اللي عنده علم عن المندي في البر يعلمنا!!!

[عاشق ديرتي]

بسم الله الرحمن الرحيم
السلام عليكم ورحمة الله وبركاته
حياالله اخواني الأعضاء والمشرفين في
شبكة البراري والله يمسيكم بالخير والرضا والعافيه
المهم الله لايهينكم اللي عنده علم عن كيفيه طبخ المندي
في البر يعلمنا لانه يقال إن فيه طريقه لكن صعبه
ولا ادري هل الكلام صحيح؟
أرجوا إفادتنا بذلك
لأننا ودنا نتعلم ونكسب الخبرات من بعض المتعلمين
وفقكم الله لم يحب ويرضى
والسلام

[rhaal]

وعليكم السلام ورحمة الله وبركاته
هلابك راعي المعاميل
شف وأنا أخوك اللي أعرفه إن فيه طريقتين/
الطريقه الاولى : إنك تآخذ معك برميل المندي إللي يباع جاهز وهو سهل التنقل وحمله هو عباره عن برميل وبالداخل فخار او طين وبين الحديد والفخار رمل وهو متوفر منه عدة احجام طبعاً لا تحتاج إنك تحفر له ولاشي وفيه منه نوعين 1/ بالغاز 2/ بالحطب
وطريقة الطبخ أعتقد إنك تعرفها إن كان ما تعرف الطريقة أبشر بها
وهو موجود بمحلات الفخار اللي بالشفاء


الطريقة الثانيه : وهي طبعاً مندي تقليد يعني إن الطعم والريحه مندي لكن الطبخه طبخت كبسه عاديه وطريقتها إن الطبخ قبل ما يخلص أي إذا بدا ينش يعني شرب الماء جب فنجال وعبه زيت وجهز جمره وحط الفنجال على الرز همن حط الجمره بالفنجال وغط القدر بسرعه واكتمه بقصدير إلين يبداء بالإستواء همن انسبه وبالعافيه إن شاء الله....
وحياك الله أخوي وحنا بالخدمه أي خدمه؟؟؟

[صاهود]

مثل ما قال اخي رحال

ولا نعرف غيرها

[مراسل/جدة]

**********

ما شاء الله عليك أخوي (( rhaal ))

وفيت وكفيت ////


===========

[rhaal]

**********

ما شاء الله عليك أخوي (( rhaal ))

وفيت وكفيت ////


===========

أبد أخوي مراسل/جدة ما سوينا إلا بالواجب تخبر ما يطبخ بالبر إلا أنا إن كان مع الربع طيرونا بالعجه والمدح حتى يفتكون وإن كان مع الأهل لآبد من إنا نريحهم من الشغل الدايم ونطلعهم من جو البيت
والمهم إن راعي المعاميل يصير فهم الشرح

[سيف الاسلام]

تآخذ معك برميل المندي إللي يباع جاهز وهو سهل التنقل وحمله هو عباره عن برميل وبالداخل فخار او طين وبين الحديد والفخار رمل وهو متوفر منه عدة احجام طبعاً لا تحتاج إنك تحفر له ولاشي وفيه منه نوعين 1/ بالغاز 2/ بالحطب
وطريقة الطبخ أعتقد إنك تعرفها إن كان ما تعرف الطريقة أبشر بها
وهو موجود بمحلات الفخار اللي بالشفاء

[عاشق ديرتي]

اخوي rhaal حياك الله ومشكور على مرورك
لكن بالنسبه للفرن هل يجي نوع صغير
بصراحه انا ماقد صلحت مندي في البر
لكن في الاستراحه عندنا برميل مدفون تحت التراب
مشكور اخوي مره اخرى على الاسلوب وحنا فهمنا
شرحك وبالتوفيق لك اخوي
ايضا نشكر اخواني الاعضاء الاخرين على مرورهم
بالتوفيق والسلام،،،،،،،

[النايف]

رعي المعاميل

حياك الله
فيه ابسط طريقه للمندي

المتطلبات
1- تكرم لبنتين تبن في وجه العدو
2-ربع برميل بترومين ويكون طوله 50سم مع غطاه
3- شبك مروحه قعاديه حديد

الطريقه
بهر الدجاج على حسب حاجتك من البهارات والملح

ثماً ضع الدجاج فوق الشبك وبعدها ضعه داخل البرميل ثم قم بتسكير البرميل جيدا وبعدها قم بفك التبن فوق البرميل من فوق ومن جوانب البرميل ثم اشعل النار في التبن
وبعد مرور 45دقيقة للدجاد اذا كان دجاج واذا كان لحم ضعه ساعه اساعه وربع
وأخيرا افتح البرميل وبالهناء والعافيه

وفيه طريقه تكون معه الرز

صرنا الشيفه (الشيف ) امل

سوف يصدر تقرير مفصل عن هذه الطبخه بالصور قريباً :15:

[rhaal]

هلا أخوي راعي المعاميل
فيه عدة أحجام من برميل ما يشيل الا دجاجه الى برميل يشيل ذبيحتين
وأنت اختر اللي تبيه حسب حاجك وتلقاهن عند المحلات اللي بالشفاء وفكرتها رائعه جداً
وحياك الله


أخوك / rhaal

[النايف]

الصوره الأولى مع الرز ويتضح الحامل بتاع الرز وشبك الدجاج

]http://www.up.00op.com/data/visitors/2007/05/28/storm_1997616161_42673783.jpg (http://www.00op.com/up)
الصوره الثانيه الدجاج في الشبك بعد التبهير

]http://www.up.00op.com/data/visitors/2007/05/28/storm_938154852_1006797286.jpg (http://www.00op.com/up)

واسمح لي على القصور لأن الصور ناقصه مالقيتها
وشكراً

[عاشق ديرتي]

حياك الله اخوي النايف وبوركت في طرح بعض
الصور لكن إنها ناقصه وياليت تصير كامله
علشان نفهمها
بالتوفيق لك اخوي
ولكن عند ملاحظة وهي الأن برميل مانحط تحته
حطب ولاندفنه بعد
بس نحط الله يعزك التبن فقط على الجوانب هل هذا صحيح
ارجو إنك تفيدنا بالمعلومة

[عاشق القمرا]

من حضنا انك نشدت

لان حنا استفدنا بعد
شكرا لكم

[عاشق ديرتي]

حياك الله اخوي الغالي
مرور رائع وجميل ويجب
على الكل ان يستفيد من
كل مايطرح من مواضيع
للطبخ وغيره...............

بالنسبه لاخوي النايف
شكلك نسيتنا ترى الصور
ناقصه وياليت ترد على سؤالي
اللي طرحته سابقاً وموجود في نفس
الموضوع

شديت إنتباهنا بعدها ماكملت الصور
ياليت تسرع علينا يالغالي

بالتوفيق لك والسلام

[النايف]

نعم جيتكم بس صار عندي مشكله بدي اس ال والله قهرني

التبن تكرمون على الجوانب وفوق البرمي بدون دفن البرميل في ا[رض

وش سؤالك امر تدلل

[حسان القصيمي]

يعطيكم العافيه

والله إستفدنا منكم الكثير

مشكورين

[الكاتم]

السلام عليكم
اخواني مره ذقت مندي حضرمي على كيف كيفك اثرنا مانذوقه على اصوله
عزمني واحد من الربع طبعا حضرمي وهو صديق عزيز
ورحنا لاستراحتهم وهناك تم الطبخ
بعد ماتعشينا مسكته على جنب وقلتله وش هالحمه والا هالنكهه جلس يضحك على قال مافيه مندي بالسوق صح قلت صحين قال تعال رحنا للبرميل وران طريقه عمل البرميل طين في طين حتى الغطاء والفرق بالطعم يكمن في عند فرد الجمر داخل البرميل يقومون بوضع اشجار بريه ( مرخ )عباره عن غصون صغيره ويفردونها بسماكة 5 سم
همن يحطون اللحم همن مرخ همن يغطونه
والرز في برميل ثاني بس مع الرز يحطون شوي لحم يطعم طبعا الرز حاطينه على شاني والا هم ماياكلون المندي مع الرز ياكلونه مع الطحينه والعسل مثل المضبي
بس بصراحه شي ثاني

[الكاتم]

السلام عليكم
اخواني مره ذقت مندي حضرمي على كيف كيفك اثرنا مانذوقه على اصوله
عزمني واحد من الربع طبعا حضرمي وهو صديق عزيز
ورحنا لاستراحتهم وهناك تم الطبخ
بعد ماتعشينا مسكته على جنب وقلتله وش هالحمه والا هالنكهه جلس يضحك على قال مافيه مندي بالسوق صح قلت صحين قال تعال رحنا للبرميل وران طريقه عمل البرميل طين في طين حتى الغطاء والفرق بالطعم يكمن في عند فرد الجمر داخل البرميل يقومون بوضع اشجار بريه ( مرخ )عباره عن غصون صغيره ويفردونها بسماكة 5 سم
همن يحطون اللحم مباشره على المرخ همن مرخ همن يغطونه
والرز في برميل ثاني بس مع الرز يحطون شوي لحم يطعم طبعا الرز حاطينه على شاني والا هم ماياكلون المندي مع الرز ياكلونه مع الطحينه والعسل مثل المضبي
بس بصراحه شي ثاني

[عاشق ديرتي]

حياك الله اخوي الغالي النايف333
وتسلم يمينك على علمك الغانم ولا
هنت يالغالي ومرورك رائع وشكراً

[عاشق ديرتي]

اخوي الغالي الكاتم

ياليت لو إنك منزل لها صور

علشان نفيد ونستفيد

مرور رائع وشكراً