نـاسٍ تنـام مدهـنـة فــي دهــن عــود=ونـاسٍ تـنـام مدهـنـة بـزيـت مـقـري

[رشيد الهديرس]

تعبـت اقـول لضيقتـي سهـود ومهـود=الـيـا مـتـى هالـعـذر بيـكـون عــذري
البـارحـة يــوم اكـثـر الـعـالـم رقـــود=عادت علـي اللـي تجـي منيـن مـدري
الضيـقـة الـلـي كــل مـاراحـت تـعـود=مكـانـهـا مـابـيـن قـلـبــي وصــــدري
نـاسٍ تنـام مدهـنـة فــي دهــن عــود=ونـاسٍ تـنـام مدهـنـة بـزيـت مـقـري
لاواهـنـي الـلـي حـلالـة مــن الـــذود=تسعيـن وضحـى كـل ماضـاق يسـري
يـســج مـعـهـا كـــل مـاهـبـت الـنــود=يتبع مسيـل السيـل فـي القـاع يجـري
ماهوب مثلي من اقرب الناس مجحود=الله يسـامـح مـــن طـعـنـي بـظـهـري
مـن راح ماكنـه علـى القـاع مـوجـود=مـايـدري انــه اول اسـبـاب كـســري
كـل ماطرالـي قلـت مــن قـلـت الـفـود=يالـيـت منـهـو راح مـاعــاد يـطــري
لـو تستحـي مـن فعلهـا ايامـي السـود=كان استحت مبطـي ولا طـال صبـري
قـدمـت بالـمـوجـود لـخـاطـر الـجــود=لـيـن التـفـت ولابـقـى شــي حـــدري
عطيت من عمـري ولا شفـت مـردود=يالـلأسـف للـنـاس ضيـعـت عـمــري
واذا افرحوا واجد علـى طيحـة العـود=هــذا دلـيـل انــه فـعـل شــي يـغــري
بوقـف لحالـي واتبـع الطيـب والـزود=اشـره علـي ان صغـر الوقـت كـبـري
مانـي علـى بعـض المخاليـق مـحـدود=امـــوت مـانـزَلـت لـلـنــاس قــــدري

[هتآن]

مافيه شي


وينها

[الذعذاع]

صح لسانك أخوي رشيد
ابيات جزله من شاعر جزل

لاهنت يالغااالي
بإنتظار جديدك

[الركام]

صح لسانك وذوقك على هذه القصيد الرائعة
و الحمد لله على السلامة
من هو صاحب هذه القصيدة
اذا كانت لك اكتب اسمك واذا كانت منقولة اكتب اسم الشاعر
ولك جزيل الشكر

[المخلص]

ما ني على بعض المخاليق محدود
اموت مانزلت للناس قدري
عزة النفس وعلوها ولو على شظف العيش
واطلاق النفس للفظاء
لك تحياتي
تقبل مروري
المخلص

[رشيد الهديرس]

هلا وغلا باالجميع والله يعطيكم العافيه على المرور الرائع والكريم

[ذيب العارض]

صح لسان الشاعر وتسلم على النقل

وهذه القصيده من اجمل قصائد الشاعر / ثامر شبيب الدقباسي