مصافحه اولى (النوق)

[أحمد السكران]

السلام عليكم ورحمة الله وبركاته
مساكم / صبحكم الله بالخير يالربع ..
يشرفني ويسعدني ان اشارك معكم وهذه القصيده اهداء لكم واهداء لأستاذي (راع الزلفي) محمد العثمان السكران


يشوق عيني شوف ذودٍ من النوق
معهن فحلهن في رياضٍ مريفه

يمشن ويرعن من زهر كل زملوق
لو شافهن متضايقٍ طاب كيفه

حاميهن الوالي بحفظه عن البوق
ايضا ومن شر النفوس الضعيفه

معهن فتى ماهوب خبلٍ ومطفوق
عاقل ومتديّن ونفسه خفيفه

وانا ببيت من الشعر معتلي فوق
وان مر طرقيٍ لزوم استضيفه

والشق فيه اللي لها حلو منطوق
مكتملتٍ بالزين ماهيب شيفه

هي شوقي امن البيض وانا لها شوق
ولا ظن ابلقى مثل شوقي وصيفه

يالله ياللي رازقٍ كل مخلوق
يامن يدير الكون بأمره وكيفه

ارجيك حقق حلم شلته بطاروق
نوقٍ ومعهن بنت زينه عفيفه

ذا قول من لا ينطق القول مسروق
ينظم قوافيٍ من ضميره نظيفه

[الركام]

صح لسانك على هذه القصيدة الرائعة
وحياك الله
وننتظر جديدك

[الذعذاع]

أحمد السكراااان

نيابة عن جميع منسوبي منتدى البراري
أقدم لك اجمل التحايا واوفااااها
لإنظمامك معنا بمنتدى الشعر
ونفخر بك وبوجودك وبقصائدك يالغالي
قصيده جميله جدا
صح الله لساااانك وبيض الله وجهك
نسعد بجديدك لاهنت

[المخلص]

وانا ببيت من الشعرمعتلي فوق
وان مرطرقي لزوم استظيفه
صح لسانك قصيده جميله جدا
تقبل مروري
المخلص

[أحمد السكران]

الركام

صح بدنك ياغالي والله يبقيك
وابشر ان شاء الله بكل جديد

[كمال البدور]

صح الله لساااانك وبيض الله وجهك
نسعد بجديدك لاهنت
لك خالص ودي

[أحمد السكران]

الذعذاع

صح بدنك ووجهك ابيض ياغالي
وانا اتشرف بوجودي معكم

[محمد النجيبان]

صح السانك يالغالي
قصيدة رائعة

[عبدالمحسن الرحمه]

ياهلا والله بالقاطع
مالك شوفه يالجار
على العموم صح السانك والبراري لها الشرف تحتضن شاعر مثلك

[برق العارض]

صح لسانك , يعطيك العافيه

http://4upz.almsloob.com/uploads/images/www.almsloob.com-8fc36308a1.gif (http://4upz.almsloob.com/uploads/images/www.almsloob.com-8fc36308a1.gif)

[أميرة الإحساس]

صح لسانك

ولله لا يحرمنا من جديدك دااائما

[راع الزلفي]

أرجيك حقق حلم شلته بطاروق
نوقٍ ومعهن بنت زينه عفيفه

ذا قول من لاينطق القول مسروق
ينظم قوافيٍ من ضميره نظيفه

عزالله.. أنا اشهد وصح لسانك يابن سكران أبيااات رائعة من شاعرٍ شاب..

ارق سنووود وانا اخوووك..

وهديتك مقبولة وابشر بالذود والعنود..

بس لحظه.. الذود أبشر به..
واما العنود تحرم عليك غير بنت ولد عمي الله يخليها لك.

[أحمد السكران]

المخلص

صح بدنك والجمال في مرورك ياغالي

[أحمد السكران]

جار القمر

صح بدنك ووجهك ابيض ياغالي

[أحمد السكران]

محمد بن حمد

صح بدنك والروعه في مرورك ياغالي

[أحمد السكران]

عبدالمحسن العمر

هلا والله ابومالك وحياك ربي الله يشرف مقدارك
مشكور على مرورك وردك ياغالي

[أحمد السكران]

برق العارض

صح بدنك والله يعافيك

[أحمد السكران]

أميرة الإحساس

صح بدنك وشكرا لك

[أحمد السكران]

راع الزلفي

هلا والله ومرحبا بأستاذي وصديقي واخوي ابوعثمان
صح بدنك وشهادتك ومجرد مرورك على قصيدتي اكبر شرف لي الله لايخليني

وهديتك مقبولة وابشر بالذود والعنود..

الله يقبلك وتبشر بالجنه .. الذود عندك واللي عندي عندك عجّل بالعنود بس <-- يبي ينطق :D


بس لحظه.. الذود أبشر به..
واما العنود تحرم عليك غير بنت ولد عمي الله يخليها لك.


لاحول ولا قوة الا بالله قامت الحميا :( ياخي انا اخوك وهذي بنت عمك بس تدري عن شي مانيب مطولن الحتسي لأني بنطق مرتين مرتن منك ومرتن من الرجاله لذا ببلع العافيه واقول الله يخلي لي ولك وللمسلمين ماعطاهم وبركه اللهم لك الحمد :D