قـصـيـدة حــزينه

[رعد الصحاري]

تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق (http://www.5reeef.com/vb/t22196.html)ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات





نقلا

[فواز القاسم]

صح لسانك ..,,..

[مخلب طير]

احسنت على النقل الجيد يا رعد قصيده فيها جودة المحاوره بين المحبين
صح لسان قايلها و سلم اختيارك

[ام الدانه]

الله يعطيك العافيه قصيدة روووووووووعه بصرااااحه

وبالصميم صح السانك والسان كاتبها

[الركام]

صح لسانك ولسان الشاعر ومشكور على النقل الجيد

[بدر الرياض]

صح لسانك ولسان الشاعر
الله يعطيك العافية

[كمال البدور]

قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات

تسلم اخوي رعد الصحاري ، قصيده روعه جدا"

[مدور الغيث]

صح لسانك ولسان الشاعر
اختيار جميل

[الذعذاع]

القصيده للشاااااعر /سعود الردعان الهاجري
صح لسان الشاعر وصح قلبك أخوي الغالي
نقل مميز وذوووووق
وماعاد تنفع الرجعه يالمزيووووونه