ابيات شعـــــر

[فتى الجبل]

قصيدة تلميحه

الشعر يا شين بعض أحيان تنقيحه
لا صرت ناوي تجامل فيه وتحابي
والكلمه اللي ترد الضيق وتزيحه
من شانها الحرف له ميدا بكتابي
وان غاب حرفي وغيبني بتصريحه
أقول قمة حضوري يعني غيابي
الناس متقلبّه والوقت مرجيحه
ما ودي اطوّل الموضوع بإسهابي
البارح ) اللي طفت عنا مصابيحه
في ظلمته ضاع حتى موقع إعرابي
والكون عمت به الفوضى على الريحه
وانا لفوضاه ما ني حاسب إحسابي
طحت ورماني تحت رحمة تماسيحه
زماني اللي ما قدر طيب شيّّابي
ومن جور غدر الزمان وقوّة الطيحه
اهتز عقلي وصحت إرهابي .. إرهابي
والصيحه اللي وراها ..... مثلها صيحه...؟
يبعد صداها .... ويرجع ويتهزابي !
مدري من الوقت ...؟ ولاّ من مشافيحه ..؟
لو أعرف أسباب ... والله لا بذل أسبابي
مار الغلط صار وأصبح صعب تصحيحه ..!
وفي هجعة الليل مالي كود محرابي
اغنم بتاليه تكبيره وتسبيحه
وارفع يديني لربي .. وارخي اهدابي
ادعيه في مقبل العمر ومراويحه
وادعي على الظلم وأهل الظلم من ما بي
في عيني الكون وش ضيّق تباريححه ..؟
وأصحابي أهل ألوفا ...وش غيّر أصحابي ...؟
الواقع اللي جمعني مع مجاريحه
فاتورة الطيب .. علقها علي بابي ..!
( اذرى مذاريه ) قامت تصطفق ريحه
طيّر شماغي هواه (وينفض) ثيابي
والضلع ) ما فادني قيصومه وشيحه
رغم المطر..ما حصل مرباع لركابي
ممنوع عن فيض واديه وصحاصيحه
محدود يم المحل في جنبه الكابي
ظلم وخطا .. والخطا مطلوب توضيحه
من شان ما اكذب على الغالين بإعجابي
والغالي الله يبارك فيه ويبيحه
فاهم وصدره وسيع ويقبل إعتابي
ما هو بزعلان من كلمه وتلميحه
أنا أنظلم كل ساعه وامسك أعصابي ..!!

[عبدالمحسن الرحمه]

الشعر يا شين بعض أحيان تنقيحه
لا صرت ناوي تجامل فيه وتحابي
والكلمه اللي ترد الضيق وتزيحه
من شانها الحرف له ميدا بكتابي

صح السانك أبيات رائعه

[أحمد الحربي]

وارفع يديني لربي .. وارخي اهدابي
ادعيه في مقبل العمر ومراويحه
وادعي على الظلم وأهل الظلم من ما بي

صح لسانك يا الغالي و بيض الله وجهك

[ابو طلال الفيفي]

والغالي الله يبارك فيه ويبيحه
فاهم وصدره وسيع ويقبل إعتابي
ما هو بزعلان من كلمه وتلميحه
أنا أنظلم كل ساعه وامسك أعصابي
. . . . . . . . . . . .

ابيات جميله .. لاهنت

وصح لسانك اخي الفاضل فتى الجبل

[الوااا(بالله)اااثق]

وارفع يديني لربي .. وارخي اهدابي
ادعيه في مقبل العمر ومراويحه
وادعي على الظلم وأهل الظلم من ما بي
في عيني الكون وش ضيّق تباريححه ..؟
وأصحابي أهل ألوفا ...وش غيّر أصحابي ...؟
الواقع اللي جمعني مع مجاريحه



صح لسانك لا عدمناك ولا فض فوك

[بروق الرس]

وفي هجعة الليل مالي كود محرابي
اغنم بتاليه تكبيره وتسبيحه
وارفع يديني لربي .. وارخي اهدابي
ادعيه في مقبل العمر ومراويحه
وادعي على الظلم وأهل الظلم من ما بي
في عيني الكون وش ضيّق تباريححه ..؟
وأصحابي أهل ألوفا ...وش غيّر أصحابي ...؟
الواقع اللي جمعني مع مجاريحه


أبيااات راااائعه
بارك الله فيك