الله لايجزاك بالخير جوال

[سلطان البراري]

اذا سبح فكري من الجال للجال



قعدت اقزر من همومي واشوي



الله لايجزاك بالخير جوال



لخبطت تفكيري وعكرت جوي



اببتعد بك عن محطات الارسال



تحرم عليك الذبذبه والمقوي



وان جيت لي في مرتع تو ماسال



قربت معمالي وشبيت ظوي



ريح الثرى عقب المطر يبري الحال



الليل قمرا والسما فيه نوي



آخذ مع الافكار حله وترحال



واسري بفكري في ظلام مدوي



أصد من مجلس ضحوك ومحتال



كنه صديق لي وقلبه عدوي



اصد عن هرجة أهل القيل والقال



العذل يضعف والعزائم تقوي



لاصحاب مابديها على كل الاحوال



الله اعلم وش يرسم الوقت توي



ان كان ماعشت الاماني والامال



مع الضروف القاسيه وش اسوي




الشاعر : عبدالرحمن بن بديع

[أسد البراري]

صح لسانك ولسان قايلها

[كمال البدور]

صح لسانك اخي الكريم ولسان الشاعر
بدايه موفقه واختيار طيب
اشكرك وتقبل مروري

[بروق الرس]

صــح لسان الشاعر
وصح ذووقكـ
لاهنت

[مساعد منيف العتيبي]

،، صح لسان بن بديــع
من جماليات هــ اـذا النص دقة وصفه
فقد أخذنا معه الى هــدوء وجمال وروعة الطبيعه

أنتقاء وذائقه رائعه تشكر عليها
لاهنت،

[فتى الرابيه]

ريح الثرى عقب المطر يبري الحال
الليل قمرا والسما فيه نوي
------
ياسلام على هذا الاختيار
صح لسان الشاعر وتسلم يدين الناقل
تحياتي

[ام الدانه]

ريح الثرى عقب المطر يبري الحال
الليل قمرا والسما فيه نوي
------

صح السااان قايلها وسلم السان ناقلها

ذوووق رفيع

[الذعذاع]

يآسلآآآم يآ سلآم

صح الله ذووووقك يالطيب

وصح الله لسآآآن الشآآآعر المبدع

ودي وتقييمي

[الاطلسي]

الله يعطيك العافيه اخوي صقر
انتقاء جميل