تدري وش اللي يجرح القلب جرحين

[فتى الرابيه]

تــدري وش اللي
يجرح القلب جرحيــــن
ويمـــد حبــــل الحـــزن فيـــك ويشــــــده

انـــك تناظــر طفــل مـن غيـــر ابويــــن
يمشــــي ودمعــــه سايــل فـــوق خــــــده

منظــر صعيـب ويقســـم القلب قسميـــــن
لا قــام يمســــح دمعـــــه بكــــف يـــــــده

يمشـي ولا يــدري طريقــه علـى ويـــــن
ليــن التعـــــب من كثـــر ماتــــاه هـــــده

اثقـــل حـــروف يشيلـهـا فـيـــه حرفيــــن
لا أب يــــــدري بــــــــه ولا أمٍ تـــــــرده

في خطوتــه رحلـــة ودمعـــة وسـكيـــــن
وحــــــظ توســــد بالمــراســـي مـخـــــده

جيــت اسألـة باللـه قـللــي ولــد ميـــن ؟؟
وبغــى يجــاوب .. واختنــق صــوت رده

أنـــا يتيـــــم ومــا لدربــــي عنــاويــــــن
وجــــزر الحـــزن فينــي يســـاوي لمـــده

وطعــم الطفولــــة ما عرفتـه لهـا لحيــــن
وثــوب السعــــادة صـــرت مانيـب قــــده

ابكــي إلـــى من شفت غيــري سعيديــــن
ليـــن البكــــــا فينــــي يوصـــــل لحـــده

واقفـــى ورحت امسح دموعي من العيــن
وعينـــــي تناظــــر دمعتـــه فـــوق خــده

وهذا اللـــي يجـــرح القلــــب جرحيــــن
ويمــد حبـــل الحــــزن غصـب ويشــــده
-------------------------------------
منقول

[روح آلوفآ]

قصيده رآئعه رغَمْ آلحزنْ آلليْ فيهآ

صَحَ لَسآنْ قآيلهآ وتسلمْ يمنآكْ فتىْ الرابيه
لآ عّدمنآ إنتِقآءآتكْ آلممَيزهَ .. لكّ وديْ !

[فتى الرابيه]

شكرا على الكلمات الطيبه والمرور العطر
تخياتي

[حـــــارب]

الله يسعد هذووووق ياراعي الذوق انت لاتحرمناااا من جديدك يالغالي

لاهنت

اجمل تحياااااتي

عناااااااااااد الجهني

[فتى الرابيه]

الله يرضى عليك ويرفع شانك تسلم على مرورك الجميل
والكلمات العطره
تحياتي

[محمد آلحربي]

بارك الله فيك مرررره مؤثره

[فتى الرابيه]

الله يبارك فيك وشكرا للمرور العطر

تحياتي

[ابو طلال الفيفي]

كلمات رائعه ..
صح لسان الشاعر
وصح ذوقك وسلمت يمناك اخي الفاضل فتى الرابيه

[فتى الرابيه]

صح بدنك اخ ضيف الله وشكرا على مرورك العطر
تحياتي