قصيدتين لشآعر مصلح بن عيآد آلحأرثي ,, وآلشآعر عيد بن سمير آلحربي

[وسام الميزاني]

هذي قصيده للشــــــاعر مصلح بن عياد الحارثي والأبيات تحكي معناها

7
7
7
7
7
7
7
7


راكب اللي كـن جلـدة ودفلاجـه
جلد بردي(ن) هواء الصيف يحلجها
زودوا في شمعة الوجـة وسراجـه
عن يسار الخط ويميـن واهجهـا
اربعة خمسة صفر صفـر تيواجـه
شامة (ن) في رفرف الخلف برمجها
منوة الطيب ليـا حاجـة الحاجـه
يوم الانذال اكتفت مـن حوايجهـا
ول ياقلب(ن) سـرا فيـه دولاجـه
من تصاريف الخبـول وتحججهـا
الضعوف اللي منول على الصاجـه
ان نشدها طيب الاصـل يحرجهـا
صاروا اليومه على القصر ودّراجه
ماتدانـي هرجـة اللـي يهرجهـا
وصلوا القمة علـى متـن دراجـه
ليت عكـاف المخاليـب تدرجهـا
وان حصل تصويت وانذار ومواجه
دنقت بخشومهـا فـي مهادجهـا
اتعبتني ضيقـة الصـدر وحراجـه
يامتـى رب الخلايـق يفرجـهـا
يوم نعطي ضيفنا مستـرة حاجـه
ويوم ننشب حدهـا فـي لوايجهـا


للاستماع
http://www.4shared.com/audio/V0bL-Krk/Track_11.html (http://www.4shared.com/audio/V0bL-Krk/Track_11.html)

__________________

القصيدة الثانيه لشاعر عيد بن سمير الحربي




راكب اللي دقته كنها دق الذهب.......فوق طبطابة ارخام احسن اقصور الملوك

كنه الذيب يحبي لقبل ولقفا حدب.......والرفارف حافة اشماغ بسام محبوك

مايلوق الا لذيك المواكب والجنب.......يفهق الفكسار والبهبهاني والبيوك

تقل لا ناظرت وجهه تناظر بالسكب.......ون سرى عقب العشا تقل في رحلة مكوك

السريع بنوره ايروح مرجان وشعب0.......والمسارات الثلاثه على دق السلوك

للقزوز يقول تبت ايدين ابو لهب.......والقزوز اتقوله نعنبوا من صدروك

كمبيوتر شاشته مثل كاس المنتخب.......ومشراته وقفن من عقب ماهن بروك

حجم(600)يسابق سريعات الندب.......لونه يذكرك في قطعت الليل الحلوك

وارد الجفال مرهق سلاطين العرب......عندي اغلا من رصيد الفتيحي فالبنوك

من طرازات الشبح حي ابو ذاك الشنب.......ما تمده لا لخوك امن ابوك ولالبوك

من شمالي(القصيم)ايتنهض بالطلب....... لين عنه اجبال اجا تنفلق مثل الحنوك



للاستماع
http://www.4shared.com/audio/Bo733CMi/Track_4.html (http://www.4shared.com/audio/Bo733CMi/Track_4.html)



وسلامتكم

منقول

[الذعذاع]

صح الله ذوووقك اخوي وسااااام
اختيارات جميله وذووووق راااقي
يعااافيك ربي ولا يحرمنا من هذا الحضووور الجميل
لاهنت يالطيب

[وسام الميزاني]

يعطيك العافيه

اخوي الذعذاع ع المرور

[الركام]

مشكور على الاختيارات الجميلة

[**دكتور الجروح***]

الله يعطيك العافية
وبيض الله وجهك
وصح أختيارك وصح لسان قائلها