مطلوب خبير طبخ

[nahham]

00
0
مرحبا

ياجماعه لا تضحكون علي ترى انا ولد مدن وما اعرف البر الا عصريات او مسيان بعد اذا خفت الشمس لاني مااتحمل الشمس يقولون انها تسمر البشره
المهم رحت مره مع بعض الشباب - ابو محمد والصلبوخي - ماني معلم منهم لانهم قايلين لا تعلم المهم ابو محمد ماشاء الله تبارك الله ضبط كبسة ما ذقت مثلها ابد ولا الرجال الثاني الله يابراد شاهي سواه ماادري وشلون يسوون ماشاء الله تبارك الله
اللي قهرني انهم ماطاعو ياخذون من عزبتي شي يعني بقيت جديده الى الان وكل ماقلت افزع قالو استرح عليك تغسيل المواعين وبيني وبينكم استحيت اقول ابي اتعلم اطبخ واتعلم اصلح قهوه وشاهي
المهم جا تغسيل المواعين وانا مرتبك جيت اخذ البيالات اغسلها طاح السطل وتكسرت بعض البيالات جا ابو محمد وحلف علي انه يكمل تغسيل المواعين
انا الصراحه طاح وجهي وقررت اتعلم الطبخ والنفخ واصير مثلهم
الحين مطلوب معلم طبخ بالشروط التاليه :
- يجيب لحمته ويجيب الرز والبصل وكل شي لاني مااعرف اشتري
- يمر علي في بيتنا وياخذني معه
- الطلعه من مسيان الى تسع بالليل لان اهلي يزلجون الباب عني اذا تأخرت
- يتولى الطبخ وتغسيل المواعين وانا اطالع حتى اتعلم وما انحرج
- يلتزم بالطلعات بالشروط اعلاه اكثر من خمس مرات حتى استوعب الطبخ

من يرى في نفسه الكفاءه يرسل ملفه لنائب المراقب العام - عاشق البران
والله ولي التوفيق

دمتم بخير

..
.

[nas]

هلا اخوي نهام .... صبحك الله بالخير ...
انت ما تعرف تطبخ . مو معقوله ... ودي اصدق لكن قوية .............

[مراسل/جدة]

ياجماعه لا تضحكون علي ترى انا ولد مدن وما اعرف البر الا عصريات او مسيان بعد اذا خفت الشمس لاني مااتحمل الشمس يقولون انها تسمر البشره

قالو استرح عليك تغسيل المواعين

وانا مرتبك جيت اخذ البيالات اغسلها طاح السطل وتكسرت بعض البيالات جا ابو محمد وحلف علي انه يكمل تغسيل المواعين

================

ليه ما نضحك بل قول متنا من الضحك :22: :22: ///

الشرهى على ابو ناصر ما علمك كيف تطبخ وتسنع حالك ///

يبيلك مدرس خصوصي :biggrin: :biggrin:

سلااااااااااااااام

===============

[nahham]

مرحبا nas

احم احم ---- الشرط اربعون

[nahham]

اخوي مراسل جده

يااخوي مااعرف اطبخ الشكوى لله والله يجيب المعلم اللي تتوفر فيه الشروط

[صوت العرب]

انا اشهد ان تعلم الطبخ ضروري ولا بد منه

[مطرب]

سو مثلي
اكشت لحالك واطبخ ولا يعذرب احد ولا شي

[ساهر]

كلام مطرب صحيح وانا تعلمت كذا وافتكيت من ضحك الشباب علي

[عاشق الثويرات]

هههههههههههههههههههههههههههههههه
ااااااااه يابطني حسبي الله على شيطانك
وش هالشروط خاصة الشرط الاول
عز الله تبي تتعلم من جد

[العوام]

كلام سليم وسجلني معك طالب

[nas]

سو مثلي
اكشت لحالك واطبخ ولا يعذرب احد ولا شي
ههههههههههه فكرة حلوه ... اكشت لحالك وخذ راحتك ..

[الحيدري]

فكرة تعلم الطبخ ممتازة بالحيل
العلم زين الله يحفطك

[مبارك]

يااخوي شروطك هذي قاسيه ولا تجديد استمارة سياره
الله يوفقك

[أبومهنا]

انا من رأيي انك تتعلم في البيت أول شي

وبعدين جرب في أخوياك

[nahham]

تحية حب وباقة ورد لكل من مر من هنا

تعليقات هادفه ومحاولة للمساعده

شكرا لكم

[ابو صعب]

================

ليه ما نضحك بل قول متنا من الضحك ///

الشرهى على ابو ناصر ما علمك كيف تطبخ وتسنع حالك ///

يبيلك مدرس خصوصي

سلااااااااااااااام

===============

[يحيا]

والله ياهي شروط تقص الظهر
هههههههههههههههههههههههه
كل شي على المعلم
هههههههههههههههههههههههههه

[ضيف الديره]

اقتر ح تخلي عزبك تتكون

من كاتم حافظه ملاعق بلاستيك

كاسات بلاستيك

وزمزميه

منها تريح ضميرك والي معك

[عاشق البروق]

ليش الخبير يانهام
دور في المنتدى
تلقاء اكثر الاكلات
مشروحة وتعلم منها
ولابس تبي تتعب الي يمشي معك :pipe:

[A7MAD]

هلا استاذ
سجلني طالب بليد ابي اتعلم لو اصلح القهوه
هههههههههههه

تعييييييييييييييييييييييييش

[مرعي]

اقترح على احد الاخوان عمل درس في الطبخ حتى يستفيد منه الاخرين

[مبارك الزيد]

تعلم بلحالك لا احد يضحك عليك

[ابو طارق]

اما راعي بر ولا تعرف تطبخ
كثر منها

خخخخخخخخخخخخخخخخخخخخخخخخخ

[المنيع]

الله يعطيك العافيه
لكن وين الخبير اللي يوافق على الشروط

[الداهيه]

جعل ربي يخلي هالوجه
ابشر باللي تبي

[nahham]

مشكورين شباب على المرور والمشاركه

[ولد العم]

يامال العافيه على هالشروط السهله
خخخخخخخخخخخخخ

[موظف]

هههههههههههههههههههههههههههههه
حسبي الله على شيطانك بغيت اصدق

[عاشق الثويرات]

ابشر بالخير
عند وجهك باللي تامر به يالغالي

[nahham]

ولد العم
موظف
عاشق الثويرات

شكرا لكم على المرور وياهلا

[أبو داوود]

هلا ابو هشام

مالها ألا رجالها انا متأكد أن ابو محمد مستعد يعلمك بس أنت أعزم على الطلعه
تبيه يعلمك ( قبابيط ولا مرقي مع الدجاج والكوسه والطبخات كثيره )