نسل الدواسر جديد

[عبدالمحسن الرحمه]

بسم الله الرحمن الرحيم
قصيده في فضيلة الشيخ / عبدالله الموسى
سر يا قلم وأكتب بيوت جزيلة
أبيات شعر ٍبالمعاني ثرية
بالصاحب أللي ما لقينا مثيله
حاز المراجل والفعول القوية
كلنّ يجيله بالأمور الثقيلة
حلال فتال لأمور العصية
عبدالله الموسى سحابه ظليلة
يظل من يشكي هموم ٍصليه
أبيات شعري في مقامه قليله
جزل العطى مالك قلوب البرية
مسكين حاتم مات وأعزتيله
يحسب بعد موته فلا فيه زيه
ما يدري أنه فيه شيخ الفضيلة
عبدالله الموسى كريم العطية
الدين في قلبه وصوفه جميله
بسمة شفاته صدق ياهي بهية
به ميزهٍ صعبه تحصَل بجيله
تواضعه لناس راعي الحمية
ياما رحم حال النفوس العلية
وياما بذل وقته ونفسه رضيه
نسل الدواسر يامزبن دخيلة
يا مكرم الضيفان صبح وعشيه
عزا لله أنه بالمراجل دليله
وعزا لله أنه شهم سمح السجية
شيخ ٍيحب الخير مالي شليه
يعطي ضعيف الحال دمعه طريه
كم واحد ٍعينه تمنى تخيله
يصافح الكف اليمين الندية
الكايده عنده صراحة هزيلة
ما تاقف بوجهه كريم العطية
بنك المراجل سعد منهو عميله
يصرف من حسابه علوم ٍعذيه
من جاه في حاجه وعجز ٍيشيله
يقوم بالواجب بصدق ٍ ونية
في مقدمه كنّه مزون ٍمهيله
تمطر على ذيك الصدور الخلية
الخير والطيبة وصوف ٍجليلة
والبذل في كفه صراحة مزية
صيته سرى مثل البروق المخلية
لك منزل غالي سكن في عنيه
سفير علم الدين راعي الطويلة
من خادم البيتين حامي الرعية
العلم والبرهان يشعل فتيله
من رافقه تصبح حياته هنيه
كم طالب ٍرباه بأفضل وسيله
الدين مبدأهم وسنة نبيه
مرضى بديل الشيخ مرضى بديله
نادر وجوده ياهلي بالبرية
الصدق هو ضله وعطفه زميله
له حجة ٍبالدين ياهي قويه
له هيبة ٍتلطم عقول ٍهبيله
كفه على الظالم صراحة عتيه

[الركام]

صح لسانك ابو عبد المحسن
ويستاهل الشيخ عبدالله الموسى

[الذعذاع]

صح لساااااااااااانك وعلى شاااانك أخوي العمر
أنثريه فوق الورق يامطلبي
انثري
اتوقع افضل حتى مايثقل البيت

كل الشكر على هالابيات الجميله
بإنتظار جديدك يالغااالي

[المخلص]

صح ذوقك وننتظر جديدك
وسلمت
تقبل مروري

[راع الزلفي]

صح لسانك يابو مالك..

[أحمد السكران]

ابومالك
صح لسانك يارائع
وراعي الطيب يستاهل الطيب

[عبدالمحسن الرحمه]

شاكر لكم ردكم والمرور على القصيده
صحت أبدانكم جميعا