابة ال60كم عن الزفلت قرب 10.30م ..
ونبدأ بالتقرير والشرح مع الصور..
بعد صلاة الفجر والقهوة والحليبة..
كان لا بد لنا من الكبدة واللي دائما ما تطرب لها نفوس الشعب السعودي خصوصا في الطلعات البرية..
من يدين طباخنا المبدع أبوفهد تسلم ايدينه..

http://i1128.photobucket.com/albums/m492/aassiimmbbnn/sman/01.jpg

http://i1128.photobucket.com/albums/m492/aassiimmbbnn/sman/02.jpg

وهذي كم صورة من فيضة أم صحن والربيع لك عليه والجو مخيف شوي..

http://i1128.photobucket.com/albums/m492/aassiimmbbnn/sman/03.jpg


http://i1128.photobucket.com/albums/m492/aassiimmbbnn/sman/04.jpg

البيض المقلي من يدين أبوإبراهيم ، والكبدة من يدين أبوفهد لا عدمناهم..


http://i1128.photobucket.com/albums/m492/aassiimmbbnn/sman/05.jpg

http://i1128.photobucket.com/albums/m492/aassiimmbbnn/sman/06.jpg

http://i1128.photobucket.com/albums/m492/aassiimmbbnn/sman/08.jpg


بعدها شد الهواء وزاد العجاج..
وتجولنا بكم فيضة حولنا أم غرس وأم قرو وبعض ردايف الفياض..
ولم تكن بالمستوى المأمل..
لذا وجهنا جهت فياض زعير وذيك الجهات لأن حدا الربع خابرهن أطيب خصوصا الروثية كان به مناقع من مطرة قبل أسبوعين..
فوجهنا لزعير وكانت هي جلستنا ومبيتنا الأربعاء كله..
وهذي صور منه وكان وصولنا ولله الحمد مع ركود الجو..


http://i1128.photobucket.com/albums/m492/aassiimmbbnn/sman/07.jpg

http://i1128.photobucket.com/albums/m492/aassiimmbbnn/sman/09.jpg

http://i1128.photobucket.com/albums/m492/aassiimmbbnn/sman/10.jpg

http://i1128.photobucket.com/albums/m492/aassiimmbbnn/sman/11.jpg

http://i1128.photobucket.com/albums/m492/aassiimmbbnn/sman/12.jpg

http://i1128.photobucket.com/albums/m492/aassiimmbbnn/sman/18.jpg

http://i1128.photobucket.com/albums/m492/aassiimmbbnn/sman/13.jpg

وبسم الله بدا أبوفهد طباخنا القدير بالغداء ولا بد من الكشنة والبزار الخاصة..


http://i1128.photobucket.com/albums/m492/aassiimmbbnn/sman/14.jpg

http://i1128.photobucket.com/albums/m492/aassiimmbbnn/sman/15.jpg

http://i1128.photobucket.com/albums/m492/aassiimmbbnn/sman/16.jpg

http://i1128.photobucket.com/albums/m492/aassiimmbbnn/sman/17.jpg

وبعد ما طبخة لحمة الساكني بالكاتم..
وصب طباخنا الماء على الرز وتشربه يجي دور وضع الكشنة والبزار على الرز..


http://i1128.photobucket.com/albums/m492/aassiimmbbnn/sman/19.jpg

http://i1128.photobucket.com/albums/m492/aassiimmbbnn/sman/20.jpg

http://i1128.photobucket.com/albums/m492/aassiimmbbnn/sman/21.jpg

http://i1128.photobucket.com/albums/m492/aassiimmbbnn/sman/22.jpg

يلوموني فيك ياابوفهد..
تسلم هالأيادي..
وهذا الغداء جاهز اقلطوا حياكم الله..

http://i1128.photobucket.com/albums/m492/aassiimmbbnn/sman/23.jpg

وبعد الغداء أبعدنا عن جلستنا شوي لأن فيه مكان فيه شبه قبل..
بالإضافة لأن الجو سكن وركد فماله داعي الرواق..
وهذي الجلسة والشبه ولا بد من شاهي مخدر بعد الوجبة الدسمة..


http://i1128.photobucket.com/albums/m492/aassiimmbbnn/sman/24.jpg

http://i1128.photobucket.com/albums/m492/aassiimmbbnn/sman/25.jpg

وهذي مناظر من الفيضة..


http://i1128.photobucket.com/albums/m492/aassiimmbbnn/sman/26.jpg

http://i1128.photobucket.com/albums/m492/aassiimmbbnn/sman/27.jpg

http://i1128.photobucket.com/albums/m492/aassiimmbbnn/sman/29.jpg

وصار لنا موقف الحقيقة من أطرف ما مر علينا..
وحنا جالسين نتقهوى..
ولا جيران لنا بالفيضة منطلق الهرفي من عندهم وقاعدين يلاحقونه واحد على رجليه والثاني بالموتر..
يوم وصلوا حولنا ويطمرون الربع يتختلون له (يختبئون له) وطمر واحد من الربع وراه وعجز يجيبه..
والسيارة وراه..
وجا خويه الثاني وركب الموتر يوم شافنا جينا..
والحقيقة إنه سريع بلحيل ولا قدرنا نمسكه إلا بالحيلة..
حده راعي الموتر ووقف ولا واحد من الربع قباله ولا تحرك والهرفي يناظره يتحراه يتحرك عشان يهج..
ولا راعي الموتر تاله من ورى ومدخله الموتر..
شارك بالمغامرة اثنين راعين الهرفي ومن الربع 7 هههههههههه..
وهذي صورة ما تدري من الملحوق تقول خوينا يلحقه الهرفي والموتر..
هههههههههههههههههه


http://i1128.photobucket.com/albums/m492/aassiimmbbnn/sman/28.jpg

يا زين الشبه ويا زين الجميرات..


http://i1128.photobucket.com/albums/m492/aassiimmbbnn/sman/30.jpg

وبعد الجلسة الحلوة والسوالف الطيبة..
ويوم جمرت ضويتنا ولا الساعة قريب من 10 وحنا متغدين آخر الظهر..
قربنا شبك الشوي وشوينا عشانا..


http://i1128.photobucket.com/albums/m492/aassiimmbbnn/sman/31.jpg

ومن بكرى اللي هو الخميس..
بعد القهوة والحليب بدينا بالفطور واليوم يوم المقلقل..
وبسم الله قطعنا اللحمة وجهزنا البصل والطماط والثوم والحبحر..
وصغرة الصاجه لأننا مكثرين لحم..
فحطينا المقلقل بالكاتم بعد ما حمسنا البصل بالصاجة..
وهذا فطورنا حياكم الله..


http://i1128.photobucket.com/albums/m492/aassiimmbbnn/sman/32.jpg

http://i1128.photobucket.com/albums/m492/aassiimmbbnn/sman/33.jpg

http://i1128.photobucket.com/albums/m492/aassiimmbbnn/sman/34.jpg

http://i1128.photobucket.com/albums/m492/aassiimmbbnn/sman/35.jpg

http://i1128.photobucket.com/albums/m492/aassiimmbbnn/sman/36.jpg

وبعد الفطور وجهنا لفيضة الروثية ومرينا بالطريق على فيضة صغيرة والبخراء وردايفه وهن طيبات بس عيبهن يمر عليهن أو على وحدة منهن درب المقانيص..
والصور الثلاث أظنهن للفيضة الصغيرة..
ثم صور الرويثة..


http://i1128.photobucket.com/albums/m492/aassiimmbbnn/sman/37.jpg

http://i1128.photobucket.com/albums/m492/aassiimmbbnn/sman/38.jpg

http://i1128.photobucket.com/albums/m492/aassiimmbbnn/sman/39.jpg

http://i1128.photobucket.com/albums/m492/aassiimmbbnn/sman/40.jpg

http://i1128.photobucket.com/albums/m492/aassiimmbbnn/sman/41.jpg

http://i1128.photobucket.com/albums/m492/aassiimmbbnn/sman/42.jpg

http://i1128.photobucket.com/albums/m492/aassiimmbbnn/sman/43.jpg

http://i1128.photobucket.com/albums/m492/aassiimmbbnn/sman/44.jpg

http://i1128.photobucket.com/albums/m492/aassiimmbbnn/sman/45.jpg

http://i1128.photobucket.com/albums/m492/aassiimmbbnn/sman/46.jpg

http://i1128.photobucket.com/albums/m492/aassiimmbbnn/sman/47.jpg

http://i1128.photobucket.com/albums/m492/aassiimmbbnn/sman/48.jpg

http://i1128.photobucket.com/albums/m492/aassiimmbbnn/sman/49.jpg

http://i1128.photobucket.com/albums/m492/aassiimmbbnn/sman/53.jpg

http://i1128.photobucket.com/albums/m492/aassiimmbbnn/sman/54.jpg

http://i1128.photobucket.com/albums/m492/aassiimmbbnn/sman/57.jpg

وبعد طبخ أبو فهد استحوا الربع يطبخون..
وجزاه الله خير ما قصر..
بدا باللحمة وصفه بالكاتم..
الله يسلمك يا أبوفهد ويبيض وجهك..


http://i1128.photobucket.com/albums/m492/aassiimmbbnn/sman/50.jpg

http://i1128.photobucket.com/albums/m492/aassiimmbbnn/sman/51.jpg

http://i1128.photobucket.com/albums/m492/aassiimmbbnn/sman/52.jpg

وعلى بال ما تطبخ اللحمة ناخذ لنا فنجال قهوة..



http://i1128.photobucket.com/albums/m492/aassiimmbbnn/sman/55.jpg

وهذي الكشنة والبزار جاهزه والرز يحتري بس ماء اللحمة..


http://i1128.photobucket.com/albums/m492/aassiimmbbnn/sman/56.jpg

http://i1128.photobucket.com/albums/m492/aassiimmbbnn/sman/58.jpg

على بال ما يجهز الرز ناخذ لكم كم صورة من أطراف الفيضة..
والعالم كوك تقول بمزدلفة ما شاء الله تبارك الله..


http://i1128.photobucket.com/albums/m492/aassiimmbbnn/sman/59.jpg

http://i1128.photobucket.com/albums/m492/aassiimmbbnn/sman/60.jpg

http://i1128.photobucket.com/albums/m492/aassiimmbbnn/sman/61.jpg

http://i1128.photobucket.com/albums/m492/aassiimmbbnn/sman/62.jpg
وهذا الكاتم فيه اللحمة والعيون عليه..


http://i1128.photobucket.com/albums/m492/aassiimmbbnn/sman/65.jpg

الغداء جاهز يالللللله حييييييهم..


http://i1128.photobucket.com/albums/m492/aassiimmbbnn/sman/64.jpg

http://i1128.photobucket.com/albums/m492/aassiimmbbnn/sman/66.jpg

http://i1128.photobucket.com/albums/m492/aassiimmbbnn/sman/67.jpg

وتحلو الجلسة والشبة بالليل مع إبريق الشاهي..


http://i1128.photobucket.com/albums/m492/aassiimmbbnn/sman/68.jpg

وهذي كم صورة من باتسر الجمعة قبل الرحيل من الصمان..


http://i1128.photobucket.com/albums/m492/aassiimmbbnn/sman/69.jpg

http://i1128.photobucket.com/albums/m492/aassiimmbbnn/sman/70.jpg

http://i1128.photobucket.com/albums/m492/aassiimmbbnn/sman/71.jpg

http://i1128.photobucket.com/albums/m492/aassiimmbbnn/sman/72.jpg

وبالطريق مع درب المقانيص مرينا على كم فيضة منهن وأجملهن الجميلي..
وهي عبارة عن كم من فيضة حول بعض..
ثم مرينا على بربك دغيم وكانت شبه مقحطة ولا دخلناه..
وبالطريق صادفنا هالطيب ولحقناه لكنه ضعيف وهزيل توه طالع من جحره هاجن من البرد..
فأعتقناه لوجه الله..


http://i1128.photobucket.com/albums/m492/aassiimmbbnn/sman/73.jpg
وإلى هنا نصل لختام الكشتة والتقرير..
أرجو أن أكون وفقت لتقديم ما ينال إعجابكم..
وتحياتي لكم جميعاً..
وأتمنى من الأخوة الكشاتة أن يحرصوا على نظافة الفياض..
وجمع المخلفات في أكياس قمامة وعدم تركها مبعثرة ولا إحراقها لأنه يشوه جداً..
ودعواتي لكم بالتوفيق..

[زلطه]

ماشاء الله عليك اخوي ترتيب سنع للموضوع وتصوير جميل
وشاكرين لكم جهودكم

[مرقاب الشرق]

بيض الله وجهك تقرير كبير وجميل

[وتشرق]

حلوووووووووووة بالصعيدي

ويا زينووووووووووه بالمحلي

ويا حبي لكم بالقصيمي

وإبداع بكل اللغات

دوما تبهرني موضوعاتك

وكله كوم والطردي وراء الهرفي كوم

.

[أبوصالح الزعاقي]

بارك الله فيك

موضوع رائع و جميل الله يعطيك العافية

أعجبني زوايا صورك الجميلة

ليتكم مريتوا فياض ابن زريبان فهي جميلة هذه السنة

[سال السيل]

ماشاء الله عليك اخوي ترتيب سنع للموضوع وتصوير جميل
وشاكرين لكم جهودكم
حياك الله..
وشكرا لمرورك..

بيض الله وجهك تقرير كبير وجميل
حياك الله..
وشكرا لمرورك..


حلوووووووووووة بالصعيدي

ويا زينووووووووووه بالمحلي

ويا حبي لكم بالقصيمي

وإبداع بكل اللغات

دوما تبهرني موضوعاتك

وكله كوم والطردي وراء الهرفي كوم

.


حياك الله..
ويا وسهلا بالغالي..
دائما متواجد الله يحسسك ويسلمك وتحرجني بثنائك العطر..
وكل هذا من حسن 1اتك ومن ذوقك يالغالي..
وفعلا طردي الهرفي لحاله بس كنا متحمسين ولا ليتني صورة صور أكثر..
ألف شكر لمرورك العطر..

بارك الله فيك

موضوع رائع و جميل الله يعطيك العافية

أعجبني زوايا صورك الجميلة

ليتكم مريتوا فياض ابن زريبان فهي جميلة هذه السنة

حياك الله..
حضور وتشريفك أكثر روعة وشرف لي يالغالي..
وفياض ابن زريبان شفتهن بالقارمن بس ما كان عندنا علم إنهن طيبات..
والصمان ماش هالسنة الله يخلف علينا بأكثر..
لكن ما أدري اللي من جهة الرفيعة وشوية أم المصران وشقران وهكالجهات..
سمعت أن بعضهن طيب..

[حبيب المساكين]

صور رائعه ورحله موفقه بارك الله فيك

[ناصر العبدلي]

تقرير رائع وصور تعبر عن متعة البر وجماله في غاية الجمال شكرا لك اخي

[عمر الشمري]

بيض الله وجهك والله يطول بعمرك

[Al-KHUSHAIBY]

بارك الله فيك اخي الغالي على التقرير الطيب مشاء الله

[عبدالرحمن الغامدي]

ما شاء الله تبارك الله
حقيقة تقرير مميز ورائع
اتحفتمونا بأبداعاتكم يالغالين
تصوير جميل وزوايا مميزة
بيض الله وجيهكم على هذا التقرير
واخص بالشكر الأخ المبدع سال السيل
دمت بود

[أبو ريم]

ماشاء الله تبارك الله على الرحله الرائعة وعلى المطاردة الجميلة,,,,
وأحلى مافي الفيضة (البابونج),



مشكوووووووووور

[المزحمي]

ماشاء الله تبارك الله
رحلة موفقة وتقرير اكثر من رائع
وبارك الله فيك على التصوير الجميل

[الركام]

تقرير رائع وصور جميلة جدا
مشكور

[براري نجد]

ماشالله تقرير مميز

لكن اخي المواقع اللي فيها الربيع بالصور وين بالضبط
لانني افكر اخذ جوله هناك أن شالله

[هنا القريات]

دائما وابدا
موفق لكل خير
ويعطيك العافيه

بس ليه (ماتخلونا نشوف هالوجيه الغانمه )!؟

تحياتي لك وللزملاء

[فواز القاسم]

سلمت يداكم وعوافي عليكم هالطبخ والربع والربيع ودمتم بخير

[التراثي]

بيض الله وجيهكم رحله في قمه الروعه
وتقرير مميز وصور رائعه جداً جداً
الله يحفظكم ويرعاكم وتقبل تحياتي *

[ابو هديان]

مشاء الله بارك الله فيك طلعة جميلة الله لايحرمنا جديدك.

[راع الشماليه]

ماشاء الله تبارك الرحمن

رحله موفقه ,, تقرير رائع ومميز

بارك الله فيك

[أبي عبدالرحمن]

مشاء الله على التقرير المميز جداً
تقبل تحياتي
وشكراً

[ممتاز]

تبارك الرحمن

مشكووووووووووووور

[ابو طلال الفيفي]

ماشاء الله تبارك الله
كشته جميله وتقرير مميز
والطبخ إبداع ... عوااافي على قلوبكم
الله يعطيكم العافيه
وشكر خاص لمعد التقرير

[ابوفيصل]

بيض الله وجهك تقرير كبير وجميل

[سال السيل]

شكرا للجميع على تشريفهم ومرورهم الكريم..
حضوركم شرفي لي بيض الله وجيهكم جميعاً..