[ يالله بنو ٍ بارقه له رفاريف ]

[صبح المطر]

السلام عليكم
ومساكم الله بالخير
وأسأل الله أن يغيث البلاد والعباد
قصيدة أتمنى أن تنال الرضى والإعجاب
ودمتم بحفظ الله

/



يالله بنو ٍ بارقه له رفاريف ** يحن رعاده وتسمر بروقه
بأمر الله الخالق ولي التصاريف ** بأول جباه الوسم يالله تسوقه
من ناوة ٍ ما هي على حسبة الصيف ** وسم ٍ يشق البيد وابل حقوقه
مزنه نصوب وبالمناشي مراديف ** راع الولع لا شاف برقه يشوقه
نوده صباء ما به عسام وعواصيف ** راكد خياله ويتوالى صدوقه
وقعه على جرد الفيافي مجاريف ** يركب رفاع الجال ماه ويحوقه
تصير وديانه كما غبة السيف ** يكبر على وصف الشفوق ويفوقه
يأخذ شهر رجعه يهل التهاتيف ** يحيي مهاشيم الوقوت المحوقه
على ديار ٍ شوفها قمة الكيف ** هي غايتي والقلب وجده يتوقه
لا ربعت من رايحات المقانيف ** وزانت سبور اللي يحس بزهوقه
يا نجد برحابك تزين المشاريف ** والعشب توه زاهي ٍ في سموقه
وطيرك يردد في سماك الغطاريف ** فوق الخضار اللي نديه عروقه
وريح الخزامى مع نسيم الهفاهيف ** هي منوة العاشق وسلوى خفوقه
يا حلو لا منك عقدت المهاييف ** يم الفياض الزاهيه والطلوقه
وشبيت نارك والدلال المهاديف ** على جذى جمر ٍ سناه وشروقه
شروق ضوء الشمس ما هو سناء طيف ** في خايع ٍ يجلا عن البال ضوقه
مع خوة قروم ٍ تسد المواقيف ** رجالهم بالطيب يصعب لحوقه
ودارت مع الفنجال حلو السواليف ** وكل ٍ على غاية مرامه وذوقه
هاذي حلاة العمر قبل الصواديف ** والعمر لا بد الليالي تعوقه
وغبر الليالي يكسرن المجاديف ** كم واحد ٍ لوعات بقعاء تبوقه


عبدالله الحربي

[الذعذاع]

من ناوة ٍ ما هي على حسبة الصيف ** وسم ٍ يشق البيد وابل حقوقه
مزنه نصوب وبالمناشي مراديف ** راع الولع لا شاف برقه يشوقه
نوده صباء ما به عسام وعواصيف ** راكد خياله ويتوالى صدوقه

الله الله الله
ياسلااااااااااااام
ابياااات جميله جدا
صح لساااااااااانك مدد بلا عدد أخوي عبد الله الحربي
لاهنت

[ذعاذيع الصباء]

ودارت مع الفنجال حلو السواليف ** وكل ٍ على غاية مرامه وذوقه
هاذي حلاة العمر قبل الصواديف ** والعمر لا بد الليالي تعوقه
اشكرك على هالروائع الرائعه وصح لسانك
واسلم واستلم
بنات فكري عودن لي مناكيف ... هيضتهن باللي تقول وتسوقه
انا اشهد انك مبدعً بالتواصيف ... طير الثلاث اليا انتهض من اسبوقه

[هديب الشام]

صحك لسانك يا ابو زياد قصيدة تخلي الواحد يبكي من الشوق للمطر
ابو زيد انت شاعر كبير وصراحة افتخر ان جوالي يضم العديد من قصائدك الجميلة

[الركام]

صح لسانك على هذه الابيات الجميلة
نسأل الله الغيث والرحمة

[روح آلوفآ]

ودارت مع الفنجال حلو السواليف ** وكل ٍ على غاية مرامه وذوقه
هاذي حلاة العمر قبل الصواديف ** والعمر لا بد الليالي تعوقه


آلله آلله قصيده رآئعه جداَ جداَ صح لسآنكْ
وعلآ شأنك صبح آلمطرِ على آلقصيده آلجزله

ونسأل آلله آلغيث وآلرحمهَ
ولآعدمنآآكْ يآربْ ولآعدمنآ آبدآعآتكْ آلشعريه
لكْ كلْ آلشكرِ وآلوود ~

[صبح المطر]

من ناوة ٍ ما هي على حسبة الصيف ** وسم ٍ يشق البيد وابل حقوقه
مزنه نصوب وبالمناشي مراديف ** راع الولع لا شاف برقه يشوقه
نوده صباء ما به عسام وعواصيف ** راكد خياله ويتوالى صدوقه

الله الله الله
ياسلااااااااااااام
ابياااات جميله جدا
صح لساااااااااانك مدد بلا عدد أخوي عبد الله الحربي
لاهنت

أخي / الذعذاع
اسعدني مرورك الراقي والجميل
أضفت الكثير من الجمال بتواجدك الكريم
وصح بدنك ولا هنت
تحيتي

[صبح المطر]

ودارت مع الفنجال حلو السواليف ** وكل ٍ على غاية مرامه وذوقه
هاذي حلاة العمر قبل الصواديف ** والعمر لا بد الليالي تعوقه
اشكرك على هالروائع الرائعه وصح لسانك
واسلم واستلم
بنات فكري عودن لي مناكيف ... هيضتهن باللي تقول وتسوقه
انا اشهد انك مبدعً بالتواصيف ... طير الثلاث اليا انتهض من اسبوقه

الأخ / ذعاذيع الصباء
اسعدني مرورك الراقي وتواجدك الجميل
أضفت الكثير للمشاركة وصح بدنك وطاب فالك
تسلم والله على هالأبيات الرائعة
وصح لسانك .. مبدع
تحياتي لك

[صبح المطر]

صحك لسانك يا ابو زياد قصيدة تخلي الواحد يبكي من الشوق للمطر
ابو زيد انت شاعر كبير وصراحة افتخر ان جوالي يضم العديد من قصائدك الجميلة

الأخ / هديب الشام
اسعدني مرورك الراقي وتواجدك الكريم
صح بدنك يابو خالد .. لا عدمناك
شهادة غالية أعتز فيها من شخص غالي وعزيز
لي الشرف طال عمرك
تحياتي

[صبح المطر]

صح لسانك على هذه الابيات الجميلة


نسأل الله الغيث والرحمة


الأخ / الركام

سعدت بمرورك الراقي وتواجدك الجميل

صح بدنك ولا هنت

آمين

[صبح المطر]

آلله آلله قصيده رآئعه جداَ جداَ صح لسآنكْ
وعلآ شأنك صبح آلمطرِ على آلقصيده آلجزله

ونسأل آلله آلغيث وآلرحمهَ
ولآعدمنآآكْ يآربْ ولآعدمنآ آبدآعآتكْ آلشعريه
لكْ كلْ آلشكرِ وآلوود ~





الذعذاعه

سعدت بمرورك الجميل وتواجدك الراقي

أضفت الكثير للمشاركة

صح بدنك وطاب فالك

تحيتي

[صبح المطر]

الف شكر لمروركم جميعا ً

ونسأل الله أن يغيثنا عاجلا ً غير آجل

[صبح المطر]

يالله بنو ٍ بارقه له رفاريف
يحن رعاده وتسمر بروقه

يا كريم

[Al-KHUSHAIBY]

تسلم يا ابو يزيد على القصيده

[عبدالله ماجد العفاس]

عبدالله الحربي .
صح لسانك مليون
قصيده معبره بجزاله تحرك الوجدان .
مدادها من ذهب مخضب بجزل المعاني .
لله درك , تقبل اعجابي .

[ابن حماد]

ابو يزيد بيض الله وجهك على هذه الرائعه واسمحلي بهذه الابيات التي كتبتها على استعجال

زل الخريف وحل نو الوسم ضيف
اللي ملك جملة محبيه شــــــــوقه

اول يزاورنا خيالــــــه في الطيف
واليوم فرحتبه انفوسٍ شـــفوقه

يالله بمــــــزنٍ بوله نوه مخيف
ليلٍ مـــــواخيره وبيضٍ اعنوقه

لكن ربانـــــه جبل قطــن والخيف
والريح مطلع شمس حزة شروقه

كنه تقهقربه تبي مـــــزنه ايقيف
كما يقهــــــقر راعي البل ابنوقه

مرخي هماليه من السيف للســيف
حقاق وبله من مزونٍ صـــــــدوقه

ياخذ شهر وجه السماء منه ماشيف
من اليمن للترك ســـــــــاقة اشنوقه

يروي ثرى دار البكار المـــواليف
لمـــــا تروا من ســـــيوله اعروقه

[سراب]

يسعد مساااءك ياشاعرنا
شهادتي بشاعريتك مجروحة فانا من اشد المعجبين
بشعرك وهالقصيدة تستحق الرفع مجددا
بيض الله وجهك وربي يجيب الغيث
تسلم يالغالي

[صبح المطر]

تسلم يا ابو يزيد على القصيده

يا هلابك اخوي راشد
ومن قال يسلم ويغنم
سعدت بتواجدك الكريم

[صبح المطر]

عبدالله الحربي .
صح لسانك مليون
قصيده معبره بجزاله تحرك الوجدان .
مدادها من ذهب مخضب بجزل المعاني .
لله درك , تقبل اعجابي .

يا هلا اخوي قلب ذيب
سعدت بمرورك وكرم تعليقك
لا هنت وبيض الله وجهك
وصح بدنك
تحياتي

[صبح المطر]

ابو يزيد بيض الله وجهك على هذه الرائعه واسمحلي بهذه الابيات التي كتبتها على استعجال

زل الخريف وحل نو الوسم ضيف
اللي ملك جملة محبيه شــــــــوقه

اول يزاورنا خيالــــــه في الطيف
واليوم فرحتبه انفوسٍ شـــفوقه

يالله بمــــــزنٍ بوله نوه مخيف
ليلٍ مـــــواخيره وبيضٍ اعنوقه

لكن ربانـــــه جبل قطــن والخيف
والريح مطلع شمس حزة شروقه

كنه تقهقربه تبي مـــــزنه ايقيف
كما يقهــــــقر راعي البل ابنوقه

مرخي هماليه من السيف للســيف
حقاق وبله من مزونٍ صـــــــدوقه

ياخذ شهر وجه السماء منه ماشيف
من اليمن للترك ســـــــــاقة اشنوقه

يروي ثرى دار البكار المـــواليف
لمـــــا تروا من ســـــيوله اعروقه

الف صح لسانك اخوي هماليل المخيل
جزلة من شاعر جزل
سعدت بتواجدك الجميل
مبدع وأضفت الكثير هنا
لا عدمنا حضورك وتواصلك الراقي

تحياتي

[عايد]

صح لسانك اخوي صبح المطر
على هذه القصيده الرااائعه بحق
الله يسعدك ويجزااك خير على هذا الابداع