تسجيل الدخول

مشاهدة النسخة كاملة : فديت لابتي ياناس


سراب
2011-10-04, 06:26 PM
بسم الله الرحمن الرحيم

السلام عليكم ورحمة الله وبركاته


اليوم جايبتلكم قصيدة الشاعر القحطاني في قبيلة

شمر فديتهم ( الطنايا والسناعيس )

وإن شاء الله تعجبكم القصيدة

الشاعر :
محمد بن ساقان القحطاني يمدح قبيلة شمر.




من يم نجد وشرق مكه وطيبه

لين الديار اللي جنوب القريات

جيت بخفوقي شوق ماينحكي به

اكبر من حروف الشعر والكتابات

شوق ِ مهو شوق الحبيب لحبيبه

شوق الطنايا للكرم والجمالات

ولو قالوا ان الدار ماهي قريبه

بقول : يعني ماتهون المسافات

ماهم بربعي بالليالي الصعيبه

أجل وربي ماحسبت المشقات

(شمر) ليا صك الصليب بصليبه

إهجد ياجن وإنس لأهل الطويلات

يرضخ لهم هالطيب حشمه وهيبه

ويرفع لهم بالعز بيرق ورايات

ومن مرهم طرقي بيآخذ ضريبه

فنجال ٍ أشدى من خضاب الخوندات

والموقده تشهد براس الرقيبه

ومن طيبهم ماينزلون الطمانات

(والشمري) من طيب راسه وطيبه

به ميزة ٍ عدّت حدود المروات

لاثارت الفزعات .. لاتنتخي به

لأنه يثور من الطنا دون فزعات

الله خلقهم للمصيبه مصيبه

وللنار نار وللمعالي ريادات

وللموت موت ولللهيبه لهيبه

وللطيب طيب وللمراجل سيادات

لكن بهم حاجه ولاهي غريبه

يمكن يخون إبها الشعر والعبارات

إليا بطشوا خلو المضارب عطيبه

وإليا عطوا مامدوا إلا الجزيلات

ما ارفع مكانتهم بشعر ٍ اجيبه

هم يرفعون حروف شعري مقامات

وآخر ما اقول بهالشعر وانتهي به

بحطها بقوسين وأربع علامات !!!!

(الشمري ! عيبه ! وعيبه ! وعيبه !

إليا ارتكى للحمل شال الثقيلات ) ..



(( ولا تهوووون القباااايل الثااانيــــه ))


الشاعر :
محمد بن ساقان القحطاني !!!



اتمنى تعجبكــــم مثل ماعجبتني

م\ن

ابو سلطان العتيبي
2011-10-04, 08:37 PM
والنعم فيهم
وفي كل القبائل

الله يعطيك العافية
على هالقصيدة
-

بقآيآ .. حرف
2011-10-04, 09:02 PM
والنعم بكل القبائل

يسلم ذوقك الرائع والمتميز

لا عدمنااااااااااااك

حـــــارب
2011-10-04, 09:35 PM
والنعم والله


صح لسان محمد القحطاني ويعطيك الف الف عافيه اختي سراب


ذووووق رآآآقي

كمال البدور
2011-10-05, 11:38 AM
ولو قالوا ان الدار ماهي قريبه
بقول : يعني ماتهون المسافات
ماهم بربعي بالليالي الصعيبه
أجل وربي ماحسبت المشقات

والنعم من كل قبائل السعوديين
تسلمي شموع على حسن الاختيار
وفقك الله في كل عمل تقوموا فيه
لكي خالص الحب ...

خالد بن منشار
2011-10-05, 11:50 AM
صح لسان محمد

ولاهنت على ذوقك

وشمّر غنيين عن التعريف

سبق وكتب فيهم قصيدة ياعسى تحضرني ابيات منها






لو ينشدوني عن رجال ٍ مطاليق = بقول شمّر وارفع الصوت شمّر





عيال حاتم في رخا الوقت والضيق = ارفع بهم راسي على كلّ من مر



والباقي ماتحضرني

يعطيك العافية

دمت بخير

سراب
2011-10-08, 01:44 AM
اشكر تواجدكم اخواني وردودكم اللي تثلج الصدر
بارك الله فيكم واشكرك اخوي خالد على هالابيات الرائعة وياليت تنزل القصيدة كاملة

ذيب آجا
2011-10-08, 08:20 AM
الله لايحرمنا من هالطله..رائعه القصيدة..
ناصر القحطاني ليست غريبه عليه..لانه
قصد بشمر قبل كذا..اللي يقول مطلعها
دام اتجاهك شمال ومودعك حاجه
سلم على حايل وسلم على شمر
يعطيك العافيه على هذا الطرح..