بـ أذكره .. إلين أسمي .. بـ الوفيآت .. يكتــبونه !!!!

[برق تمير]

http://www.b7r1.com/vb/images/usersimages/8216_1155376560jpg




ماوصلت .. أدوّر اللي .. باعني .. والعمر .. فاني ..
جيت .. أدوّر .. قلب واحد .. حالت الأيام .. دونـه !!


يا بحر .. وش فيه موجك .. مالقى ذيك .. المواني ..
أو .. مواني ننتظرها .. خانت .. الموج .. وظنونـه ؟؟


أختلف .. وجه الحقايق .. بانت .. بـ منظور .. ثاني ..
ماهقيت .. أن الحقايق .. تلحق القلب .. المهـونه !!


جيت أدوّر ذكرياتي .. وأغلب أيام .. الأمـاني ..
مانسيت اللي مضالي .. ولا قوى .. قلبي .. يخـونه !!


نفترض لو هو .. تركني .. نفترض لو هو .. جفاني ..
نفترض وبكل حالة .. ضاق بي .. قلبه .. وكـونه !!


ما أصدّق ..لو سمعته .. لو .. يقول إنه .. نسانـي ..
لأن .. حبه في ضميري .. ماذبل .. واللون .. لـونه !!


لأن عهدي به .. يردد .. وين .. يـ الغالي .. مكاني ؟؟
قلت له .. في وسط قلبي .. معتلي .. بـ أعلى .. حصونـه !!


قال لي .. حتى أنت .. والله .. منزلك وسط المحاني ..
بس خايف .. ثم .. وقّف .. و زاد .. بـ الخافق .. شجـونه !!


قلت له .. من ايش خايف .. قال .. حظي في زماني ..
كلما .. حبيت واحد .. بـ الحكي .. هم .. يبـعدونه !!


يسمع لـ هرج العواذل .. وينسى أيامي .. وحنـاني ..
وحبنا .. اللي .. عاش فينا .. بـ السوالف .. يهـدمونه !!


قلت له .. طمّن خفوقك .. جيت لك .. إنسان ثـاني ..
لو حكوا .. عندي .. وقالوا .. صعب .. قلبي .. يـهزمونه !!


دارت الدنيا.. ودرنا .. وأقفت الدنيا ... بـ شاني ..
رحت أدوّر .. للوظايف .. وأدرس .. الوقت .. وفنونـه !!


غبت عام .. وعام بعده .. بين غاب .. وبين جانـي ..
بين حلمي بــ الوظيفة .. وحلمي .. بـ مقابل .. عيـونه !!


من عقب ذيك المواسم .. جيت .. والدرب يحـداني ..
جيت أجدد .. عهد .. ناسي .. كان .. عهدي .. يخبرونه !!


محد (ن) .. له جاب طاري .. وصبر قلبي .. ما كفـاني ..
قمت أقلّب .. بـ السوالف .. يا عساهم .. يـذكرونه !!


إلين مليت الدقايق .. قمت أسأل .. وبــ هوانـي ..
صاحبي موجود .. وإلا .. حالت .. الأيـام .. دونـه ؟؟


قالوا .. الظاهر غيابك .. ضيّع .. قلوب .. الغـواني ..
مادرى بك ..راح .. مدري ..راحت .. بـ قلبك ..مـزونه !!


وين راح ؟؟ و وين أقفى ؟؟ وكيف يتركني أعاني ..
وكيف قصري اللي بنيته .. هـ الحبايب .. يهجـرونه !!


دارت أيام .. وعرفت .. السالفة .. ما قد .. نساني ..
بس دنيا .. فرّقتنا .. والعهد .. خلي .. يصـونه !!


أنجبر .. بـ ظروف أهله .. يطوي نفس اللي طواني ..
سافروا .. والخل .. سافـر .. يطوي الدرب .. بـ عيـونه !!


باعوا .. البيت القديم .. وبدلّوا.. ذاك ... المكـاني ..
سافروا .. بـ أغلى الحبايب .. وأظلم .. بـ حبي .. كونه !!


من هنا .. كنت أنتهي به .. والعمر .. لو طال فاني ..
ماهو .. بـ ودي .. ولكن .. حالت .. الأيام .. دونـه !!


والله إني .. عند عهدي .. وخذها مني يـا زمـاني ..
بـ أذكره .. إلين أسمي .. بـ الوفيات .. يكتــبونه !!!!

مما راق لي

[الوااا(بالله)اااثق]

والله إني .. عند عهدي .. وخذها مني يـا زمـاني ..
بـ أذكره .. إلين أسمي .. بـ الوفيات .. يكتــبونه !!!!


ماشاء الله تبارك الله
نعم هكذ يكون الوفاء بالعهد وإلا فلا
سلمت مشرفنا اللامع والله على القصيدة الرائعه من روائع الوفاء والحق أنها تكتب بمداد من ذهب

تقبل تحياتي

[الركام]

قصيدة فيها قصة ومعاناة مع الحب
تسلم يافهد البرغش على هذا الاختيار الجميل

[ابو طلال الفيفي]

دارت أيام .. وعرفت .. السالفة .. ما قد .. نساني ..
بس دنيا .. فرّقتنا .. والعهد .. خلي .. يصـونه !!
_ _ _ _ _ _ _ _ _ _ _ _

انتقاء جميل

صح لسان الشاعر وسلمت يمناك اخي الفاضل

[مزون الغربية]

الله يعطيك العافيه مميزه هالقصيده
تحياتي

وين راح ؟؟ و وين أقفى ؟؟ وكيف يتركني أعاني ..
وكيف قصري اللي بنيته .. هـ الحبايب .. يهجـرونه !!