خذت المرقد بدون وسادة

[الشقراوي]

السلام عليكم

اخواني عنواني غريب شوي

لكن اهم شي هو اوان العنوان جذاب بس

موضوعي هو التالي

بس ابي منكم الصراحة فقط

والتفكير في العشر الدقائق وانت جالس على النت يعني لا تروح بعيد او تفكر كثير

السؤال تخيل انك جالس وفجأه طق الباب واثر اللي جايينك يبون يكشتون اربعاء وخميس وجمعه وقالوا لك

عجل لك عشر دقايق ولم اللي تبي من اغراضك !!!!

وش تبي تولم في العشر دقايق :57:

طبعا المرقد هو الاساس لكن وش غيره ؟؟

يالله عطونا تفكيركم بدون تقطيعات او تشفير :no:

انا صراحة قد صارت لي واخذت علبة فازلين وحبوب بندول وتريك ( بجلي )

عاد وروني وش بتاخذون :86:

[راعي العقربية]

موضوع وفكرة جميلة...

اولا مما سأخذ 1- الفروة 2-غيار أحتياطي

هذا مايحضرني الان

[مخايل البروق]

يعني تبينا على طول نتخيل ان الربع واقفين يحتروني الحين عند الباب

انت ريحتنا من سالفة المرقد

انا اباخذ طحين بر وتمر .............. قاعد افكر ..................... ملابس احتياطي ورادو

لكن تدري فكرتك ما تجي على البال

[ولد نجد]

موضوع ممتاز
الكميرا ... قارمن ... كشاف ... ملابس ثقيلة وملحقاتها ... علاج الصداع
هذا ماجاء على بالي الآن بدقيقة بس
شكرا يالشقراوي

[nahham]

بالنسبة لي العده بمجملها ما تنزل من السياره اصلا
بس وين الصامل لو يبي نسافر شهر

تحيتي

[ابو فراس]

ابو هشام

شرحك سرا ا

نتم لا تطقون الباب ارسلوا رسالة واصل قبلكم بإذن الله

[abo ali]

فكرة حلوة اخوي

وياكثر ما توهقنا ههههههههههه

الى وصلنا ذكرنا النواقص

والى فات الفوت ما ينفع الصوت


موفق خير

[داب شجره]

ياشباب اللي مو عفشه زاهب على طول الله من الشي بينساه

[خالد المقرن]

ماشاء الله يا نهام والله انك شقردي. ياراعي الشريفة.
اما بالنسبة لي ما اقدر لازم تحديد موعد مسبق.

[سلوم]

عاد انا عفشي حوسه

وقليل سفريات بعيده لاني مرتبط بامور رسميه


لكن اهم شي افكر فيه ادبر احد يمسك المسجد

ثم ادور اي شي حول دربي وانا طالع اخذه

[الشيخ منحاش]

اول ما اذكر العمايدي والبشت ،،،،،،،،

[مراسل/جدة]

************************

إسمحلي أخوي ما جربنا كشتات البر ،،،،،

=======================

[صقر البر]

وعليكم السلام ورحمة الله وبركاته

انا اول شي يطري ببالي هو الفروة ثم اتذكر عاد اي شي غيرها

وعلى الخير نلتقي

اخوك صقر البر

[مرافق النشاما]

اولا التمر

الشباب (( كبريت ))

كما قلت فازلين

ومويه

مرافق النشاامااا

[بن خميس]

والله حيرتنا اخوي

لكن انا اشوف ان اقرب شي اوفه بطريقي اخذه

بس اهم شي يكون خفيف ولا يضيق بالسيارة

مثل محول كهرب واو شاحن جوال وغيره

[العالمي]

عاد انا وسيع صدر

ابجيب قلم واقعد اكتب كل شي يطري على بالي

ثم اقرأ الورقة على الربع وهم عند الباب

واللي ناقص اجيبه او نشتريه في طريقنا

[دندشه]

اما انا ابقول مشينا بس على موتري لان به جميع اغراضي حت الملابس موجوده

وان عيوا الكمره والالفروه والتريك واللي طارف

تقبل تحيات اخوك


دندشه

[عبدالهادي المفرج التميمي]

انا اهم شي الرادو

وصيديليه خاصه فيني

وماخف حمله وما ضيق بالسيراة اخذه





سلام