ضقنا وضاق الحي من ضيقة الميت

[أكابر]

هذي القصيده منقووله
أتمنى تنال ع اعجابكم

،،

ضقنا وضاق الحي من ضيقة الميت
(وشابـت لحانـا مالحقنـا هوانـا)

شطرٍ قديم وذقت ماذقـت واحييـت
ذكره وذكر اللي من النـاس عانـا

حنا احتملنا فوق حمـل العفاريـت
وعلـى مناكبنـا نقلـنـا عنـانـا

نبغى نشب النار من غير كبريـت
ونبغى نطوّر فـوق مـن مستوانـا

ونبغى نحج ولانعـرف المواقيـت
ونبغـى ونبغـى والعلـوم تخفانـا

خضنا البحور الهوج من غير توقيت
هـدت عواصفهـا وجانـا بـلانـا

استدرجتنا امواجها شبـه تسكيـت
لين اختبص بصيرنـا مـع عمانـا

وانا مثل غيري من الناس عانيـت
نجهـل وتفكيـك الرمـوز يخفانـا

ولولا الظروف القاسيه ماتشكويـت
غنيّـت للاّهـيـن دانــا لـدانـا

لكن عشت الواقع المـر وازريـت
وبعض الهقاوي مثل بيض السمانـا

فالقلب دولاجـه وفالذهـن تشتيـت
وعجزٍ عن الماجوب يبحث خفانـا

ماعاد وسط جيوبنـا الاّ حتاحيـت
نمشي مـع العالـم بهيبـة لحانـا

طالت وطوّلنا الامل في رجا ليـت
وحنّا ماحـد يقـدر يشـك بولانـا

ان ماسمعنا فزعـةٍ جالهـا صيـت
تحييبنـا نبـض الامـل وتغـذانـا

ولاّتغديـنـا فـتـات البساكـيـت
ومنه احتسينا اللـي يكفّـي عشانـا

وقمنا نجر من الضمايـر تناهيـت
وعنـا يقـول اليـا تنهـت حدانـا

والله لنبطي ما امتلكنـا لنـا بيـت
مادام قسط الراجحـي فـي قفانـا

[الوااا(بالله)اااثق]

صح لسانك
فعلا معانات يعانيها كثير من الناس
صدقت لا فض فوك

تقبل تحياتي

[أكابر]

^
^
القصيده منقوله * *
~~
صح بدنك ولا هنت ع هالمرور أخوي

[الركام]

الله يعين
شكرا لك على الاختيار والنقل

[أكابر]

الركام
شاكره ومقدره مرورك الكريم
لاهنت

[بقآيآ .. حرف]

بارك الله فيك
قصيدة رائعه من وحي الواقع لمعناة المواطن
ماعاد وسط جيوبنـا الاّ حتاحيـت
نمشي مـع العالـم بهيبـة لحانـا

[ابو طلال الفيفي]

وانا مثل غيري من الناس عانيـت
نجهـل وتفكيـك الرمـوز يخفانـا

_ _ _ _ _ _ _ _ _ _ _ _ _

انتقاء جميل

صح لسان الشاعر وسلمت يمناك اختي الفاضله

[الذعذاع]

فالقلب دولاجـه وفالذهـن تشتيـت
وعجزٍ عن الماجوب يبحث خفانـا

ماعاد وسط جيوبنـا الاّ حتاحيـت
نمشي مـع العالـم بهيبـة لحانـا

الله الله
صح ذووووووقك مليااااار
أكااااااابر
ذووووق راااااقي ورفيع
لاهنتي
بإنتظار جديدك

[راعي نجد]

والله لنبطي ما امتلكنـا لنـا بيـت
مادام قسط الراجحـي فـي قفانـا

يا بعد قلبي هذا والله الكلام اللي من ذهب