؟؟؟وش أفضل كفرات التويو أو الدانلوب ؟؟؟

[مـتـفـائـل]

السلام عليكم ياجماعة الخير

ياجماعة ان صملت اغير كفرات موتري الأكسنت واحترت بين نوعين هما الافضل بالنسبه لي من الكفرااااات وهما :


1/ تويو 185/70 الجنط طبعا 13 سعرها بحدود 150 ريال


2/ دنلوب 185/70 13 سعرها 140 ريال وكلها يابانيه


والأقرب التويو لأني ماوجدت أحد ينتقدها وخاصة للسيارات الصغيره مناسبه لها

وش رايكم اتوكل على الله واركب التويو من الوكيل مباشرة

بس المشكلة اني ماعرف وين موقع الوكيل للتويو وهو (( العمودي )) الي يعرف الوصف يعلمني لاهنتو

شاكر ومقدر لكم

[التميمي]

عليكم السلام

اخوي متفائل الدنلوب قاسي شوي

ورا ما تجرب الماكسس

[nas]

السلام عليكم ياجماعة الخير
ياجماعة ان صملت اغير كفرات موتري الأكسنت واحترت بين نوعين هما الافضل بالنسبه لي من الكفرااااات وهما :
1/ تويو 185/70 الجنط طبعا 13 سعرها بحدود 150 ريال
2/ دنلوب 185/70 13 سعرها 140 ريال وكلها يابانيه
والأقرب التويو لأني ماوجدت أحد ينتقدها وخاصة للسيارات الصغيره مناسبه لها
وش رايكم اتوكل على الله واركب التويو من الوكيل مباشرة
بس المشكلة اني ماعرف وين موقع الوكيل للتويو وهو (( العمودي )) الي يعرف الوصف يعلمني لاهنتو
شاكر ومقدر لكم

وعليكم السلام ورحمة الله وبركاته :

اذا الكفر صناعة يابانية فما عليك .. طب وانت مغمض .. المهم يكون جديد ، وفيه انواع ممتاز مثل يوكوهاما وبرجستون والتويو .. كلها ما فيها كلام ...
واغلب الوكالات تحصلها بالغرابي ... واكيد من ضمنها العمودي ..

بالتوفيق

[مـتـفـائـل]

اخوي التميمي جزاك الله خير والماكسس جيد على الجيوب ويمدحونه لكن في السيارات الصغيره مادري هل هو مجرب

وانا ان شاء الله واثق بكلامك بس يمكن انك مجربها للجيوب عشان المناطق الوعره والرمال وانا بس ابيها أكيد للزفلت فقط

مشكور وماقصرت يالغالي
========================================

اخوي ناس مشكور على رأيك ويعطيك العافيه

=======================================

أنا مريت اليوم الغرابي وللاسف ما حصلت تويو يركب على جنط 13 يقولون منقطع ولا راح تحصله في الوكاله لنفس المقاس

قلت وش السواة اجل ؟؟؟ ورد علي راعي المحل يقول فيه كفر اسمه نيتو يقول اخو التويو تماما والشركه المصنعه وحده بس الوكيل يختلف النيتو وكيله هو العيسائي ؟؟


وش رايكم في ((النيتو)) فيه احد جربه وهو ياباني واخو التويو كما شاهده مقارب لنقشة التويو

وسعره 135 ريال بعد المكاسر :83:

طبعا هذا النيتو هو اسم الكفر ولا له دخل بحلف النيتو هههههههههه لا توهقونا بالسياسه ههههههه

[فارس نجد]

خلك ذكي وانا اخوك

وسئل عند اكثر من محل عن السعر والجودة

يمكن راعيك الاول متوق بها ويبي يصرفها

لا خاب من استشار

[عبدالهادي المفرج التميمي]

انا انصحك بالتويو

بس اهم شي لازم تدري انه جوابنه لينه ولازم يكون هواه دايم مضبوط

تلقاها عند شارع الريل في الغرابي اللي مقابل المسجد اللي على شارع البطحاء


مشكووووووووووووووور




سلام

[مـتـفـائـل]

انا انصحك بالتويو

بس اهم شي لازم تدري انه جوابنه لينه ولازم يكون هواه دايم مضبوط

تلقاها عند شارع الريل في الغرابي اللي مقابل المسجد اللي على شارع البطحاء


مشكووووووووووووووور




سلام


هلا اخوي هادي

انت تقصد شارع الريل هو الي حول محلات الخيام وتفصيل الرواقات وعدد البر ؟؟؟

صح فيه محلات حولها ابي اسأل واشوف

جزاك الله خير

[سلوم]

نعم هذا ما يقصده هادي

انت تجي من شارع البطحاء كأنك تبي شارع الغرابي تجي محلات بيع الكفرات على يسارك

هو اخر محل على اليسار واعتقد ان بعده فندق البطحاء اذا ما خاب ضني

[نايف العز]

الكافرات الجديدة .. ماكسس يمدحون .. في السيارات الصغيرة ..
وأكثر من شخص قالي .. وأنت لك الأختيار ..

[مـتـفـائـل]

الكافرات الجديدة .. ماكسس يمدحون .. في السيارات الصغيرة ..
وأكثر من شخص قالي .. وأنت لك الأختيار ..

اخوي الكريم مخاوي تمير الله يعطيك العافية على المشوره

لكن وش صناعتها الماكسس ؟؟ عساها يابانيه


عارف اني غثيتكم لكن الفائده للجميع ان شاء الله

[نايف العز]

تايون أو تايلندي ..

ماني متأكد بالضبط ..

وأقرب مالهـا تايلندي ..

[النمر]

التويو كفر زين و عملي للراكدين و ميزته لين للسيارات الصغيره .

عندك انواع ممتازه مثل اليوكوهاما و البريجستون حتى الدنلوب ممتاز للسياره الصغيره . و نصيحه لوجه الله ابعد عن الكوري وغيره اشتر سلامتك و سلامة اهلك بفرق بسيط من الريالات .

الله يحفظ الجميع ..

[مـتـفـائـل]

أخوي النمر

الله يعطيك العافيه وجزاك الله خير على المشوره يالغالي

خلاص ان شاء الله راح اغير الكفرات بعد الغد <<< لي اسبوعين وانا افكر هههههههه

وقررت ان اغير كفراتي واشتري ((((( سومو تومو ))))) والله الموفق


السموتومو مركبها اخوي في موتره من شهر وسقتها ماشاء الله كانك تمشي على سفنج هههههههههههه ماشاء الله

[ابو فرح]

والله السومو تومو زين وسعره مقبول

بس اخاف يجي له صوت على الاسفلت

اسال احد مركبها وتاكد

[مـتـفـائـل]

والله السومو تومو زين وسعره مقبول

بس اخاف يجي له صوت على الاسفلت

اسال احد مركبها وتاكد

لا حول وش هالعلم الجديد بعد يابو فرح ههههههههه :27:

مشكور يابو فرح لكن متأكد انها تطلع صوت ؟؟ اخوي مركبها ولا سمعت لها صوت ؟؟

[مـتـفـائـل]

السلام عليكم



قولو لي مبروك أبشركم ياخوان شريت كفراااات اليوم نوعها (((( دنلوب )))) سعر الكفر 140 والاربع 550 ريال

تاريخ الصنع : 3606



الله يبارك لي فيها ويرزقني خيرها ويكفيني شرها . . . آمين

[الفارس2020]

ما شاء الله

موضوع رائع

مشكور أخوي (((((((

[الفارس2020]

ما شاء الله

موضوع رائع

مشكور أخوي (((((((