ما أفضل قدور الضغط

[ممتاز]

بسم الله الرحمن الرحيم

السلام عليكم ورحمة الله وبركاته

عندي استفسار (ما افضل قدور الضغط)

وكيفية الطبخ بها بالتفصيل(كبسة اللحم والدجاج)

لأني إلىالآن على القدر القديم وابي ارتاح من كل شوي قم وافتح القدر

سلمكم الله

[حنين الشوق]

على ما اعتقد هذا النوع


http://m758.jeeran.com/image/China_pressure_cooker.jpg (http://m758.jeeran.com/image/China_pressure_cooker.jpg)




1- قدر ضغط
2- زيت
3- بصل
4- دجاج أو لحم
5- صلصة طماطم
6- بطاطس
7- كوسا
8- صحنين رز منقع بماء حار

طريقة العمل:
يحمس الزيت مع البصل لمدة دقيقة ثم يوضع الدجاج أو اللحم مع شوي ماء
يحرك لمدة دقيقتين ثم يوضع عليه البهارات وصلصة الطماطم والملح حسب الرغبة ثم يسكب الماء نصف القدر تقريبا ثم يقطع فيه البطاطس والكوسا ويوضع الليمون الأسود للذوق الرفيع ثم يغلق قدر الضغط جيدا إذا كان الذي طبختوه دجاج يترك ثلث ساعه أما إذا كان لحم يترك نصف ساعه
ثم تنزع صفارة القدر ويترك البخار يخرج لمدة عشر دقائق ثم يفتح الغطاء ثم يوضع الرز بعد تنظيفه وغسله جيدا ويغطى لمدة ربع ساعه
وبعدها يقدم الأكل وبالهنا .
وهذة طريقة ثانية



اخذي قدر الضغط < < عشان ماتطول في الطبخ .

وعبيه مويه وحطي عليه ( مكعب ماجي +بهارات حب اللي متوفر +ورق غار+ ليمون اسود +فلفل حار +بصل مقطع كبير+ قرنفل +|فصوص ثوم +رشه خفيفه كركم)

واول ماتبدأ تفور المويه اضيفي اللحم
http://www5.0zz0.com/2009/12/30/04/291371348.jpg (http://www5.0zz0.com/2009/12/30/04/291371348.jpg)


انا اخذت الصورة والمويه تفور

طبعا مانحط ملح الا بالاخير عشان مايقسى اللحم .. ويطول بالنضج

واقفلي الضغط عليه << اضغطيها
والنار تكون متوسطه

وخليها نص ساعه ...

(انا خليتها نص ساعه ولما فتحت الضغط كانت اللحمه شوي قاسيه

رجعتها وضغطتها ربع ساعه زيادة ))

يعني على حسب حجم اللحمه وقدرك ..بس غالبا مو اقل من نص ساعه ..

..

عشان نطبخ الرز نحتاج لمرقه اللحم اللي بالضغط

عشان كذا بهالوقت نجهز الاتي

نسلق بيض ونقطعه دوائر

نقطع بصل شرايح ونغمسه بدقيق وبهارات ونقليه << زي حق الكشري
ونجهز الزبيب

تاخذي طاوة وتحطي فيها شوي زيت او سمن ولما يسخن

تضيفي الزبيب وتقلينه
http://www4.0zz0.com/2009/12/30/04/723607544.jpg (http://www4.0zz0.com/2009/12/30/04/723607544.jpg)

شوي زيت << انا استخدمت الزيت اللي قليت فيه الزبيب

وشرايح بصل

وشرايح فلفل رومي << كميتهم حسب الرغبه .

ومكعب ماجي

وقلبيهم مع بعض تماااااااام


تجيبي الرز (( مغسول ومنقوع مدة كاافيه ))

وتصفينه من موية النقع وتضيفينه على الخلطه وتقلبينه معاهم

الين يختلطون

بعدين اضيفي المرق بحيث انه يكون مناااااسب لنضج الرز

واضبطي الملح ...

والنار تكون متوسطه ..

وخليه يطبخ على راحته



تاخذي اللحمه وتوزيعها بالصينيه بشكل مضبوط

ماتكون ع بعض

وتدهنيها بالخلطه (( صفار الزعفران + بهارات + مويه كاادي + موية ورد ))

انا احط المقادير بالنظر .. وانتي على حسب كمية اللحم

وحطيها بالفرن وولعي من فوق عشان تتحمر ..

<< سامحوني ما صورت هالخطوات لاني تحمست مررررة وابي اخلص .

بس ان شاء الله واضحه عاد انتم سنعات ما يحتاج >>

المهم

اذا قرب ينضج الرز رشي عليه من فوق نفس خلطة اللحم
(( صفار الزعفران + بهارات + مويه كاادي + موية ورد ))

وارجعي غطيه الين يكمل نضج ..

واذا نضج خلااااص

احفري حفرة بوسطه وحطي فيها زبديه فيها ( شوي زيت +شريحه بصل )

وفوقها على طول الجمرة واكتمي الرز ..

يفضل تولعي الفحم اول ما تبداي بالرز ..

ملاحظه .. بعد ماتحمر اللحم سويت نفس الطريقه حقت الرز اخذت زبديه وحطيت فيها

زيت وبصل وجمرة وقفلت عليه بقصدير

بس مااحس انه اخذ نكهه .. << للي حابه تجرب..

نجي للتقديم ..

تفتحي على الرز وتصبي عليه الزيت اللي في الزبديه وقلبيه بالشوكه عشان اللون الاصفر

يتداخل ببعض ..

وتغرفينه بالصحن ..وطبعا اللحم فوقه

وزينه بطريقتك


http://www9.0zz0.com/2009/12/30/04/251527079.jpg (http://www9.0zz0.com/2009/12/30/04/251527079.jpg)

[أميرة البراري]

قدر السيف الاستيل وترى سعره غالي هذا افضل شي حاليآ
وفيه قدر السيف الالمنيوم حلو حنا نستخدمه ببيتنا وسعره معقول
والطريقة ماقصرت ام عبدالله
اتمنى اكون أفدتك

[ممتاز]

لحن الخلود

ام عبدالله

هلابك وسلمك الله

وش اسم القدر ؟

والصورة السابقه المويه اكثرمن النصف وهل اذازادت المويه

الرزيسد الصفيره ويمكن ينفجر

الله يستر

بوركتي

[ممتاز]

اميره بكلمتي

هلابك مشكوره

فيه غير السيف في محلات المكشات تنصحونابها

بوركتي

[حنين الشوق]

هلا اخ ممتاز بنسبة لي عمري ما طبخت بقدر الضغط
انا بحثت لك وهذة الطريقة التي وضعتها مناسبة
وانواع القدور كثيرة بس لااستطيع افيدك في اختيار
النوع مثل ما قالت الاخت اميرة بكلمتي ان ماركة السيف احسن
وحيااااك

[ندى الورد]

بالنسبه لأفضل قدور الضغط هي الألماني وعن تجربه
أنا دائم أستعمله مررره مريح ويطلع الأكل فيه خيال وهذي صورته نفس القدر اللي أستخدمه
وطريقة الطبخ فيه حسب الرغبه نفس القدر العادي بس تكون المويه موزونه حسب الكميه
القدر بشكله العام والخارجي


http://www.albreah.org/up2/uploads/images/albreah.com-5546ed5044.jpg (http://www.albreah.com/vb)




( 2 )


بلف الأمان الأحتياطي صوره


http://www.albreah.org/up2/uploads/images/albreah.com-16a634874b.jpg (http://www.albreah.com/vb)




( 3 )


المقبظ او الممسك يأتي في هذا الموديل جانبي فر يمين يسار


http://www.albreah.org/up2/uploads/images/albreah.com-91daa4702a.jpg (http://www.albreah.com/vb)

[ممتاز]

لحن الخلود

سلمك الله وبارك بك

على المجهود الطيب

الف شكر

[ممتاز]

قطر الندى

هلابك

غريب ذالقدر

وشكله مايصلح للبر ابد

بتميع العروه

سلمك الله

[أميرة البراري]

هلابك اخي الفاضل انت تبيه للبر عليك بقدر الضغط الالمنيوم <السيف> ونصيحه اول ماتشتريه فك العراوي مالها داعي عشان ماتميع وانا اخوي راعي بر مايستخدم الا هذا وعنده بجميع الاحجام اما اللي عند المكشات مااعرفه وش اسمه يمكن تقليد السيف وانا انصحك بقدر السيف الالمنيوم ماراح تندم انا مجربته واغلب حقين البر يستخدمونه
تقبل مروري

[ممتاز]

أميره

هلابك وغلا

الف شكر بارك الله بك

سنعمل نصيحتك

عافاك الله

[حفيد تميم]

هلا والله اخوي مثل ما سمعت ان قدر السيف الفضل واحسن
تقبلو مروري

[الحثاقي]

هلا بك اخوي افضل قدر ضغط بلا منازع هو ماركة سب الفرنسية

بس عيبه سعره الغالي سعر القدر سعة 8 لتر 700 ريال

[ممتاز]

حفيد تميم

هلابك

مشكور

[ممتاز]

الحثاقي

هلابك

مثل ماقلت ويم اني دورت لقيت افضل شيئ

سب وهو غالي بـ 800 و700

واربعه لتر بـ 400

يازين القدور العاديه بس انها تغث

الف شكر