قلص للبيع

[صدى1]

السلام عليكم ورحمة الله وبركاته
انتهى الشتاء وما استعملته الا مره
المساحه/120في 200 صافي
تفصيل على حسابي
دامر ماهوب دفرنس
حموله 1.5 طن
هنقلين مع شراع فاخر جدا من الممكن فكه بسهوله
على الاجناب مخابي
اللون ابيض رفارف ذهبي
مشبك له اصطبات
كفرات عريضه وجدد

معروض ايضا بموقع مكشات
http://www.mekshat.com/pix/upload/images30/mk48344_image002.jpg

[مخاوي المطر]

طيب سؤال يركب على سيارات امريكية

انا ادور قلص مثل هذا

وايش مواصفاته الخاصة داخلي

[صدى1]

السلام عليكم ورحمة الله وبركاته
اخوي مخاوي القلص يركب على كل سياره المهم الهك (المشبك الي براس القلص)
الداخلي مفرغ كامل ومفروش فرشه بلاستك

[@هـ@]

اسوم ب1000 ريال ..... وش تقول
اذا ماجاز لك السوم حد علي

[مخاوي المطر]

طيب ما فيه محل تانكي ماء او مكان لوضع العدة او دروج

معليش اسئلتي واجد

[صدى1]

القلص مكلف 2350 عند رفبقي بسعر خاص
الشراع والهنقلين مكلفه 350
الخارجي شوفت عينك الداخلي فارغ
وانت وازن امورك ولا ضرر ولا ضرار

[الخليجي]

نسومه بـ 1500 ريال

وربي يرزقك

[عاشق القمرا]

يالله نزود بـ 1700 ريال

وترانا والمين

[محمد القحطاني]

بارك الله فيك اخي الكريم

نريد صور للشكل الخلفي للقلص اذا تكرمت

لك كل شكر وتقدير

[شباب الضو]

والله سعر زين

وينك ياراعيه

يالله تبي تبيعه ؟؟

[صدى1]

لجميع الاخوان
اقلص مضمون لا حذفه ولا رجه والي مصلحه ورشه شبه مصنع

[صدى1]

http://www.mekshat.com/pix/upload/images30/mk48344_image_71.jpg
http://www.mekshat.com/pix/upload/images30/mk48344_image001.jpg
صور القلص

[أه م 1 1 1]

صدى 1

متى البيع إن شاء الله

وتراي صااااااااامل

[أه م 1 1 1]

نسيت أسوم


توكلنا على الله



1750 ريال

[خيال الدهما]

نزيد في السوم 1800 ريال

وش قلت بعتنا

[هداج تيما]

لجميع الاخوان
اقلص مضمون لا حذفه ولا رجه والي مصلحه ورشه شبه مصنع
تكفى تكفى تفكى تكفى ،،،، وين صلحته مادامك تثني عليهم ، واذا بغيت لا تقول لي الا اذا بعته ، أبصلح لي ( قلص وايت) وذكروا لي ورشة بالرس ولقيتهم غاااالين مرة،،،،، وجزاك الله الف خير،،، ولا ودي اصلح بمكان ما أعرفه تخبر الماء ثقيل ولو الشغل ماهوب مضبوط يمكن يتسبب بحادث

أخوك هدااااااج

[وضاح]

سعر مناسب جدا

يالله توكل على الله وبع القلص

[أه م 1 1 1]

شكل ذي البيعه بتطول


السومه لفتره مؤقته

أطاردك من منتدى مكشات لمنتدى البراري

إذا بتبيع والا عطني خبر الله يرضى عليك

[وضاح]

وين راعي القلص

رد علينا تكفى وينك عن سلعتك

[صدى1]

السلام عليكم ورحمة الله وبركاته
اخواني الاعزاء معذرة انا اكون على النت من الساعه 9 الى 3
انا علمتكم كم تكلفته ولا طلع الا مره وحده حتى شعر الكفرات الي بالدعسه موجود واللي جازم يشتري يتعدل بالسومه على اساس مايتعب بالمطارد واكيد اللي يدور سلعه بيكون باخصها زين وعارف تسعيرتها القلص افضل من الجاهزات صاج قوي ومضمون من الورشه

[هداج تيما]

هلا اخوي صدى

مارديت علي الله يجعل والديك بالجنة ، زي ما قلت لك حتى لو بعد البيع ، بس علمني انت بتقولي علشان اتابع موضوعك، واذا فيه عليك احراج من اي نوع فتراك مسموح بس علمني

[الصياد]

كم وصل السوم الان

وهل حنا حول اللي في بالك

ليش ما تحده وتريحنا

[أه م 1 1 1]

السومه مسحووووووووووووووووبه

لك أكثر من عشره ايام لا بعت ولا شي

الأوله مفوله

[أفا يارعي القلص]

اخوي صدى أنا دخلت موضوعك (زائر) وبعد أن قرأت ردود ألأعضاء سواء بهذا المنتدى أو بمنتدى الرابط الذي وضعته ، لا حظت للأسف الشديد أن أكثر من عضو كان ( يسند) عليك وينخاك علشان تقوله وين الورشة اللي صلحت فيه القلص ومنهم (هداج) الذي كرر (تكفى) أكثر من مرة، إلا أن نخوتك للأسف قصرت دون إجابتهم ، فقمت بالتسجيل وجعلت معرفي رسالة شرهة على مثل هالتقصير أو نقص الم0000، والله لو قالي تكفي وهو بهوك سيارتي لا وقفه عند بيته ،

على قدر أهل العزم تأتي العزائم
وتأتي على قدر الكرام المكارم
وتعظم في عين الصغير صغارها
وتصغر في عين العظيم العظائم

[صدى1]

]والله لو قالي تكفي وهو بهوك سيارتي لا وقفه عند بيته
تكفى يكفي والا بعد تكفى ابي سيارتك
امل ارسالها حالاً
اخوي راعي انا دخلت معرض سيارات طبعاً يبيع سيارات لقيت سياره واعجبتني بالحيل حاولت فيه ينزل من سعره وعيا يوم قلتها تكفى صارنشمي وصار من اللي قلت :على قدر أهل العزم تأتي العزائم
وتأتي على قدر الكرام المكارم
وتعظم في عين الصغير صغارها
وتصغر في عين العظيم العظائم
المهم يوم عطاني المعرض كله وصراحة عييت لان ماعندي وقت اقعد فيه مثلك عارف مشغول بالنت ورى القلص والحمد لله لقيت بالمنتدى واحد يقدر مثلك فلعلك تشتريه مني بالي احده عليك على اساس اعلم اخوي هداج عن الورشه او توقفه على بابه تكفى تكفى......

[أفا يارعي القلص]

]والله لو قالي تكفي وهو بهوك سيارتي لا وقفه عند بيته
تكفى يكفي والا بعد تكفى ابي سيارتك
امل ارسالها حالاً
اخوي راعي انا دخلت معرض سيارات طبعاً يبيع سيارات لقيت سياره واعجبتني بالحيل حاولت فيه ينزل من سعره وعيا يوم قلتها تكفى صارنشمي وصار من اللي قلت :على قدر أهل العزم تأتي العزائم
وتأتي على قدر الكرام المكارم
وتعظم في عين الصغير صغارها
وتصغر في عين العظيم العظائم
المهم يوم عطاني المعرض كله وصراحة عييت لان ماعندي وقت اقعد فيه مثلك عارف مشغول بالنت ورى القلص والحمد لله لقيت بالمنتدى واحد يقدر مثلك فلعلك تشتريه مني بالي احده عليك على اساس اعلم اخوي هداج عن الورشه او توقفه على بابه تكفى تكفى......

يا أسف على أخلاق ( المطوع) اللي قاعد يحدث على الناس بمنتدى المساهم عن الصدقة، وأنت أول ماجا الصدقة بالقول بينت عن أخلاقك القذرة ، وضعف نفسك اللئيمة ، يا00000

[بن سليمان]

سامحكم الله

وترى مثل هذا الكلام عيب ان يقال في موقع محترم وكل اللي فيه رجال مثلكم وشرواكم

المهم كم حدك في القلص ؟؟

[صدى1]

اقتباس:
المشاركة الأصلية كتبت بواسطة أفا يارعي القلص
يا أسف على أخلاق ( المطوع) اللي قاعد يحدث على الناس بمنتدى المساهم عن الصدقة، وأنت أول ماجا الصدقة بالقول بينت عن أخلاقك القذرة ، وضعف نفسك اللئيمة ، يا00000

شككتني ياخوي بالي كتبت
انا وش قلت على اساس تنفلت على
ولكن ان كان في كلامي شي يزعلك فأني اسحبه ويادار مادخلك شر
عموما يبان الشخص من كتاباته
وانا احكم الاخوان ان كنت غلطان بشي
لكن ياراعي/ مافهمت كلامك زين( وأنت أول ماجا الصدقة بالقول بينت عن أخلاقك القذرة ، وضعف نفسك اللئيمة ، يا00000)
واخيرا مابغيت ارد على مداخلتك لما رشح لي عن شخصك( اسلوبك مر علي مع محاولتك الخروج من شخصيتك لتمويه) ولكن الرد للاخوان
والسلام

[هداج تيما]

لاتزعل نفسك اخوي صدى ولا انت اخوي افا ، صحيح اني كنت اتمنى معرفة الورشة ، لكن الموضوع بالنسبة لي مايسوى ولا لي (والله) رغبة بأي شي الآن ،، وأستودعكم الله

[وضاح]

خلونا في سعر القلص

كم سيم الان

وهل انت حولنا في البيع

[مرزوق]

مسيوم بـ 1800 ريال

ويالله لك نظر زد في السوم

تراني انا المحرج

[ولد سدير]

نقول بـ 1850

وما عقبها شي

وش قلت

[أه م 1 1 1]

الله المستعان يبغى يشغل العالم


الله يعطيك على نيتك



أشغلتنا بالموضوع لابعت ولا شي


لك أكثر من شهر وأنت عارضه

وبتشوفون يارواد المنتدى ما هو بايع


؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[بن سليمان]

بين الشاري والبايع يفتح الله

حنا نسوم وكل واحد حر في بضاعته

[afmk8]

الاخ صدا1 اسوم 1900 اذا انت بياع جوالي 0505223294

[ذيب نجد]

ما شاء الله سعر طيب بالحيل

مبروك عليك وين صاحبه نشوف رايه

[ابوعبدالملك039]

السلام عليكم ورحمة الله وبركاته
أخي الحبيب صاحب القلص إن كانك بياع فانا
اسومه ب 2000 أرسل لي رساله على الإيميل أذا انت موافق على السومة
[email protected]
أو على الجوال 0504154502


وجزاك الله كل خير