لحظه حبيبي قبل يسبقني النوم **** بضم صدرك لين تصبح على خير

[الوااا(بالله)اااثق]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

******************

إفتح شبابيك الهوى جيتك اليوم
بإحساس من زود الوله عده يطير

جيتك مثل طفلن له أيام محروم
عن حضن أمه أبعدته المقادير

وجيتك مثل عودن له أيام مهموم
وده يلاقي بأخر الوقت تقديــر

وجيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب على شانك وأقدرك وآغير

لي في هواك أحلام وأمال وعلوم
وأحزاب وأصحاب وقصيد وجماهير

وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير

وصحبة سهر ومقاطعة لذة النوم
وأشواق جياشه وعشق وتعابير

في ذمتك مابان لك شي مكتوم
من بعد ماصورت الأوضاع تصوير

لاتحسب إنك شي عابر ومعدوم
وتاريخ حبك فاق كل الأساطير

كني لقيتك ........وكني قريتك

في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لايومك اليوم
وغلاك عندي ماحصل فيه تغيير

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير

http://www.shathaaya.com/vb/images/smilies/i.gif


منقوووول

[غيمة جده]

الله قصيده جميله اخوي الواثق بالله مشكور عالنقل ولاعدمنا جديدك

[سلطان البراري]

صح الله اختيارك وصح الله ذوقك أخي ابو عبدالعزيز
وسلمت يمينك على هذا النقل
ادام الله عليك الصحة والعافيه

[بقآيآ .. حرف]

جيتــــــــــــــــــك وجيتــــــــــــــــــك

يااااا لبــــى أحســـــاسك يا أبو عبدالعزيز

أختيار راااائع لا عدمناااااك يالغالي

ودي

[سراب]

قمة في الروعة حازت على اعجابي جدا
ربي لايعدمنا روائعك يا ابو عبد العزيز

[كمال البدور]

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير

لحظه حبيبي قبل يسبقني النوم
بضم صدرك لين تصبح على خير


رائع ابو عبدالعزيز
اختيار جميل وموفق
وفقك الله

[شيهانه]

واااو كلمات مجنوونه وإحساس جميل من سيد الابداع

تسلم لنا اخوي الواثق وربي يسعد ايامك ويحلي سنينك ..

ودي لك ياأنيق ...