أنا اليتيم ودمعتي فوق خدي

[عبدالمحسن الرحمه]

أنا اليتيم ودمعتي فوق خدّي
سهران لين الصبح بيّن بالاشراق

من بعد أبويه جالس ٍ دوم وحدّي
من شدّ همي فكري اليوم مافاق

ليت التمني يا يبه دوم يجـدّي
كان أتمنا بين تقبيل و عنـــاق

أذكر حنانه يوم يدّه بيــــــدّي
ويضمني ضمه بها الحب دفاق

يابوي وينك بيّح البعد ســدّي
ضيقة صدر والحال ما عاد ينطاق

من بعد أبويه عايش ٍ عند جدّي
سهران ليلي دايم القلب خفاق

أصبحت أنا من دون رأي ٍ يقدّي
مهضوم حقي والسعادة تشفّاق

أن جيت أدور لي صديق ٍ مودّي
يصفا معي وألقى معه كل مالاق

صارت طبوع الناس دايم تحدّي
وأنا تحلى بالصبر كلي أخلاق

يابويه وينك أغلب الناس ضدّي
تجرح شعوري والجفا يحرق احراق

والحين صار الصبر ماعاد يجدّي
في غيبتك ضاقت على كلّ الأفاق

في المدرسة يابوي روحي تشدّي
كلن يناديني يتيم ٍ ومن عاق

شكواي للي للدعاء ما يــــردّي
اللي يوسع صدرنا كل ما ضاق

[شيهانه]

قلبت المواجع اخوي عبد المحسن

صح لسانك واعتلا شانك

اسمح لي تشنج شعوري وانشلت كل المعاني ماعاد فيني للرد حرف

[الركام]

صح لسانك
ابيات حزينه لكن جميلة