مسموح يازول مشيت متعدي

[فتى الرابيه]

مسموح يازول مشيت متعدي
خلا الذرا بيني وبينه عباته
دوبه بطرف العين يمي يلدي
يبي يسمح خاطري بالتفاته
قلبي يبي شوفه وعيني تلدي
اخاف من هرج يطوله شماته
اخاف من فطنة خطات متحدي
اللي على الغرات هذي سواته
ماودي انه يكتشف غيب سدي
خله يروح وعبرته في لهاته
لابد من يوم رخاه متمدي
يلحق به القلب المولع شفاته
يوم به الحسيد عنا تصدي
راع الحسد عنا بعيد مباته
جعله بدربه ذالف مايردي
احذف ورا الشيطان سبع حصواته
ياناس بالله لاتصيرون ضدي
من لاهرج بالعدل يكفي سكاته
ياناس مجروح الضمير المودي
خلوه يدله ساعة في حياته
ياصاحبي ماهو بودك ودي
لوودنا كل تخير مناته
من دون جمعانا سلوم تلدي
تمنع شفوق القلب دون شهواته
دونك عدو(ن) للحسد مستعدي
طعون قلبه بالحشا موجعاته
والافلاغيرك حبيب يسدي
تكفيك ضيقة خاطري وانهتاته
حبك مقيم وحب غيرك يشدي
هذا الكلام اللي صحيح(ن)ثباته
سلطان حبك لوسيوفه تحدي
جيته مطيع لسايته وحسناته
---------------------------
مرشد البذال - يرحمه الله

[مزون الغربية]

صح لسان الشاعر
ومشكوررر على الاختيار

[ام الدانه]

قلبي يبي شوفه وعيني تلدي
اخاف من هرج يطوله شماته

يسلم ذووقك قصيدة راااائعه وإنتقااااء اروع

دمـت متألـق

[الركام]

تسلم يافتى الرابية على هذا الاختيار الرائع

[الوااا(بالله)اااثق]

رحم الله الشاعر وأسكنه فسيح جناته
وبارك الله فيك وسلمت وسلمت أناملك على الإختيار والنقل لا عدمناك أخي فتى الرابية

تقبل تحياتي

[فتى الرابيه]

صح لسان الشاعر
ومشكوررر على الاختيار



صح بدنك وشكرا للمرور
تحياتي

[فتى الرابيه]

قلبي يبي شوفه وعيني تلدي
اخاف من هرج يطوله شماته

يسلم ذووقك قصيدة راااائعه وإنتقااااء اروع


دمـت متألـق


الله يعطيك العافيه للمرور الطيب المتواصل --- تحياتي

[فتى الرابيه]

تسلم يافتى الرابية على هذا الاختيار الرائع


الله يسلمك وتسلم للمرور
تحياتي

[فتى الرابيه]

رحم الله الشاعر وأسكنه فسيح جناته
وبارك الله فيك وسلمت وسلمت أناملك على الإختيار والنقل لا عدمناك أخي فتى الرابية

تقبل تحياتي

جزاك الله خير والله يسلمك يالغالي
تقبل تحياتي