ياشينها لقيل ضفوا المعاميل.......

[نديم المجره]

ياشينها لقيل ضفوا المعامــــيــــل = والفرش طووها وطووا الزوالـي

وهدوا الخيام وصفطوهن معـاديـل = وضفوا بقايا عـفشكم والتوالـــــي

ومدوا قبل لاينتشر اسود الليــــــل = الليل اعمى والخبل مايبـالــــــــــي

وترفقوا بالخط مامن معاجيــــــــل = ما بالبلد غير النكـد والخمالـــــــي

وتوادعوا عسى اللقا بالمقابـيـــــل = عسى نتلاقى بمقبلات اللـيالـــــــي

ويازينها لقيل شبوا الغرامـيــــــــل = واركـوا على النيران صفر الدلالـي

وابنوا خيامٍ مثل روس المصاطيـل = منها تصاغر شامخات العوالــــــي

وتليموا طاب السهر والتعاليـــــــل = وهاتوا العلوم الطيبات الجـزالـــــي

وصَفوا القلوب امن الغثا والغرابيل = وتمتعوا بالبر والعمر بالـــــــــــــي

في راس طعسٍ حاير ابجاله السيل = بارضٍ خلا باقصى النفود الشمالي

ماداج فيها راعي الفطر الحيــــــل = ولا وطووها مالكين الحلالــــــــــي

صورت حال مولع البر بالحيــــــل = لقيل ضفوا العفش عقب الزوالـــي

احمد بن عبدالرحمن العريفي

(نديم المجره)

[الركام]

صح لسانك
وتسلم على هذه القصيدة الجزلة والابداع في التصوير

[ابو محمد]

صح السانك وتسلم يمينك اخوي على القصيدة الجزلة

[طارق المحمد]

صح السانك واعتلا شانك ياراعي الاولة قصيدة جزلة

تمنياتي لك بالتوفيق

[أبوصالح الزعاقي]

صح لسانك يا نديم

أبيات جزلة ووصف رائع وفقت في تصويره

بارك الله فيك

[ابو ناصر الشريف]

يعطيك العافيه وصح لسانك يابو عبدالرحمن
قصيده جزله واكثر من رائعه وهذا ماتعودناه منك
لاتطول علينا بالجديد
نحن في انتظارك
تقبل مروري
ابو ناصر الشريف

[حـــــارب]

صح لسانك شاعرنا الغالي على هذه الابيات الاكثر من رائعه
حقيقةً اجد صياغة حروفك ببراعه معهوده منكـ
ابداع تجاوز حدود المألوف
وتجاوز المألوف بحد ذاته أبداع لايدركـه الا المبدعون امثالك
أشكرك سيدي على هذا الطرح الجميل
بالفعل نالت على اعجابي قصيدتك ولامست قلوبنا
ولا يسعني في هذه الكلمات البسيطه الا أن
أتقدم الى معاليك بالشكر والتقدير
على ماتمتعنا به
**
*

تستحق التمييز وأعلى تقييم

[غانم الضومري]

مشكور يا نديم المجره
القصيده رائعه وجزله
وأصعب اللحظات كانت !!

وتوادعوا عسى اللقا بالمقابـيـــــل = عسى نتلاقى بمقبلات اللـيالـــــــي

[نديم المجره]

اعزائي
شرفني مروركم
واسعدني ثنائكم
الله يسعدكم
تحياتي

[عبدالمحسن الرحمه]

صح السانك شاعرنا الغالي وشاعر المعالي والبراري
تقبل مروري

[صلاح الزعاقي]

صح لسانك شاعرنا المبدع

قصيدة رائعة سيتغنى بها الكثير من المولعين بالبر

وهالبيتين قمة في الشمولية والجمال

وهي مناسبة للمتنقل أو من سيغادر المكان بعد إقامته في مخيم ومناسبة لأي مكان بري وكل وقت

وفيها توجيه وحكمة



وتليموا طاب السهر والتعاليـــــــل = وهاتوا العلوم الطيبات الجـزالـــــي


وصَفوا القلوب امن الغثا والغرابيل = وتمتعوا بالبر والعمر بالـــــــــــــي

[فهد الجهني]

صح السانك وتسلم يمينك اخوي على القصيدة الجزلة

[سراب]

انشهد انها اصعب لحظة والا المكشات ما ينمل
يالبيه شبة النار والدلال
تسلم ياشاعرنا

[نديم المجره]

اعزائي
شرفني مروركم
واسعدني ثنائكم
الله يسعدكم
تحياتي

[راعي محل]

ياشينها لقيل ضفوا المعامــــيــــل = والفرش طووها وطووا الزوالـي
وهدوا الخيام وصفطوهن معـاديـل = وضفوا بقايا عـفشكم والتوالـــــي
صح لسانك والله على هالجزله
والله ماهنا أصعب من لحظات الفراق وخاصة بعد أيام الكشته
والله تستاهل الـ((+++++)) والتثبيت
ننتظر جديدك يالغالي
بالتوفيق

[غانم الضومري]

http://www.albrari.com/vb/showthread.php?t=69579



قصيده ترحيب في مجلس شعراء الملتقى لنديم المجره على الرابط أعلاه
يستاهل شاعرنا الفذ نديم المجره الحب والترحيب
تحيتي

[نديم المجره]

ياشينها لقيل ضفوا المعامــــيــــل = والفرش طووها وطووا الزوالـي


وهدوا الخيام وصفطوهن معـاديـل = وضفوا بقايا عـفشكم والتوالـــــي

صح لسانك والله على هالجزله
والله ماهنا أصعب من لحظات الفراق وخاصة بعد أيام الكشته
والله تستاهل الـ((+++++)) والتثبيت
ننتظر جديدك يالغالي
بالتوفيق


شرفني مرورك
واسعدني ثنائك
الله يسعدك
تحياتي

[نديم المجره]

http://www.albrari.com/vb/showthread.php?t=69579



قصيده ترحيب في مجلس شعراء الملتقى لنديم المجره على الرابط أعلاه
يستاهل شاعرنا الفذ نديم المجره الحب والترحيب
تحيتي
الله يبيض وجهك على القصيده الترحيبيه
وامل ان اجاريك برد القصيده لاحقا
يسعدك ربي مثل ما اسعدتني بشعرك
دامت لك المسرات
تحياتي